السلام عليكم

كيفك ياغدوره
معليش لا تحسبيني نسيتك والله انك على بالي بس جهازي خرب

عاد صدق اللي قال يومي بسنه هذاني من 1433 وجا 1434 وانا توي ارد :)
عاد المنتدى تغير وصار فيه حركات وانا اخر من يعلم

ع فكره كان براسي هرج كثير بس ان شاء الله اتذكره كله

إن شاء الله بس تكوني بديتي خطواتك الأولى وبديتي تشتغلي على نفسك ؟؟ وكيف صارت أمورك ؟؟

طيب نكمل الأمر الثالث " التوكل على الله "

عارفه ياغدير اول ماقرأت موضوعك قلت بنفسي ياااااه قد ايش محمله نفسك حمل ثقيييييييييل جدا جدا جدا أنا ما تحملته وانا أقراه ضاق صدري كيف أنت اللي عايشه الوضع هذا

يمكن علشانك تعودتي على الحمل الثقيل ونفسك أطول في تحمل المشاكل وماتعودتي أحد يتحمل شي من مسؤولياتك
فخلاص صرتي أي شي يخصك تحسين أنك أنت المسؤول الأول والأخير عنه وعلشانك انسانه قويه ماشاء الله صبرتي على هذا كله لكن الحين صبرك نفد ومقاومتك قلت وصرتي تتنازلي عن طموحاتك بس المهم تعيشي بسلام مو كذا ؟

طيب ليييييه تحملي نفسك حمل ما أنت قده
حمل حتى الرجال اللي ربي معطيهم القوه والتحمل ماشالوه وعلشان كذا هم دايم شايلين هم عيشتهم بكره
ماعنده بيت ملك شال هم وين بيسكن ماعنده وظيفه شال هم كيف بيعيش من وين بياكل ويشرب ويقضي اموره
وهذي هي همومهم وماقدروا عليها تعرفي ليه لأنها مو شغلهم ولا قدرتهم

هذي الأمور مرتبطه بالخالق مرتبطه برب هذا الكون " مدبر هذا الكون "
ما أمرهم يشيلون هم رزقهم وكيف بيعيشوا بل بلعكس اخبرهم انه هو سبحانه متكفل بهذ الأمور وأعطاهم كافة العهود والمواثيق بس هم يتوكلوا عليه

" وفي السماء رزقكم وماتوعدون * فورب السماء والأرض إنه لحق مثل ما أنكم تنطقون "

أحد يقدر يشكك في نفسك انك تقدري تتكلمي ولا لا ؟؟ اذا لا تخلي احد يشكك بأن رزقك مكتوب عند رب العالمين وما راح ينقص منه شي ولا راح تاخذي الا المكتوب ؟؟

في الحديث " لو أنكم تتوكلون على الله حق توكله لرزقكم كما يرزق الطير تغدو خماصا وتعود بطانا "
الطير لما خرجت بالصبح كان حاطه في بالها ايش بتاكل ووين بتروح ووين بتقدم .... الخ ؟؟ اكيد لا هي ماشيه في طريقه وعايشه حياتها زي ما ربي ألهمها ورغم كذا ترجع راضيه وجابت النتيجه اللي هي تبغاها " تعود بطانا "

فبعد هذا كله نحمل نفسنا كللللللل تفاصيل هالحياه ونتكل على أنفسنا في كل شي ونبغى نسوي كل شي بأنفسنا طيب وين إيماننا بالخالق الرازاق الرب المدبر القادر المعطي المانع

لا تضحكي على نفسك وتقولي أسباب وبذل أسباب ..الخ من هالكلام طيب التوكل على الله هو الأساس لا تقولي اسباب وانت ماتوكلتي أو حتى عرفتي تتوكلي صح كل اللي يتحجج بالأسباب يقولولك حديث " أعقلها وتوكل " طيب وويييييييييين آيات القران اللي فيها توكل وقد اييييييش من الأحاديث ذكر فيها التوكل فضلا ان التوكل مقصد وغايه وعباده كل هالأسباب ذا ما وصلتنا له معناته احنا في الطريق الخطأ بعدين اعقلها وتوكل هو كان بيده سبب قدامه وهو تركه " عقل الدابه " في زمن كان التوكل مهيمن على تصرفاتهم مو في زمن صرنا نحمل فيه أنفسنا مسؤوليه كل قدر مكتوب لنا وكل سبب ماهو بيدنا نجيبه في زمن صار حتى سؤال الناس حاجتنا صرنا نحطه ضمن بذل الأسباب وتصانيف وأمور خدعنا فيها لشيطان ودخل لنا مع هالمدخل الخطيييييييييير لأنه يلامس امور من العقيده

