حبيبتي شفتي وضعك انا اعاني بوضع مشابه له كثييييير بس انا اسوء منك لان زوجي ماينجب والدكاتره قالو لنا مافي امل والحمدلله على كل حال

لا اطفال ولا حقوق شرعيه اقعد بالشهرين والثلاثه عشان تصير العلاقه ومهما لمحت وصرحت مافي فايده عايشه مع جدار

ونقاااااد بالكلام كل شي ينتقده فيني شعري بشرتي لبسي كل شي ، لو اسمن كيلو طفشني بحياتي وحسسني اني برميل مع العلم انه وزنه فوق الميه وانا بالستينات

اهله كل صغيره وكبيره يوصلها لهم احسهم عايشين معانا بنفس البيت من كثر ماهم عارفين ادق التفاصيل حتى الحاجات اللي اشتريها لازم يطقمون معي

وبغربه بعيده عن اهلي لي سنه ونص او اكثر ماشفتهم

تعبت والله لا يضيع لي تعب ويكتب اجري


انتي ارحم مني على الاقل عندك اطفال يملون حياتك ،، اكثري من الدعاء في الثلث الاخير من الليل ان الله يسخره لك ويحنن قلبه عليك ويجعله قرة عينك

ياأملي الله يرزقك الذرية الصالحة المعافاة 
وانا ياما فكرت بالطلاق لان زوجي أناني معي فقط لكن مع اهله والناس يقصر على نفسه عشانهم وانا اي شي اطلبه منه والله العظيم يبرر انو مو لازم كماليات وفجأة الاقيه راح يشتري لاهله كل اللي انا ابيه وهم يجيهم من غير طلب ومن غير حاجه وفي الاخير صار له مشكلة تافهه مع اهله وطردوه من بيتهم هذا وهو مرمم بيتهم ومغيره من الى  ربي نصرني عليه يستاهل مايجيه

والبارح اول مره اطلع من البيت ..اول مره البس عبايتي الغريبة عني ...اول مره اركب سيارة من شهرين والسبب ولدي مسخن 
وقبل لا نرجع طلبناه اكل ورفض يقول انتي اطبخي بالبيت  رجعنا 9 مساء مافي وقت اجهز اي شي الا وعيالي حيناموا 
وتعشينا بيض وهو تعشى مفطح عساه باسهال مايطيب منه 


والله  نتراضا بالصباح من زعل شهر او شهرين ونفس اليوم اللي تراضينا فيه  يدور اي مصيبه عشان نتزاعل الله ينكد عليه من غير شر علي انا وعيالي 

وربي لو مو عيالي كان تطلقت منه عندي اهل بشيلوني شيل لكن عيالي لا طبعا  لو عرفوا اهلي عني كان كرهوا حتى اسماء اولادي لانهم من زوجي الحقير



وابشركم عرفت شخصيته طلع شمالي غربي وهو شخص مايتعلم من اخطاءة ابدا 
وانا شمالية شرقية اتنازل لتمشي السفينة 
والله ينصرنيﻻعلى من ظلمني وظلم اي امرأة على وجه الارض غير مبالي 

جرب اليوم أجعل أكثر أوقاتك صﻼ‌ةً على النبي صلى الله عليه واله وسلم شوف شلون حياتك راح تتغير ,, شوف شلون أمورك راح تتيسر أنظر إلى صدرك كيف ينشرح ,, أنظر إلى حياتك كيف ﻻ‌بد وأجعل عندك يقين أن يكون في تغير في حياتك كلها فقط بالصﻼ‌ة على النبي 

الشيخ نبيل العوضي

حاسه بمعاناتك نفس حالتي وحتا لو تتكلمين بدون فايده وحقوق ضايعه حسبي الله

بسم الله الرحمن الرحيم


السلام عليكم ورحمة الله وبركاته


المرأة التي تجذب الرجل الشمالي الغربي..



عادة ستجدون ان الرجل الشمالي يميل الى المرأة التي تشعره بأهميته وقوته وشخصيته ..



المرأة التي تعيره الحب .. دون عطاء كبير ..


أي بمعنى انها تشعره بعشقها ولكنها مستقلة عنه




وغير ملتصقه به ..




يحب المرأة ذات الشخصية القوية والتي تحترم نفسها وشخصيتها ورأيها ..



رغم انه يعارض كثيرا



ولكنه بالاخير يحب اخذا الامور بمنطقة وتحليل واقعي..


يميل عادة الى المرأة التي تكون غير متكلفة بنفسها وفي زينتها ..



أنيقة بسيطة بطلتها ..




ينجذب الى المرأة الرشيقة التي تميل الى النحول اكثر .. والتي تميل الى الطول ..



ولكن هذا ليس شرطا حتميا على الجميع ولكنه الغالب على أذواقهم ..



تجدين ان الرجل الشمالي الغربي.. يحب لفت الانظار كثيرا ..


ويحب من ترمقه بإعجاب ومن ثم تبتعد


ومن تكون دقيقة معه بطلته ومنظره فهو يميل اليها



اي اذا نظرتي الى الرجل الشمالي الغربي..




وقلتي له من اول طله عليك انك وسيم جدا بهذا الشماغ مثلا



فأنك بهذا القول تعطينه حقنه مخفيه تدفعه للتباهي امامك كالطفل تماما



مع سعادة داخليه غير ظاهره .. ومحبه ..



الرجل الشمالي الغربي عادة يميل الى مدح نفسه ..



فلا تتركي له المجال.. وانفخيه اكثر وامدحيه اكثر ستجدينه سيحبك اكثر ..



ولا تقولي لربما يرفع خشه عليك




على العكس..





وخذيها مني .. لأنه سيشتاق لكماتك كلما رأى أحدا جديدا لم يخبره ما تكرريه انتي عليه دائما..




الرجل الشمالي الغربي .. يحب المرأة ربة بيت وطاهية ماهره ..



ذكية ومثقفه .. تاخذ الأمور من ناحية المنطق والتحليل والفكر اكثر من العاطفة



لا يميل الى المرأة الحزينة الكئيبة .. فيهجرها تماما ..




ويميل بالاكثرية الى المرأة المرحة الفرفوشة الساخره منه احيانا كما يفعل ..




الرجل الشمالي الغربي انسان عصبي وحاد المزاج .. وانتقادي وشرس احيانا




ولكن متى رأى أمرا يخالف ما يريد ..




لهذا فهو يحب المرأة التي تبتعد عنه وقد غضبه حتى يهدأ .




. لانه هذا جل ما يريده منها حين غضبه ..



يحبها هادئة وناعمه ولكنها جريئة نوعا ما وذكية ..




ان شاءالله اكون افدتك ي الغاليه