واخيرا ( تقدمي خطوات كبييييييييره نحو الفرج )

كيف ؟

مو احنا خلاص آمنا بالله وأن كل شيء بيد الله

خلاص اذا نسعي في الطريق الى الله نتقرب من الله

اول شي ودي انك تسمعي هالمقطع من الدقيقه 5:56 او براحتك اذا تبغي تسمعيه كله



قال رسول الله - صلى الله عليه وسلم - :إن الله قال ( من عادى لي وليا فقد آذنته بالحرب ، وما تقرب إلي عبدي بشيء أحب إلي مما افترضت عليه ، وما يزال عبدي يتقرب إلي بالنوافل حتى أحبه ، فإذا أحببته كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه )

ايش تبغي أكثر من كذا الله عز وجل يدفع عنك كل أذى متى ما استعذتي به ويعطيك متى ما سالتيه ويهديك للصواب والرشاد في كل امورك


عن أبي العباس عبد الله بْنِ عَبَّاسٍ قَالَ كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ:" يَا غُلاَمُ إِنِّي أُعَلِّمُكَ كَلِمَاتٍ احْفَظْ اللَّهَ يَحْفَظْكَ احْفَظْ اللَّهَ تَجِدْهُ تُجَاهَكَ إِذَا سَأَلْتَ فَاسْأَلْ اللَّهَ وَإِذَا اسْتَعَنْتَ فَاسْتَعِنْ بِاللَّهِ وَاعْلَمْ أَنَّ الأمة لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلاَّ بِشَيْءٍ قَدْ كَتَبَهُ اللَّهُ عَلَيْكَ رُفِعَتْ الْأَقْلاَمُ وَجَفَّتْ الصُّحُفُ"

اذا الطريق هو انك تتقربين الى الله بالعبادات
يعني لا تكتفين بانك ماشاء الله ماتفعلي شي محرم او تتركي واجب
لازم تخلي العباده والذكر شغلك الشاغل لان هذا اللي بيفتحلك كل الابواب الموصده وثقي بذلك

ابدأي شوي شوي
عدلي في صلاتك اذا هي مشي الحال
ذكر الله ذكر الله ذكر الله لا تغفلي عنه ابدا
لو تبداي باذكار الصباح والمساء فقط وبعد كذا بعد ما تلتزمي شوي خذي اذكار مابعد الصلوات فضلا عن الذكر المطلق في كل وقت وكل حين
ولا تنسي ( وانا معه اذا ذكرني ) (ان الله يعطي الذاكرين اكثر ممايعطي السائلين )
وسبحان الله اذكار الصباح والمساء تجمعلك كل خير

لو طبقتيه معناته انت كل يوم تأكدلي لنفسك هذا المعنى ( لا اله الا الله وحده لا شريك له له الملك وله الحمد وهو على كل شيء قدير )

كل يوم تجددي رضاك بالله مدبرا معينا وباقداره ( رضيت بالله ربا وبالاسلام دينا وبمحمدا نبيا )

معناته كل يوم تجددي التوكل على الله ( حسبي الله لا اله الا هو عليه توكلت وهو رب العرش العظيم ) من قالها 7 مرات حين يمس وحين يصبح كفاه الله ما أهمه من أمر الدنيا والآخره
بس خليك واثقه برب العرش العظيم وشوفي وين احنا ووين العرش العظيم ! وايش همومنا قدام رب العرش العظيم

في اذكار الصباح والمساء كل يوم تسأليه العفو والعافيه في دينك ودنياك واهلك ومالك ويآمن روعاتك

الاستغفار يزيدك قوه الى قوتك

وغيره وغيره الكثييييييييييير اللي مايسع المجال لذكره لكني انت ابحثي واقرا واسمعي عن فضائل الذكر تعلمي لأن من يرد الله به خيرا يفقهه في الدين


