تعبت من التفكير بشخص وهمي

السلام عليكم
بشرح لكم معاناتي
وابي منكم شي وااحد تدعون لي
وتعطوني حل لاني تعبت
انا مريت ولله الحمد فترة المراهقه بسلام
لاحبيت فنان ولا حبيت قريب ولا بعيد
يعني بحياتي ماكان مر علي حب ولد
اصلا ماكنت اهتم لهم واخر اهتمامي الرجال كان
كنت اشوف غيري اللي لها حبيب واللي لها حب قريب
مرت السنين ودرست وتخرجت من الكليه وهي هي انا
وصل عمري ٢٥ سنه هالكلام قبل سنتين ونص تقريبا
حضرت معرض مشهور بالرياض وشفت شخص
شبه مشهور متابعينه تقريبا ١٢ الف
والحين صار مشهور بزياده لو اقولكم خاصه اللي
بالرياض بتعرفونه على طول
المهم من هذيك الليله وانا قلبي مو معي
جالسه احوس ادور تويتره انتسقرامه وسنابه ومقاطعه
كل شي خاصه فيه
الانسان ذا مره مره مثقف كان اصلا وهو يتكلم
بالمعرض يجذبك غصب غير كذا شكل وكشخه و و
يعني بالعربي
كاشخ بزياده ولو تشوفو البنت كيف طايحين عنده
اللي تصوره واللي متحجبه تصور معه
وهو بكل ابتسامه يسوي لهم
مرت سنتين متخيلين سنتين وانا انام واصحى
على هالشخص اخباره سناباته اشوف بس وش صار
بحياته انجن لو يمر يوم ماحط شي وافكر وينه غريبه
الى هنا عادي لكن المصيبه لما ارسل شي بالسناب
رساله او تعليق ويفتحها بعد يومين او اكثر والله لو
اني بعز ضيقتي ان استغفر الله كاني داخله الجنه من الفرحه والله حتى لما فضفضه لصديقتي انصدمت
وقالت انتي بمراهقتك كان اخر همك الجنس الاخر
وكنتي تهاوشيننا على الفنانين والاشياء هذي وش اللي تغير وش اللي حصل لك انا لو فتره شهرين اربعه
قلت نزوه لكن سنتين ونص !!!!!!!!!!!!!!!
والحل طيب بتقولون احذفيه حذفته وعجزت ورجعته بعذ قل
من يومين بس بتقولون مافي شي يشغلك
لو بحلف اني مشغوله اكثر من بعض المتزوجات
كل شي عندي ودوام ومشاكل وهموم واشياء ماتنقال