سلااااام ... :(
اخباركم اخواتي ؟؟
بقولكم مشكلتي اللي احترت فيها ماادري وش كل هذا اللي يصير معي ياعين او حسد او سحر او منحوسه بحياتي :(
انا كنت متزوجه واتطلقت ومعي طفل تقريبا من اربع سنين وبعدها انخطبت من واحد متزوج بس كان على وشك الانفصال مع مرته لان بينهم مشاكل الله العالم وكانت زوجته طالبه الطلاق وكان في ايام كتب الكتاب يجيب لي صورها ويقول شوفيها شينه الحمدلله وكان يسبها ويسب اهلها ويقول كم مره طحت عليها تغازل وجريتها من كشتها بالدرج ورميتها فبيت اهلها وكنت اقول الله يستر علينا وعلى المسلمين وبعد زواجي لي الحين سنتين وجبت بنت من زوجي الثاني وحياتي انا واياه مشاكل في بدايه زواجي كان متقبل وجود الطفل وراضي فيه بعقد الزواج وبعد الزواج بااسبوعين بس تغير 180 درجه صار يتلفظ على الولد ويمد يده انا مااستحملت الوضع وكل اسبوع واسبوعين اشيل ولدي واروح بيت اهلي وارجع وعلى هالحاله لحد ماتمينا تقريبا 4 شهور متزوجين واخذني وعفشي وتركني فبيت اهلي وكنت هالفتره حامل في بنتي على اساس انه زعل وماراح يطول اثاريه الرجال كان مخطط على شي اكبر ترك البيت اللي احنا ساكنين فيه وراح رجع زوجته الاولى على انهم كان بيناتهم سالفه طويله عريضه وعلى وشك الانفصال لو كنت ادري والله ثم والله ماتزوجت واحد عنده زوجه خدعني هو واخته اللي خطبتني له حسبي الله ونعم الوكيل فيهم الله لايوفقهم ولايسامحهم ليوم الدين زواجي كان جسر يعبره علشان يقدر يرجع زوجته وبلاني بحمل ونساني في بيت اهلي مرت الايام وانا اتصل فيه واترجاه وابكي وكنت بااشد الحاجه لوجوده بس كان يطل علي بالباب فبيت اهلي او يمرني نطلع ويرجعني يعني بالاسبوع والاسبوعين والشهر والشهرين مره اشوفه ... راحت الايام والشهور ووصلت لموعد ولادتي اتصلت فيه طلبته يجي جنبي لاني احس باالام وابيه يوديني للمستشفى بس كان يستهبل وماخذ الموضوع بتريقه وتمسخر وبعدها حلفت اني مااقوله لو ولدت ورحت مع اهلي وماقصرو معي وبعد ماولدت الحمدلله وطلعت من المستشفى ارسلت له مسج واتصل علي وجا يشوف بنته وكالعاده في الباب ومسك الباب ومشي ولا كأنه غايب شهور عننا حسبي الله عليه عسى ربي يبتليه بنفسه علشان يعرف النعمه ويعرف ان الله حق ......
وصارت علاقتنا كل مالها في انحدار وانا قررت الطلاق وطلبت من اهلي يطلقوني منه لاني ماعاد اقدر استحمله وتصرفاته معي الى متى؟؟؟؟؟؟؟؟؟؟
واهلي ماكن عندهم رد على كلامي غير اصبري اصبري ؟؟
وبعدماصار عمر بنتي 6 شهور اجتمعو اخواني فيه ورجعونا وحط لي بيت ورحت انا وولدي وبنتي وكان يوم عندي ويوم عند مرته وكنت راضيه وساكته على اني بالبدايه ماكنت داخله على ضره كان زواجه مني خدعه وكذب الله لايسامحه ليوم الدين ....
