بسم الله الرحمن الرحيم
السلام عليكم ورحمة الله وبركاته
كيف حالكم أخواتي في الله ؟!
قبل لا أحكي لكم معاناتي .. أحب أقولكم اني عضوه في منتداكم من سنتين او ثلاث سنين ويمكن أكثر
بس كانت مشاركاتي محصوره في قسم تفسير الأحلام
أنا بنت عمري 20 سنه
راح احكي لكم قصتي مع الوزن واتمنى تقرون كلامي وتساعدوني
لاني والله العظيييم تعبت كثييييييير وضاق خلقي من نفسي
والله العظيم اني اللحين اكتب لكم كلام ماشكيته لأعز رفيقاتي أبي منكم المساعده والتشجيع
يمكن يكون كلامي واييييييييد وبعضها ماله داعي اكتبه بس والله والله تعبت كثر ما أكتم وكثر ما أتمنى
وابي اطلع كل اللي في قلبي ابيكم تعرفون كل شي بالتفصيل وتعطوني النصايح اللي تفيدني
من لما كنت صغيره كان وزني عادي جدا جدا ماكنت دبه ولا كنت ضعيفه بس كانوا دائما يعايروني بالدبه لاني اسمن شوي من اللي أكبر مني ..وكنت متعوده على هذي الكلمه
كبرت وصرت في الاعداديه ومتنت شوي بس كان جسمي حلو ومتناسق وانوثي مع اني أول اعدادي وصغيره بس كان وزني 50
ومرت السنين وصرت امتن اكثر وكل سنه متعوده اسمع كلمة اني امتن وحده في العائله
وفي أول ثانوي صار وزني 79 ومتنت أكثر وأكثر وثالث ثنوي وصل وزني 85
وكنت ايامها مراهقه واتمنى اصير رشيقه اتشجع واسوي رجيم فترة اسبوع وبعدها اتكاسل واخلي الرجيم وارجع لوزني وأزيد فوقه دبل
وبعد ماخلصت الثانويه قعدت في البيت سنه ونص لاشغل ولامشغله كنت كله نوم وأكل وتلفزيون ومنتديات وكله ع السرير اقرى روايات واشارك في المنتديات
لين صار وزني 100
وتوظفت وصار وزني 102 استانست توقعت ان وزني مع الشغل رح ينقص بس وصلت 105
وقررت اسوي رجيم بعد تشجيع انسانه عزيزه على قلبي ونقصت خلال اسبوع ونص 5 كيلو والله العظيم ماأكذب في حرف واحد واللحين بديت ازيد شوي شوي وصرت 103
أنا من حسن حظي اني من النوع اللي بسسسسررررعه أضعف بس المشكله اني بسرعه ازيد لو تركت الرجيم
ولو اسوي رياضه اضعف بسرعه ويعرق جسمي وايد ورجيمي دائما غلط ما أكل وجبات عدله وكله اشرب شاهي اخضر وروتي اسمر وما اكل مفيد واضغط على نفسي بالرياضه وفجأه يوقف الحماس
أنا انسانه كللللللش ماعندي عزيييمه ولا عندي اصرار ومشكلتي اكككره التاخير ابي اغمض عيني وافتحها الاقي نفسي رشيقه
كرهت عمري اموووت في البدلات بس كله البس جلابيات وسيعه ومن بعد الثانويه ماصرت البس بلوزات مخصره
وكل الزوارات اكشخ بس بالعبايه لان وزني مايساعد احط عبايتي
دائما اقرى قصص في منتداكم واتشجع وايد واحاول اسوي مثلها بس اتعب ما أحس اني راح اقدر اسوي نفس اللي سووه
لدرجة اني ابي اسوي تحويل معده عشان اضعف بسرعه بس اهلي رافضين واخوي عصب وايد يقول انتي تقدرين تضعفين بس ماتبين تشتغلين على نفسج
اهلي احيانا ينصحوني بس احيانا نصايحهم تجرح وانا انسانه كثير حساسه واكره الكلام اللي فيه نوع من المصخره
ابي اضعف بسرعه ابي يجي العيد ويصير وزني 75 خخخخاطري اوصل هالوزن في شهر واحد فقط
ابي حبوب مفعولها قوي او شاهي مفعوله قوي أي شي يضعف بسرعه
تكفوووووون ساعدوني
ودي البس ملابس تليق علي ك بنت شابه
انا الحمدلله وجهي جميل وهو اكثر شي يساعدني أتعدل والبس جلابيات كشخه عشان اخفي فيها عيوب وزني
وكثيييير يقولون حرام تظلمين نفسج بوزنج
وزني ظالمني كثيييير بس اعترف اني انسانه كسووووووله ماعندي اصرار ماعندي عزيمه
بس والله احترق من داخل على كثر ماتابع مواضيع واشوف ناس وايد كانوا امتن مني وضعفوا وانا ازيد ولا استفيد منهم
ولا اعرف ويش اسوي
السمووحه طولت عليكم بالكلام بس والله تعبت وانا اللحين اكتب لكم هالكلام وانا قاعده على سريري كالعاده مب عارفه ويش اشوي
ومتضااايييييقه وايد وفيني الصيحه
بس على طول تذكرت منتداكم وتذكرت المواضيع اللي كنت اقراها وتشجيع البنات لبعض عشان كذا قلت لازم اطلع كل اللي في قلبي هنا وابي ابتدي معاكم بداية خير ان شاءالله تكفوووون ابي مساعدتكم بكل شي وتشجيعكم
واي سؤال حابين تسألوني عنه انا حاضره مهما كانت جرأته انا ماراح اخبي عليكم
تكفوووون لاتتاأخرون في الرد علي
والسموووحه ع الاطاله
وجزاكم الله خير
M!SS QTR @mss_qtr
عضوة جديدة
يلزم عليك تسجيل الدخول أولًا لكتابة تعليق.
