تعبت من زوجي ورفضه يآرب تفرج همي وتفرح قلبي

السلام عليكم
اول شي رمضان كريم عليكم يارب
والله يعينا وياكم على صيامه وقيامه

ثاني شي الله يسعدكم ويسعد كل وحده تدور الخير وتنصح اخواتها
والله يافي بعضكم احس من كلامها كانها ام او اخت وفي البعض الله يهديه
انا كان ليا حساب قبل دا والله يافي بنات وقفو معايا في امور اصبح وامسي ادعيلهم وفي بنات احس هواية تحطيم وكلام ماله اي داعي الله يهديهم بس
ادري طولت عليكم بكلام ماله داعي بس اعذروني

انا ليا سنتين ونص متزوجه جلست بنت فتره طووويله وعانيت مع زوجي وكان رافض يشوف ايش المشكله وانخلت الحمدلله بعد فتره وكنت انا اروح الفلف في المستشفيات حتى في دكتور خاصمني قالي انتي ايش دخلك هوا عنده المشكله هوا يجي وهوا معاند ويقول لو ايش مارحت
وبعد فتره انحلت والحمدلله
وجلست سنه بعد ماتم الموضوع وماحملت والناس واهلو واهلي الكل جنني ليه وليه ماحملتي طبعا هوما مو عارفين انه بس ليا سنه ع بالهم اكتر من يوم ماتزوجت
رحت لمستشفيات وقالولي مافيكي شي الحمدلله وامي تدور فيا من ممرخه لممرخه و حبوب تنشيط واشياء ربي العالم فيها
وحجم الالم اللي كنت في كل مره اتالمو وفي نفس الوقت وحده من الدكتورات قالتلي انتي كدا تلعبي بنفسك لازم زوجك يكشف وقالتلي لاعاد تجي الا لمن يكشف هول وهوا ابداا رافض يابنات تعبت معاه اقنعتو بكل الوسائل اللي تتخيلوها بالطيب وباللين وبالدلع وبالبكا وبالصراخ واجلس احنن قلبو ع اطفال اقاربنا او ارسلو في صور ومقاطع ودقيتو بالكلام ماااااااااخليت تعبت وربي تعبت بتجنن ويصير عندي طفل يحلفلي انه يبغا وانه يحبني بس يروح يكشف لا
كلللل اللي تزوجو معايا وبعدي بكتير ماشاءالله لاقوة الا بالله حملو وخلفو
وهوا رافض
واهله اول ناس يرمو عليا الكلام وهوا ولاااحد يكلمو
عايش حياتو وانا عايشه في الهم
بس المشكله مقدر اتكلم في الموضوع مع احد غيركم لااهلي ولا اهلو ولااحد صعبه احس ماابغا احرجو او احطو في موقف صعب وهوا ولاحاس
انا الايام هادي نفسيتي مره تعبانه من هالموضوع مادري ايش الحل
شورو علي :(