وكنه خفت ايده عن الولد بس فيه حقه مايقصر فيه وكنت احاول اعديها علشان حياتي تستمر واستقر بس مافي اي استقرار كنت اسبوعين عنده واسبوع عند اهلي وعلى هالحاله كان اهو والله سبب المشاكل والله يشهد اني احاول قد مااقدر اهيئ له الجو واحاول اشبع رغبته كله علشان نستقر ونعيش بس كان يوم طيوب ويوم يقلب علي ماادري من يحشره ؟؟؟ احس نيته مو صافيه قد مااقدر اصفي تيتي وابعد الشكوك عني بس اهو يسوي حركات مالها داعي اجل كنا بالسياره ووصل له مسج ووراني جواله ومكتوب احبببببببك قال شوفي الناس مو زيك انا عصبت واتنرفزت وقعدت ابكي وقلت شدخلني توريني رسايل من زوجتك تسطفل منك لها وقال انتي حساسه بالله عليكم فيه ذرة رجوله هالانسان؟؟؟؟
وبعدها زعلت ورضيت من نفسي وهذا حالي يزعلني وارضى من نفسي الله يجعل كل دمعه نزلها من عيني يذوقها بنفسه وحبايبه حسبي الله عليه والله اني مريت بوقت عصيييب والله ايام كنت ابكي بحرقه وماالاقي احد قدامي احس اني وحيده ابي من يفهمني من يقعد مني احس ضيعت ايام عمري بهموم وحزن ونكد الله ينكد على من نكد علي ..... وبعد كل هذا مشااااكل كثير والله مختصره منها كله علشان اوصل لزبدة الموضوع لاني لو كتبتها ماراح نخلص .. بس كانت ليله مرته وطلع من عندي 12 بالليل وماشفته الا بكرا الساعه 2 بالليل تخيلوا؟؟؟؟ وعندي اطفال وانا لوحدي واهلي بيتهم بعيد يمكن يصير كذا والاكذا لاقدر الله وين اروح؟؟؟؟
ومو مهتم كنت اتصل عليه واقول وينك يقول مشغول مع رجال وكنت انتظر ولما جا وريتو ماجا كنت زعلانه ونافخه نفسي ولما شافني كذا راح يضرب ابني وقعد الولد يبكي يقول شوفيه يطقني وانا ماسويت شي حتى المسكين ابني يقول دايم يطقني وانا اقول طيب بس ابي اموري تمشي وانا نفسيتي متدمره ومنكسره من جواي حسبي الله عليه وعلى من كان السبب معاه ... وجا لعندي حسباله بيراضيني وكنت اكلم اختي قال قفلي الجوال وقفلته وجيت عنده وبعدها قام ولبس ثوبه وقام يضحك علي وراح لمرته وانا بيومي مو هذا ظلم؟؟؟؟؟ حسبي الله عليه بعدها ارسلت له مسج وسبيته وقام يرسل لي مسجات انه عند زوجته وانها فاهمه وانها واعيه وقال لها عني ماادري ايش مسويه له انا علشان يقول عني هالانسان مريض ويقول بعد قاعده تضحك عليك والله شر البليه مايضحك ... ولميت اغراضي ولما طلع الصبح رحت لبيت اهلي مع سواق خالتي .....
ولما وصلت شرحت لااهلي الموضوع وقالو خلاص وصل لحد الانفصال وبعد اسبوعين من روحتي لهم اخذ اكثر من نصف المهر وانفصلنا ..