توكلي على الله وثقي به لو ايش ماصار لا يشكك بالله ولا يخرب عليك توكلك لانه ابتلاء وبعد كذا أبذلي الأسباب
يعني مثلا لو صار انك توكلتي على الله وأطمئن قلبك وقدر الله انه ينباع البيت وتعيشي عند واحد من اخوانك ترضي ولا تضيعي كل توكلك هذا ؟ طيب انت رافضه تعيشي عند اخوانك ليه مو علشان خايفه تعيشي مهانه هذي هي الغايه انه قد يقدر عليك ربي امر تكرهينه لكنه يبلغك غايتك انك مثلا ماتعيشي مهانه كيف ما اعرف كله عند رب العالمين بس خليك على ثقه دائما ان ربي مايضيعك ابدا ابدا ابدا لو توكلتي عليه وترى الدعاء سبب والطاعات والعبادات سبب
وراح تشوفي الفرق ايهما احسن تبذلي الاسباب وربي معك ولا تبذلي وانت محملمه نفسك مسؤوليه كل شي




وأقرأي كثير عن التوكل انا اخترصت الكلام كثييييييير لكن الباب واسع وراح تتفاجأي بأشياء كثيره احنا مع الأسف في غفله عنها
ومسألة الرزق أيضا أقرأ الآيات والأحاديث اللي تتكلم عنها صدقيني راح يطمأن قلبك وتهدأ نفسك ويروح الصراع اللي بداخلك والشتات اللي بذهنك

تصدقي احلى مافي شخصيتك انك قويه وماهمك الزواج ..
اخوانك الدنيا صارعتهم ومشاغلها وللاسف قلوبهم تحجرت وربك ما بيضيعك صدقيني
اختك لا تعليق لان زيها كثير الله يهديها
اللي بدي اقوله ان مو كل الرجال زي ما تتوقعينه في اللي يوقف معاك ويساعدك ويقدملك فكل مكان لما يتحقق طموحك
وفي اللي يقتل الحلم قبل لا يتحقق ..
صدقيني مدام اهلك ما ترجين عندهم الخير في من يعوضك ويكون سندك فالحياه ..
لما احد يخطبك حطي شروطك الدراسه والوظيفه ..

الله يسخرلك من يخاف الله فيك ويعوضك عن كل لحظه الم عشتيها ...

فيه شيء أبغى أعقب عليه

وهي قضيه الزواج والوظيفه

أنت قلتي انك من البدايه انك رفضتي الزواج من اشخاص تقدمولك " لأسباب ماتحبي تتطرقي لها " وهذا من حقط طبعا وانا على ثقه ان مستوى النضج اللي أنت فيه وان الأسباب ماهي بطره او غرور زي ماقلتي
فأنا راح أوقف لين هنا وما راح أسألك وش هي الأسباب لأني في الغالب لأن أملك حلول فعليه تجاهها
وأعرف انه شي ثقيل عليك لو رجعت ثاني وأقولك طيب ليه ماتتزوجي وأنت ذكرتي انك ماتحبي تذكري الأسباب لأن هالسؤال سواءا مني او من بعض العضوات الفاضلات يحسسك بأنك المسؤوله تجاه هذه الأسباب في حين ولا شك أنها أقدار وعجزك عن حلها قدر أيضا

لكن أنت ربما خلطت او بعض الردو خلطت لا أذكر مين لكن حصل خلط بالموضوع بين رفضك وعدك حرصك

ليش رفضتي == لأن عندك أسباب ماذكرتيها
ليش منتي حريصه على الزواج وإعداد نفسك له والبحث عن أسبابه == لأن واقعك ( إخوانك اللي ماينشد فيهم الظهر + ماعندك وظيفه علشان رجلك يحترمك لأجلها لان الرجال مصلحجيين كما هي نظرتك )

طيب
قضيه ليش رفضتي زي ماقلتلك مارراح اناقشها
لكن راح اعقب على الاسباب اللي ماخلتك تحرصين
شوفي انا عجبني تفكيرك انك ماتبغي زواجك يكون سد حاجات أساسيه فقدتيها من أسرتك يعني بالعمي كذا (يفك عقدك اللي كنتي عايشه فيها ) وبالتالي تعيشي ذليله لزوجك على قدام طبعا لان في البدايه راح تشوفينه الرحمه اللي جايه تنتشلك من الجحيم لكن بعدين بتحصلي نفسك ذليله له لان حاجتك له اكبر من حاجته لك يعني مافي تكافؤ انت تبغيه يعوضك عن اب وام واخوه واخوات وزوج بنفس الوقت وهو يبغاك زوجه بس
فعلشان كذا انت تبغي تصلحي اسرتك اول علشان تشدين فيهم الظهر او على الاقل وظيفه يصير زوجك مايحس انك محتاجتله في كل شي
مو كذا

