تعبت من امي :(

سلام عليكم ,,كيفكم بنات
ابي ادخل بالموضوع على طول وابي رايكم باللي صار معي
انا بنت عمري 21 سنه قبل 5 سنين تقريبا كنت احب واحد من جماعتنا ويحبني المهم الرجال توضف وبنى نفسه عشان يتزوجني ولما تقدم لي هنا الصدمه امي رفضته وش السبب ؟؟ ليه طيب تقول لانه يحبك!!!
امي تحسب الحب شهوه شهرين ويكرهني ماتدري ان اللي بينا اكبر من هالشي والله ي بنات تدمرت نفسيتي والولد اضطر ياخذ غيري انجبر عشان كرامة اهله وانا الله يعلم بحالي لكن الحمدالله قدرت اتجاوز هالشي كنت دايم ملازمه الاستغفار وادعي واصلي ربي يريح قلبي وانتهى كل شي من سنه تقريبا المهم جا واحد من عيال اعمامي هالشخص امي كانت تمدحه وتتمنى يجي يخطب من عندنا بس قبل اسبوع اكتشفت ان بيننا تواصل وانضربت وانهنت وربي بغيت اموت من اللي صار معي والولد عرف اني انكشف جا لاهلي وقال ابي اخطبها تخيلو شقالت امي؟؟؟؟ رفضته مستوعبين بنات واقفه بوجهي بككل شيييي يعني الولد كويس وربي مافيه عيب لكن لاني حبيته وحبني قالت لا ماعندنا زواج حب بس انا هالمره وقفت بوجهها ولاراح اخليها تسوي فيني نفس اللي صار زمان قلت اذا ماصرت له ماراح اصير لغيره والله ي بنات تعببببببت مدري شسوي معها لدرجه اخواني موافقين عليه بس امي رافضهههه لكن منجدد هالمره لو اقعد طول عمري ماتزوجت مايهمني لان ماراح اخذ غيره وهو نفس الشي
كيف اقنع امي وهي مستحيل تقتنع تقسى علي والله ماتفكر زي باقي الامهات بسعادة بنتها طيب انا كبيره وعارفه مصلحتي بدال ماتوقف معي تسوي فيني كذا؟