تعبت.. ساعدوني..

لسلام عليكم يا اخواتي..
و الله يهديلكم ذريتكم.. و يجعلهم من الصالحين أن شاء الله..

أنا يا اخوات تعبت من ولدي.. ما شاء الله عمره 6 شهور و اسبوع.. بس متعبني وايد في رضاعته و في اكله..

جدوله ما تغير من عمره شهر..
يرضع كل ساعتين.. و احيانا ما يكمل الساعتين.. كل ساعه و نص..
بس اذا كان طبيعي يرضع خمس دقايق بس ..
و اذا صناعي.. ما يكمل 120 مل..
و الحين ابتدا ياكل و ما يكمل نص الكميه...

الحقوني شو اسوي... خلاص تعبت .. الطبيعي خلاص..
و انا كل شوي اركض اسوي رضعه.. و كل شوي اغسل الرضعه و اسوي غيرها...
و اجهز الأكل و ارمي نصه..
و في الليل.. يقوم مرتين علشان يرضع..
انا ما ابغيه يربرب و يمتن.. عادي عندي يكون ضعيف.. بس ابغي يرضع و ياكل زين..

صدق تعبت.. و نفسيتي خلاص منهاره..
ساعدوني شو اسوي..