هوا التفكير سليم بس الحلول اللي تبغيها اما صعبه ( اصلاح اسرتك بشكل تاااااام ) او خاطئه ( الاستغناء بالمال )

طيب اسرتك وبذلتي كل الاسباب اللي بيدك لاصلاحها وحتى لو انصلح ظاهرها ماتضمنين ينصلح باطنها ؟؟

والوظيفه لو استغنيتي بها عن فلوس زوجك بالمستقبل طيب والنواحي الثانيه ؟ حاجتك لاب واخ واخت بايش راح تستغني عنها ؟؟

فيه حل بيدك تخليك عزيزه حتى لو كنت بدون أهل نهائيا وحتى لو كنت بدون فلوس نهائيا
أنك تستغني بالعزيز سبحانه
اذا كنتي تدوري احد يحن عليك ويشفق بحالك ويعطف عليك انسي البشر ذولا تماما وابحثي عن رحمة الرحمن الرحيم <وانظري الى آثار رحمة الله >
اذا كنت تبغي احد معك علشان تكتسبين القوه وينحسب لك الف حساب فاستعيني بالقوي الجبار القاهر فوق عباده اللي ممكن بدعوه تستنصرين به على كل احد
اذا كنتي تبغين من يغنيك عن الناس في شي من امور الدنيا استغني بمن هو على كل شيء قدير وبمن بيده خزائن السموات والأرض

والله ساعتها راح تعيشي عزيزه واول اثر راح تلمسينه داخل نفسك ماراح تحسي انك متطلعه لرحمة الناس او شفقة الناس او حنانهم عليك او او او

وساعتها راح تكوني عزيزه في نظر زوج المستقبل مين ماكانوا اهلك وايش ماكانت ظروفك لان الانسان لما يكون مستغني وعزيز راح يبان على تصرفاته وعفة نظره عما في ايدي الناس وعدم تطلعه لهم وهذا كله ماراح يصير اذا ماكان الاستغناء نابع من الداخل مو بس كلام ولا افعال ( مفتعله )

والناس اللي تحتقر اللي بدون عزوه او سند على قولتك تفتقد للخوف من الله وهالناس منتي بملزومه فيهم ورغم كذا راح تهابك لان معك ربها ومخالقها ومدبرها وهو من يسخرها ويقدر عليها اعمالها


-------

اما الوظيفه واسمحيلي اقولك لاحظت كثير في كلامك اعتمادك على الوظيفه وانها هي اللي بتغنيك وتعزك وووو

فانتبهي ياعزيزتي من توكل على امر وكل اليه

ثم بعدين وش فرقت اللي تتوكل على زوج ولا اللي تتوكل على وظيفه اذا هذي شفاحه زواج هذي شفاحه فلوس
اذا احنا فعلا نقيسها من منطلق ديني في الغلط مو في ايش انت ( مشفوحه عليه ) الغلط من الاساس في ( التعلق )
بل يمكن الحرص على الزواج ( مو التعلق ) من الدين لكن الحرص على الرزق ماهو من الدين لاحظي انا اقول حررررررص وليس بذل اسباب او غيره
طبعا على اعتبار ان نظرتنا للزواج نظرة مشروع حياه وليست نظره دنيويه فقط !!

فانتبهي لا تتبعي أهواء الناس وتمشي على آرائهم اللي مالها اساس شرعي ( اذا كان الزواج مايهمهم او انه مستغنين عنه لاي سبب او زاهدين في رجال هالزمن لانهم فاشلين يقولولك ازهدي في الزواج ولا تتعلقي فيه وبرافو عليك خليك عقلانيه
ولما تجي عند الوظيفه اللي مؤمنين فيها إيمان تام وحابينها لاي سبب كان تحرص عليها وشوي تخليها ركن من اركان الايمان علشان تقنعك ( بالحرص ) عليها ) هذولا الناس اللي اقولك لا تسمعي كلامهم لانهم ماخذين الدين هوى نفس
واللي يتبع من الدين فقط ما اشرب من هواه هذي ماهي ديانه

ولا تسمعي لاحد يخرب عليك تعلقك بالله وتوكلك عليه

انت هدفك رزق يغنيك خلاص اسألي الله الرزق وابذلي اسبابه اللي امرنا فيها الله سبحانه وتعالى ولا تسألي عن الطريقه اللي راح يجيك فيها الرزق لانك وكلتي الامر لله كيف بيجيك هذا مو شغلك أنت وكلتي القادر القوي المعطي المانع الرزاق

الله يفرجها ويرزقك اكثر مماتتمنين