تعبت من أمي يا بنات .. ساعدوني 💔

سلام عليكم .. أولاً أعتذر اذا بضايق أحد بكلامي، لكن هالمره ما قدرت أمسك نفسي وبحس اني مخنوقه ولازم أتكلم 💔


أمي تفرق بيننا أنا وأخواتي.. أخواتي من دخلوا الجامعة وهم مغتربات بس بمنطقة ثانية مو برا يعني، وتوظفوا وكل وحده برضوا راحت بديرة، وهم ثنتين أكبر مني.. المهم صرت الكبيرة في البيت ومسؤولة عن كل شيء وهذا طبيعي للحين.. لما أجلس معها تقعد تشكي لي من اخواتي تقول اختك يا عمري عليها تعبت و و و مشاااكل كثير .. ويجي اليوم الثاني تقول لي اختك الثانيه تعبت ومهمومه وكل شيء سلبي تنثره لي !!! المشكله مو هنا المشكله انها تحسب اني عايشه بجنة ما أتضايق ما أحس ما أشعر ما أبكي !! ما قد مره سمعتها تقول لوحده من اخواتي اختك شوفيها، محتاجه شيء ولا قد مره قالت لي فيك شيء يا بنتي ؟ .. لا ! هذا الكلام ما أسمعه ولا أشووفه !! بتقولون شفيك حساسة بزياادة يمكن تخاف عليهم من الغربة وترحمهم؟؟ وحده عايشه مع ابوي ومبسوطة وموفرة لها كل شيء والثانيه عايشه مع عماني ومبسوووطة باللمات والجمعات !! واذا سألوا عن أمي بلياااالله يسألون.. أمي هي اللي تدق وتكلم دايم.. زودًا على هذا كله لما يجون أخواتي البيت وكذا نتجمع تقعد تسبني قدامهم.. تقول انتي ما تعرفين تلبسين اخواتك الصغار مثل اختك الكبيرة انتي ما تعرفين تسوين أعمال مثل أختك الثانيه وانتي ما تعرفين تسوين مشاريع وانتي وانتي !! حطمتني بكل شيء بالحياة !! وربي يا بنات ٨٠٪؜ من شخصيتي انها مفقودة والسبب هي.. من بعد ما كنت جريئة والأستاذات يطلعوني بكل مشاركة بالابتدائي صرت الآن وأنا جامعية وعمري ٢١ معرف احط عيني بعين وحده ولا اعرف اتكلم واتلعثم.. لدرجة علاقاتي خربت، بعدت عن كل الناس عشان ما يقولون شفيك ما تعرفين تتكلمين.. وصلت لهالعمر وما سويت انجاز أفتخر فيه بحياتي.. دايم الوم نفسي انا فاشله انا فاشله والسبب هي


علاقتي مع أخواتي: ما كأننا أخوات أبد 😃 مره شكيت لوحده منهم عن شيء بسيط وبهدوء طنشتني عمدًا.. والثانيه ما تسأل عادي عندها كل شيء .. وترا ما نتجمع ونضحك زي باقي الأخوات .. لدرجة رحت أشوف حياة بعض الأخوات عشان اشوف احنا طبيعيين ؟ لقيت العكس تمامًا طلعوا الناس أخوات من بطن واحد تشملهم الألفة والمحبة والمودة والرحممة.. والسبب هي أمممي أمي هي اللي خلتنا نحقد على بعض بالتفرقة الساذجة.. + أشوفهم يسوون أشياء غلط وأمشي لأن لو قلت لأمي ما بتصدقني 😂 تحب بناتها وانا زبالة




وأخيرًا وصلت للكره لها والبغض واوقات احس اني ابي ادعي عليها لكن امسك لساني واخاف من ربي اخاف من ربي 💔💔💔


عايشة في بيئة عائلية طادرة للأسف .. وش اسوي ؟؟ كيف اتعامل مع هالعائلة اللي كرهتني عيشتي !! اللي كل يوم أبكي بسببهم