السلام عليكم ...
أنا متأكده مليون بالميه ان كلامي ماراح يعجبك اقبل النقد..

١ ) مثل ما أختك كانت شخصيتها مو عاجبتك لانها كانت تتمشكل معك وتمن عليك بًـ١٠٠ انتي كمان ماكنتي تقصرين وتعايرينها بآخرها لزواج (يعني ثنتينكم فيكم قوتكم ومتساوين واغلب أنكم نفس بعض بمواصفات الشخصيه)

٢) إخوانك يحنون علي بيع البيت امك ايش موقفها( موافقه او لا قبل لا تتعب ؟)

٣) حتي لو كانو ناوين يبيعون المحكمه بتطلب موافقه جميع الورثة تقدرين تقولين ان البيت وقف ...

٤) الوصيه لو تقدرين أخذيها لتكون حجتك بالمحكمه.. مع اني استغرب كيف رجال فوق سن٤٠ ينكر وصيه ؟؟؟؟

٥) نصيحه واتمنى تتقبلينها أنا امي متوفيه وخواتي متزوجين واحيانا انجرح لاكن التزممم الصمت
مؤ كل شي يجئ بالقوه فيها أشياء حلوه بالتطنيش والحقران ولاتنسين يابخت من مات مظلوم ونام ظالم

٦) ان كنتي مضلوووومه الله ينصرك ويرزقك ويشفي والدتك

اللهم فرج همها اللهم فرج همها اللهم فرج همها 
وأعطها فوق ما ترجوا 
ربي لا تكلها إلى سواك ولا تحملها مالا طاقة لها به 
ربي ان كنت أخرت عنها رزقها بذنب أذنبته فانت ربها الغفور الرحيم 
وان كنت آخرته عنه لعقده من عين أو نحوها اللهم اشفها انت الشافي 
وان كنت آخرته لحكمة تعلمها وحدك سبحانك فارزقها الرضا والقناعة والصبر حتى تعطيها إياه 

اللهم يسر أمورها وارزقهم من حيث لاتحتسب 
اللهم أرزقها كما ترزق الطير في أوكارها 
وسخر لها كما سخرت النار لإبراهيم 
اللهم اجعل ماعانته في حياتها بردا وسلاما عليها 
كما جعلت النار بردا وسلاما على إبراهيم 

لا اله إلا انت سبحانك أني كنت من الظالمين 
اللهم صل وسلم على محمد 
والله حاسه فيك 

النصيحه الثانيه ( استغني بالله وحده )

صدقيني مقدره حاجتك بوجود أسره متماسكه متآلفه مو بس تكون سند لك كمان يكون بينهم ود ورحمه وأنتِ فاقدتهم من الجهتين لا ود ولا رحمه ولا حتى سند وعزوه
لكن هذاك حاولتي فيهم وكلمتيهم لكن مافاد

إذن أستغني عنهم بس مو بالناس لأن محد أصلي بيسد حاجتك لأهلك مهما كان وأنت ماشاء الله عليك فاهمه وعارفه

لكن أستغني عنهم بالله
يعني كيف ؟
يعني لا عاد تدوري منهم شي مو بس من ناحية الفلوس حتى عطفهم ورحمتهم بك عن كل شي ودك يقدمونه لك قولي من جوا قلبك ما أبغى منهم شي هذا مو معناته انو تستغني بنفسك كمان لا لان الانسان ضعيف مهما بلغت قوته
لكن لما تستغني عنهم وتشيل أي تطلع في قلبك لهم او لعطفهم ومعونتهم ولا عاد تعاتبينهم على تقصيرهم لا في وجيههم ولا حتى بينك وبين نفسك هنا تصيري استغنيتي عنهم تماما قولي لنفسك أنا مستغنيه عنهم ( مو حكاية ذكر وأنثى وهالكلام اللي اكل الدهر عليه وشرب وأنت ماشاء الله عليك متزنه من هالناحيه ) لكن مستغنيه عن الكل حتى الناس اللي يتعاطفوا معك من صديقاتك أو غيرهم
طيب باقي الجزء الثاني من النصيحه ( بالله )

يعني شفتي اعترافنا بالقدر في الرد الأول حيفيدك هنا لأنك مؤمنه أن كل شيء بقدر الله خلاص يعني الأمور كلها عند ربي
كلللللللللللها بأمر ربي ليش اذل نفسي لغيره أنا أطلبه وهو سبحانه يتكرم علي ويرزقني باللي ابغاه
ولايمكن يصير شي بدون أذنه سبحانه

خلاص يصير بعد كذا لا تسألي أحد حاجتك نهائيا تبغي شي أسأليه ربي وانتبهي يتحول هالاستغناء داخل قلبك من استغناء بالله الى الاستغناء بنفسك لأنك حتضيعي ومافي فرق بنفسك او بغيرك الفرق لما يكون بالله

وسؤال الله الحوائج في كل شيء
وفي الحديث : ( ليسأل أحدكم ربه حاجته كلها ، حتى شسع نعله إذا انقطع ) ، وكان بعض السلف يسأل الله في صلاته كل حوائجه ، حتى ملح عجينه ، وعلف شاته .