بس أبدأي بهالخطوه خطوة الطاعات واولها الذكر لانه اسهلها والتزمي فيه لانه اول خطوه عمليه تقدري تسويها فلو ما التزمتي فيها معناته ماراح تقدري على اللي بعده
يعني حتى لو ما قدرتي تيقني بمسألة الرضى بالقدر والاستغناء بالله والتوكل على الله
أبدأي بهالخطوه وبعدها راح تتهيأي لأعمال القلوب هذه لانها اكبر فاذا ماقدرتي على الاولي كيف بتقدري ع الثانيه

القرآآآآآآآآآن القرأن من أهم انواع الذكر


هنا الأمان ..
هنا الاستقرار ...
هنا السند والعضد ...
هنا لا نضل ولا نشقى ...
هنا نحيا حياة طيبه ...
هنا الهدى ...
هنا الرحمه ...
فأين نحن منه ؟؟؟

صباح الخير ترا والله مافيه بيت مافيه مشاكل خليها على ربك
يارب يوفقك يار راح ادعيلك في كل وقت تجي على بالي ضاق صدري كثير على وضعك
بس في رب كريم اتمنى اكون صديقتك عجبتني شخصينتك ما شاء الله

وأخيرا لا تنسي حلمك وطموحك بأسره مستقره متحايه متآلفه تفيض بالرفق والمحبه والموده

بس ماراح تقدري تحققيه قبل تسوين اللي قبل لان اللي قبل أساس هو اللي راح تبنين عليه ( الرضى عن الله - الاستغناء بالله - التوكل على الله - التقرب الى الله )

ولا سويتيه والتزمتي فيه ابدأي بتحقيق طموحك
بس خلال ذلك لا تمنعي نفسك عن اي خير يخدم هالطموح يعني لو احد احتاجلك من اهلك لا تردينه علشان مجرد كبرياء او تردين اعتبارك او تحسسينه بقيمتك وانت داخل نفسك ودك بالخير وما عندك مانع تساعدين احد اعرفي ان هذا من الشيطان

انت الحين طالما مستغنيه راح تخدميهم وانت عزيزه تخدميهم لله علشان ربي وصى بالرحم وعلشان الواحد مأجور اذا أحسن لاي انسان او حتى حيوان فما بال لما يكون هالانسان من ذوي رحم

أمك زيدي في برها والاحسان اليها يعني كل ماتمنيتي انه فيه احد تهرجين معه وتتونسين معه تذكري امك انها بحاجه اكبر لهاشي وروحي ونسيها

أخوانك اللي اصغر منك كوني لهم زي ماتحبي اخوانك الكبار يكونوا لك بغض النظر عن الفرق في الامور الماديه هم محتاجين لأمور معنويه اكبر
خلي حاجاتك المعنويه لاخوانك واخواتك تذكرك بحاجتهم لك إبذلي لهم وأعطيهم وثقي بأنه ( هل جزاء الإحسان إلا الإحسان ) بس الفرق ان اللي بيحسن لك ربي مو بشر فافتحي باب امنياتك على مصراعيه ووسعي خيالك ومع هذا سيرزقك من حيث لا تحتسبي أعطي وخلك مأمله العوض من ربي فقط !

وأخوانك الكبار أدفعي السيئه بالحسنه وأحسني لله وأصبري علشان تتقربي لله بهذي الأعمال ويأجرك عليها بغض النظر ايش سووا وايش فعلوا


وتقبلي هذي الهديه مني ()

كيف أثرت فيني ( إنه من يتق ويصبر فإن الله لا يضيع أجر المحسنين ) ... ضمن حملة رمضاني


حلمك رائع وجميل لأن ثماره تجنيها مو بس بالدنيا حتى بالآخره فلا تفرطي فيه واصبري حتى تحققينه

أسأل الله العظيم أن يعطيك خيرا مما تأملين ويصرف عنك كل شر ويهدي قلبك ويفرج همك وينفس كربك ويزقك من حيث لا تحتسبين إنه ولي ذلك والقادر عليه


:)

الله يكون بعونك ويفرج همك ويرزقك بالوظيفه اللي تتمنيها

الله يفرج همك