السلام عليكم
مرحبا اختي
ادري مهما قلنا يمكن بضلين متحطمه لان جاك كلام كثير وضغط كثير ويبغالك فتره على ماتنسين بس احب اقولك اتعلمي كل شي حتى وانتي مضغوطه وحاولي انك
تنسين وطول اليوم استغفري بينك وبين نفسك واذا احد تكلم معك سوي نفسك ماسمعتي وحاولي تتعلمي خطوه
بخطوه وكل شي يجي شوي شوي واذا حابه تفضفضين بكون معاك


وصدقين الي عنده طموح وعزيمه وحط شي براسه بيسويه وش ماكان وضعه

رفع

تبين تكونين مبدعه في كل شي

امسحي كل اللي انقال لك وابدأي في دعم نفسك وشحنها ذاتيا بعبارات ايجابيه مليئه بالثقه قولي لنفسك انا احسن من غيري بكثير انا اقدر اتعلم اي شي وابدع فيه واتحدي نفسك وشوفي الابداع

في ناسه اذا سمعت تحطيم اما انه تستجيب وتتحطم وتثبت لغيرها صحت كلامهم او ترفض وبشده وتثبت نجاحها اختاري انتي من اي نوع
انا لو بقترح عليك اقولك جيبي امك وانا بسبها واشتمها واذا تبغين بضربها بعد ما بيمديني اكمل كلامي الا وانتي مقطعتني تقطيع وفرم بعد مابترضين عليها بعد كل التحطيم والانكسار الي سببته لك طيب وش السوات مع امك
الحل انك تسامحينها ممكن تقولين لها يمه لو انتي تبيني اصير ناجحه كان ساعدتيني ما هنتيني كان علمتين وشجعتيني بس الله يسامحك ويجعلني سبب لدخولك الجنه بوسي راسها ورحي
امك ما تعرفين وش ضروفها ولا تعرفين السبب الي خلها تقول الي قالته وما تعرفين وش كانت تعاملها امها
ابدي خطوه قويه مع نقسك سيبك من شغل البيت ومن الطبخ هذي مقدور عليها ركزي على نفسك حبيها اثبتي لها ان في احد مهتم فيها مقدرها ادخلي غرفتك واجلسي مع نفسك قولي انتي تعرضتي للانتقادات وتجريح وسب ما تستاهلينه ومن اليوم ورايح ما بسمح لاحد يهينك بوقف معاك وما بخليك كل شي بتعلمه زي ما تعلمت الحروف الهجائيه وعرفتها واستخدمتها نطق وكتابه اذا ما في احد مدحك انا بمدحك قدام الي يسبني ولوحدنا وفعلا لو سويتي شي صح من باب انه صح سوى اعجب امك او لا كافي نفسك وتنعمي باي شي تحبينه مثلا تحبين الكاكاو خذي قطعه وقولي لنفسك تستحقين اكثر وهذي مكافئه على صنيعك الممتاز واستمري على هذا المنوال الين تحبين نفسك ساعتها ما بترضين احد يهين نفس انتي تحبينها
لو صار لك مواقف ما حبيتها او قهرتك اكتبيها في ورقها وخلصي واحرقيها وقلي لنفسك الشي المزعج انحرق وتفحم هنا حده ما بيدخل قلبي وعقلي ويثنيني على الاستمراريه في النجاح بتحسين براحه
بتحسين انك صرتي روح خفيفه انزاحت عنها الاثقال بتحسين بنشاط للتعلم واثبات نفسك
الله يوفقك
بتابع معاك في اشياء ممتعه بنسويها

لاترضين على نفسك الدونيه ومب عيب ولا حرام ماتعرفين للمطبخ
ادخلي كل يوم سوي لك طبق وحتى لو تعيديه كل يوم لين تضبطينه ...........النت مايقصر دوري فيه الي تبينه وبتلقينه
ارفعي من ثقتك بنفسك وكلام امك تبيك تشدين حيلك واتعلمين وتعتمدين على نفسك