تعبت من نفسي قصتي منذ ولادتي

بنات انا اول متزوجت قبل سنتين كنت كشخه وجسمي جميل جدا بالوضع المثالي ووجهي مافيه حبوب وشعري طويل نوعا ما ويلمع ويديني ناعمه مما ولدت جدا زاد وزني 20 كيلو ولي سنه ارضع طبيعي ووزني كانت ثابت واصل 73 واليوم قسته الصباح طلع 77 هذا وانا اتحرك كثير بالبيت واشتغل وفوق ذا مااكل كثير
بنتي وزوجي وزنهم جدا قليل وهم ماشاء الله تقريبا 6 وجبات واكثر باليوم هم بس جوعانين وانا بس اطبخ ووقت الاكل اوكل بنتي ومااكل كثير
وفوق ذا دراسه عن بعد وبيت ودوام بالحرم يعني مشي مو طبيعي حوالي 3 كيلو يوميا
اصحى اجهز الفطور اوكل بنتي البسها اصحى ابوها يفطر يلبس واطلع بنتي لجدتها البس وامشي اجي 3 مهدود حيلي اسوي غدا بقدر الضغط اوكل بنتي عبال مايستوي الغدا نتغدا واقوم اغسل المواعين واغسل الملابس كل شي اسويه يوميا عشان ميتراكم علي الشغل وبالويكند اروح لامي فيها
واسوي قهوته ويتقهو وبعدها بطاطس والا تونه وبعدها الشاهي وبعدها اي طبخه وبعدها تبدا المحاضره اكون بالمحاضره اوكل بنتي ويطلع فيها تخلص يادوب اصلي المغرب واقوم اسوي لهم اي شي خفيف وارجع للمحاضره الثانيه بعدها اجهز اغراض بكره واسوي له عشاء مكرونه باللحم والا كبسه وانوم بنتي وانام وانا مهدود حيلي ميته تعب
وكل يوم كذا
الحرم مقدر اتركه لانه امنية حياتي الشغل فيه وسعادتي كلها فيه ومرتاحه ببيتي وبالشغل وبكل شي بس وزني جابلي المرررررررررررض ليه ازيد ماانقص تدرون اكلي قليل جدا جدا جدا
حتى امي تقولي كنك انتي اللي تاكلين وهم ميتين جوع والمشكله هو يقول لامي بنتك متوكلني 😪😪😪 وش السووووواااااه حللت غده مافيني شي
بس عندي مشكله مما ولدت مجتني الدوره بس 🌚 وعطتني حبوب الدكتوره وللحين منزلت
قسم ضايقه فيني الدنيا بسبت هالوزن
ودي اشترك بقروبات بس احسها خساره فلوس ع الفاضي واصلا ماني فاضيه للواتس وسلامتكمممم