يعني لا تستحي تسأل ربك بأقل شي

وأنا صار لي موقف كان في نفسي شي بسييييييط جدا بس أنا ما أحب إذا قلت لاحد يجبلي شي مره او مرتين وما جاب ما احب الح احس اني ذليت نفسي
فكنت افكر بعده طرق كيف احصل عليه بنفسي بدون ما احتاج لاحد وولا فكره نجحت مع اني حاولت واخذت وقت طويييل
فتذكرت هذا الحديث وفعلا ولله الحمد نفذته سألت الله هالشي وجاني بكثره وبطريقه ما حسبت لها حساب وبمده قصيره جدا

وهذا الحديث كان يعمل به الصحابه يعني حتى وهم عندهم كافه القدرات للقيام بأمورهم سألوا الله حتى في أبسط الأمور
لأنهم مؤمنين انه ولا شي يتم مهما كان صغير بدون ما يأذن الله
وإذا أذن سبحانه سخر هو الأسباب


لا تفكري أنو هذا كلام غير قابل للتطبيق لا كذا نرجع لسوء الظن
خليك مؤمنه انو من استغنى اغناه الله واصبري لين تخلصي من اختبار الاستغناء ومايبقى في قلبك أي تعلق بأحد أو حتى مجرد أمل وبعدها بتشوفين النتايج بإذن الله

إن شاء الله لي عوده لإكمال الحديث

الحمدلله انا حنونه جداً على اخواني واخواتي الصغار وحتى لو جت منهم بعض المشاكسات ما اشيل بقلبي عليهم ولا اشره عليهم احنا عشنا مع بعض وتقريباً همنا واحد بس الفرق بيني وبينهم انهم قدروا يستقلوا ويضبطو وضعهم شوي حتى مايحتاجو لأحد

والحمدلله انا علاقتي قوية مع ربي بس بعد المصايب اللي تحصل لي بدأت اخف لاشعورياً لان احس اني ما اقوى على هذا كله فعلاً الإبتلاء صعب ومو اي احد يقدر ينجح في الصبر عليه !! غير ان سوالفهم ورثتني بعض من السخط على اقداري

بالنسبه للبيت الوالد قال ماينباع حتى تتوظف آخر بنت وتتزوج وقدم الوظيفه على الزواج حتى يذكرهم بإنه لو معي المال الطائل ومامعي الرجل والاولاد فمالهم حق يطلعوني منه لان مافي شيء يعز البنت لو طلعت من بيت ابوها وعاشت تحت رحمة اخوانها وهو عارفهم ابوي زين حتى ذكر لهم بالوصيه انه يقدروا يستفيدو من شققهم بتأجيرها دون المساس بالجزء اللي يخصنا أحنا البنات ونعيش فيه حتى الله يفرجها ويستقل الجميع ونبيع البيت وقتها ونفك التركه وكل واحد ياخذ حقه بس اللي حاصل هم يعتبروني ابي البيت لي واني من باب هالوصيه بحرمهم هم وعيالهم من حقهم فيه مع انه مثل مالهم عيال قواصر انا عندي ثلاث اخوه قواصر وايتام برضو ويحتاجو لحياة كريمه في بيت ابوهم مثلهم مثل عيال اخوانهم
وشوفي ياعزيزتي مع انهم عايشين كل واحد منهم بشقه لكن اولادهم يطلعون لشقتنا ويحوسوها حوس ولو خاصمت ولا منعت احد فيهم تقوم القيامه حتى عيالهم يقولون لي هذا بيت جدنا نسوي فيه اللي نبغى ؟ ويجون هم يكملون الناقص
اشلون تبغيني اطلع معاهم بعد كل هذا لبيت ثاني ؟ وهم بيسمعوني نفس الموال بيجون يحاشروني على هالشقه ويقولون بيت جدتنا اذاً انا وين حقي وين كرامتي وين الاستقلال والارتياح ؟ ولا قدر الله وحصل لوالدتي شيء عسى يومي قبل يومها بتضمنين لي مايجو يقاسموني في هالشقه بحجة ان لهم فيها حق من تركة امي ؟ صدقيني انا اعرفهم مابشوف يوم حلو لو ما استقلينا لوحدنا بعيد عنهم
ياشيخه هذولا يضاربونك حتى ع الريال ولو معاهم ملايين وانا ما ابغى اسكن وياهم ابد ببقى ببيت ابوي لحد ما نتوظف ونتزوج انا واختي الصغيره وبعد كذانطلع نسوي لنا بيوت بمالنا ورجالنا وعيالنا

لا حول ولاقوة الا بالله
ليش كذا اخوانك وخواتك, حسبي الله ونعم الوكيل, الاهل بدال لايكونون عزوه احيان تحصلينهم اعداء وعقارب ياساتر.

بس في وضعك ياقلبي مفروض ماترفضين الزواج دام على كلامك رجال كويسين, لان امك الله يطول بعمرها ويخليها ماراح تدوم لك,
حتى الوظيفه اوكي بيكون عندك دخل وتصرفين على نفسك, لكن البيت!!! على كلامك ناوين يبيعونه واخوانك مالهم امان صراحه اللي منكرين وصية ابوك, هذولي ماتدرين وش ممكن يسوون, وممكن عشان هالبيت يزوجونك اي واحد لو شايب بس عشان يفتكون منك ويبيعون البيت . فاذا جاك الزوج الصالح وافقي. ومنها تحصلين احد يوديك ويجيبك لما تتوظفين بدال هالمذله اللي انتي فيها.


الله يشفي امك ويخليها لك.
ويرزقك الزوج الصالح اللي يعزك يعوضك عن اللي شفتيه.