أنا أول وحده ارد عليك لاني والله حاسه بيك بس لازم تقتنع بدء ضروري انك لو ماغيرتي شكلك مافي حد راح يغيرك أنتي الوحيده المسؤولة على نفسك
وتخفيف مافي شي اسمه تخفيف صارلي سنه على تخفيف وأنا هي أنا ما نقطت ولا ربع كيلو والاسبوع الي فات مشيت على رجيم التفاح وتلعب ايروبيك على يوتيوب حسيت بفرق ماشاء الله
ادا تبين نبدى سوا ونشجع بعض أنا كمان بتعاني من سمنه وابنى اصير جلد على عضم
راح ابدى رجيم إلا الاشواق أو دوكين من بكرا
وتخفيف مافي شي اسمه تخفيف صارلي سنه على تخفيف وأنا هي أنا ما نقطت ولا ربع كيلو والاسبوع الي فات مشيت على رجيم التفاح وتلعب ايروبيك على يوتيوب حسيت بفرق ماشاء الله
ادا تبين نبدى سوا ونشجع بعض أنا كمان بتعاني من سمنه وابنى اصير جلد على عضم
راح ابدى رجيم إلا الاشواق أو دوكين من بكرا
هلا اختي الغاليه
الحال من بعضه حبيبتي انا وزني قبل 40 يوم تقريبا كان 140كجم واليوم 130.5 والحمدلله على كل حال
طبعا نزولي بطيء شوي لاني اتبع نظام غذائي وضعته لي أخصائية التغذيه بالمنتدى ام ديما
انا متفائله بها الرجيم لانه صحي وهاالأسبوع خبصت كثير عشان سافرت لكن ناويه ارجع لرجيمي من جديد
فنصيحة ادخلي هالرابط واطرحي مشكلتك وان شاء الله ماتقصر معك
http://forum.hawaaworld.com/showthread.php?t=3568989
الحال من بعضه حبيبتي انا وزني قبل 40 يوم تقريبا كان 140كجم واليوم 130.5 والحمدلله على كل حال
طبعا نزولي بطيء شوي لاني اتبع نظام غذائي وضعته لي أخصائية التغذيه بالمنتدى ام ديما
انا متفائله بها الرجيم لانه صحي وهاالأسبوع خبصت كثير عشان سافرت لكن ناويه ارجع لرجيمي من جديد
فنصيحة ادخلي هالرابط واطرحي مشكلتك وان شاء الله ماتقصر معك
http://forum.hawaaworld.com/showthread.php?t=3568989
M!SS QTR
•
اختي مجرد انسانه
تسلمين حبيبتي
الله يوفقج يارب ويحقق امنياتج
رح أبحث عنه
بس انا والله تعبت من كثير ما أسمع عن رجيم قوي ابتدي اول يوم عقب اخالفه مامشي عليه بانتظام
رجيم التمر والبن بديته يوم واحد
ورجيم التفاح الاخضر بديته يوم واحد
دائما اسوي رجيم عشوائي ما اتبع نظام معين ومب عارفه ويش اسوي
تسلمين حبيبتي
الله يوفقج يارب ويحقق امنياتج
رح أبحث عنه
بس انا والله تعبت من كثير ما أسمع عن رجيم قوي ابتدي اول يوم عقب اخالفه مامشي عليه بانتظام
رجيم التمر والبن بديته يوم واحد
ورجيم التفاح الاخضر بديته يوم واحد
دائما اسوي رجيم عشوائي ما اتبع نظام معين ومب عارفه ويش اسوي
الصفحة الأخيرة
دآعوتك ..
والله ينحفك وتوصلين 75 قبل العيد
شوفي رجيم اللقميات .. تراه زين