لكن بعد الانفصال انصدمت وقعدت ابكي وانقهرت على حالي وحظي ورحت ارسلت له اني ماراح اسامحه وقال برجعك وكلم اخوي لكن اخوي رفض وكلمني اخوي انه رافض هالموضوع ومافي امل نرجع لبعض لكن زوجي الله حسيبه كان يمنيني يقول بنرجع بنرجع والحين لي شهر في اول اسبوعين طلاق كان مهتم بالموضوع ويتصل علي ويرسل لي مسجات بس الحين ماعاد اشوف منه ولااتصال ولما ارجع ادق او ارسل يتحجج انه مشغول واشغاله ماخذته ولما اقوله شصار على موضوعنا يقول لي اصبري انا برجعك بس اقول له لاتكذب صارحني وفي بدايه طلاقنا ماكان احد يعرف من اهله بس بعدين قال لاابوه وشكل ابوه نشر الخبر لااخواته واظن انهم اثرو عليه احس اني معلقه لاني طايله ارض ولاسماء ليش مايقول خلاص انتهى اللي بينا والله يستر عليك او ياخذ قرار زي الناس ويرجعني بدال مايكذب ويلف ويدور ماادري وش الحل وكل مااشوف بنتي ابكي على حالي وحالها اقول ولدي تشتت من ابوه وبعد بنتي اما انا ماراح اضيع الحمدلله ومافيني شي ناقصني ياربي لك الحمد لكن بنتي وحالتي النفسيه تدمرت والله تدمرت اكتب وانا مااشوف من البكاء تكفون ارشدوني دلوني على حل يالمجربات يااهل الخبره شرايكم اطنشه واخليه لين يرجع من نفسه او اواصل معه وش الحل تعبت من كثر ماادور عليه وهو ولاهامه حسبي الله ونعم الوكيل وافوض امري الى الله ان الله بصير بالعباد .....
:icon33: :icon33: :icon33: :icon33:
خلاني راح عني ونسى @khlany_rah_aany_ons
عضوة جديدة
يلزم عليك تسجيل الدخول أولًا لكتابة تعليق.
golden eye
•
يا قلبي ربنا يفرج عليك ، بس انا رأي انه ما تغير و الدليل قدامك انه مطنشك الا الان يعني ما اعتقد انه حاله راح يتصلح لما يرجعك ،، الافضل ما تسألي عنه و ان شاء الله ربي يعوضك خير و كوني انتي الام و الاب لأطفالك و شكله لعاب و ما عليك منك و شكله راعي كلام بس و الله اعلم ،، و الله يرزقك و يجعل لك من كل ضيق مخرجا و من كل هم فرجا و الله ينتقم من اللي يضحكو على بنات الناس ،،و يلعبو بمشاعرهم ،،
نونوخالد
•
الله لايرده علميني وش استفدتي منه واصلا حطيها في بالك دامه مارحم هالبزر الي ماله ذنب وتجرا يضربه وربي مايسوي كذا الا الي نفسه ضعيفه ودنيء وحقير ومارحم هالبزر عشان يرحمك حتى زوجته تكلم في شرفها ورجعها وش ترجي منه انسان واطي من جد
سبحانك اللهم وبحمدك اشهد ان لاااله الاانت استغفرك واتوب اليك
سبحانك اللهم وبحمدك اشهد ان لاااله الاانت استغفرك واتوب اليك
أيش تبين فيه خيره انه طلقك عيشي حياتك لنفسك وأولادك الدنيا ماتقوم ع رجال انتي واضح انك تبينه وتطاردينه اتركييه قلعته بالله وش راجيه منه وهذا اسلوبه انسان مو ناضج والدليل تصرفااااته اجل يضرب ولدك بدون سبب وانتي تسكتين حرام علييه ماخفتي انه يسبب للولد عقده ولاا انه ولدك يكرهك احمدي الله انه طلقك وافتكيتي حتى هو لاجاب طاري الرجعه ارفضي واضح انه ماهمه شي انسان مريض مايراعي المشاااعر ...
نونوخالد :
الله لايرده علميني وش استفدتي منه واصلا حطيها في بالك دامه مارحم هالبزر الي ماله ذنب وتجرا يضربه وربي مايسوي كذا الا الي نفسه ضعيفه ودنيء وحقير ومارحم هالبزر عشان يرحمك حتى زوجته تكلم في شرفها ورجعها وش ترجي منه انسان واطي من جد سبحانك اللهم وبحمدك اشهد ان لاااله الاانت استغفرك واتوب اليكالله لايرده علميني وش استفدتي منه واصلا حطيها في بالك دامه مارحم هالبزر الي ماله ذنب وتجرا يضربه...
ياحبيبتي من باعك بعية اصلا هذا وقح ومايخاف الله يمد يدة على ولدك ويذلة ويكسر نفسك فرقاة عيد احمدي ربك الي ابعدة عنكم
الصفحة الأخيرة