ياحبيبتي كلام امك لازم يكون دافع لك عشان تطوري من نفسك امك ماتقولك هالكلام الا لأنه نفسها تشوفك احسن وحده بالدنيا بس يمكن خانها التعبير وماتعرف تعبرلك عن شعورها وماتعرف تنصحك عادي انتي لاتنظري لنفسك بالدونيه يعني ماشاء الله عليكي شكلك واعيه وفاهمه ليش بتقولي كل البنات احسن مني لا زي مالبنات تعلمو كيف يلبسو وكيف يعملو الشاي وكيف يطبخو انتي كمان تقدري تتعلمي عندك هنا بالمنتدى دورات لتطوير الذات ولتعزيز الثقه بالنفس شاركي فيها وان شاء الله تستفيدي منها وكمان في بالمنتدى قسم الطبخ اطباق علام حواء ادخليه وطلعي الأكله الي تعجبك وسويها والبنات ماشاء الله عليهم شرحهم وافي ومفهوم وإذا مازبط معك الأكل اول مره ثاني مره حيزبط او ثالث مره لازم تضلك ورا الحاجه لحد ماتتعلميها انا عن نفسي كنت فاشله بالطبخ ولا اعرف اسوي اي شي بالمطبخ بس امي علمتني اساسيات الطبخ وقالتلي روحي اطبخي طبعا جننتها كل شوي ارجع اسألها واول مره سويت كبسه فيها طلعت ماسخه ومالها طعم واخواني مارضو ياكلو منها بس هذا كان دافع ليا عشان اتعلم الطبخ واعرف اسوي كبسه زي حقت أمي ومره على مره تعلمت الحمد لله والله يعين ابويا هوا الي كان ياكل اكلي ويتحملني مع انه كان ماسخ وماله طعم ههههههههههههه
وعندك في المنتدى كمان قسم التجارب والحلول المنزليه ممكن تتعلمي منه كيف تنظفي بيتك او غرفتك او مطبخك وتفرحي امك وعندك كمان قسم الديكور والتصميم ممكن تتعلمي منه الذوق وفن اختيار الأثاث
وعندك قسم الأزياء والبشره والشعر تعلمي منهم كيف تعتني بنفسك والبنات ماشاء الله عليهم ماهم مقصرين وانا اشهد ان هالمنتدى رائع بمعنى الكلمه فيه كل شي تتمنيه ادخلي باقي الأقسام وراح تدعيلي بس اول شي لازم تحسني ظنك بالله تعالى وتطلبي منه العون انك تغيري وتطوري من نفسك ولازم ماتنظري لنفسك نظره دونيه مهما سمعتي كلام جارح حتى لو من اقرب الناس ليكي انتي جوهره ماحدا راح يعرف شو داخلك الا لما انتي تطوري من نفسك وتظهري حسنك ودلالك وانك مانتي ناقصه عن هالبنات زي ماتعلمو تعلمي ومو من اول مره تفشلي فيها يعني انتي فاشله لا المثل يقول الضربه الي ماتقتلك تقويك يعني فشلتي مره مرتين ثلاث اربع مرات في الأخير راح تتعلمي وفي كل مره راح تعرفي وين الغلط وتصلحيه عشان ماتفضلي مره ثانيه

اسفه طولت عليكي بالكلام بس حسيت انك محتاجه دفعه معنويه

واي حاجه ياقمر راسليني عالخاص لأني ما ارجع للردود تاني

حبيبتي اول شي لاتستسلمين للكلام التحطيم ازرعي الثقه في نفسك

ثاني شي كلنا اول مانعرف نسوي شي وتعلمنا اكيد بتتعلمين انتي كل يوم حاولي تطبخين شي واذا ماظبط سويه مره ثانيه وثالثه ورابعه لين تتعلمين

ثالث شي امك صدقيني مو كره فيك تقولك ذا الكلام انا ام واعرف وش الام تكن للبنتها من محبه وخوف عليها هي تقولك ها الكلام وتقسى علشان تتعلمين وانتي شدي حيلك بكره وفاجئي امك بترتيب البيت وكم طبخه او حلى وشوفي كيف بتنبسط وبتدعيلك

اهم شي الثقه في النفس والاراده

يا حياتي انت لا تقولي كذا

والله كلنا ما كنا نعرف في البداية

اولا انا بنت زيك وفي نفس عمرك ....

اهم شي في هذه المرحلة انك تتوكلين على الله وتدعينه انه يعينك

وبعدها تبذلين الاسباب

لااااااااااااااااازم نتدرب ونتعلم .... مافي شي يجي على طول كذا

انا والله من المتوسط ابغى ازبط الكيك

( اقلك قصتي )

انا احب اسوي كيك ... امنيتي اكون حريفة كيك

بديت من المتوسط ... وكنت اسوي كثير وكنت مؤمنة انه لازم اتدرب وماراح ازبطها من البداية

بس كان فيه ناس حولي كانوا يضحكون علي ويتمسخرون .. ويقولون هذه خبزة مو كيك

انا والله انحرقت في يدي وانا اسوي الكيك اكثر من مره (شفت الى اي درجة احب اسوي كيك)

لكن للاسف على حبي له استمعت لكلام الناس وياست وحكمت على نفسي بالفشل !!!

............

الحين انا صحيت ... وعرفت زين ان كل شي نبغاه نتعب عشانه
رجعت ... واستعنت بالله وطنشت الكلام ... وبديت الحين من اول وجديد
ما اقول لك اني سرت حريفة بس صراحة ... احسن من اول بكثيييييييييير ولله الحمد
............

صارو اللي يعيبوني زمان يمدحوني اليوم
وراح استمر باذن الله اتدرب
وكذا بكل شي ... انت تملكين الموهبه والقدرة .. انت تملكين اكثر منهم ... انت مبدعة
بس اعطي نفسك فرصة تطلع مواهبها
كلنا لازم نفشل في البداية .... بس اهم شي العزيمة والارادة
مخترع الكهرباء نجح في المحاولة الـ 1000 كما اعرف
ونيوتن كان يقال عنه غبي
........
امك يوم تقول لك هذا الكلام مو تحطيم ... لا هيه تبغاك تتجعين وتتلحلحين وتقومين تسوين لك شي
وهي اكيد تحبك وتبغا لك الخير
............
ممكن تتعلمين من النت ومن المنتديات وكل شي متوفر لك الحين
بس انتبهي مو كل شي تثقين فيه
........
بس
هذا اللي عندي
بالتوفيق
وتذكري
انت انسانة رائعة فوق ما تتصورين

الله يفرج همك

خبرينا وش صار معاك