وش فيها اذا تطلقتي زواجك بشرع الله وطلاقك بشرع الله ولا انتي اول وحدة تتطلق مرتين ولا آخر وحدة في موضوع هنا من تطلقت مرتين و تزوجت وابشرك فيه بنات تطلقوا بالأربع والخمس ونصيبها يجي وترد تتزوج لا تيأسي

ابحثي عن وظيفة واذا امك قالت لك ما لك حظ قولي لها الله سبحانه لما خلقنا كتب لنا أرزاقنا محدن يموت في هالدنيا يمة قبل ما يستوفي رزقه

حبيبتي ماحد راح ياخذ حقك غير رب العالمين
تحسبي على كل من ظلمك
حسبي الله ونعم الوكيل على الظلام اللي ما يخافون ربهم
بنات الناس لعبه عندهم بس بناتهم ما يرضونها فيهم

الله يجبر بخاطرك و لاتزعلي حبي نفسك ثم نفسك ثم نفسك ترى نفس عزيزة غاليها تغاليك الله يرزقك من فضله قادر ياكريم

أهلاً حبيبتي 
بدايةً ربي يسسعدك و يعوضك خير ف الدارين و ينولك مُرادك ..
حطي ف بالك حبيبتي ان الناس و الله العظيم لو كنتِ متزوجة  أحسن واحد و سعيدة ف حياتك و الله م تسلمي من كلامهم كذا و لا كذا فيهم حُب للقافه و الكلام الفاضي إلا من رحم ربي ، عشان كذا خلي الناس و كلامهم آخر اهتماماتك و لا بلاش تعطيه أي اهتمام لأنه م يستاهل 

عيشي لنفسك و طوري نفسك من كل ناحية ترى و الله الزواج مو كل شي و مو كل متزوجه سعيدة 
دلعي نفسك و اهتمي فيها و عيشي حياتك اطلعي زي م تبغي و عيشيها بالطول و العرض و أقنعي نفسك ان لو ربي كشف لك الغيب و الله م بتختاري غير اللي ربي كتبه لك و يبقى هو الخير لك 

إذا أنتِ اقتنعتي ان م فيه شي يستاهل تشيلي همه و تعذبي نفسك عشانه من قرارة نفسك صدقيني يبان هالشي ع نفسيتك وقتها أمك بتحس انك أقوى من ان يكسرك طلاق و لا غيره و بترتاح و م بتشيل همك و بتسعديها بهالشي 

ف خليك أقوى حبيبة قلبي و هونيها و تهووون :)

تفلسفت كثير تحمليني و فالك السسعادة يارب ❤️🌹

حبيبتي صبرك على الظلم و صبرك على الإبتلاء صدقيني بتشوفين نتايجه
الله يمهل ولا يهمل تحملي يا أختي و بإذن الله بيفرجها عليك ربنا
و المواقف إلي مريت فيها لا تكسرك بالعكس خليها دافع قوي لك و عيشي بتفائل
و أحسني الظن بالله و بتشوفين عجائب قدرته
الله يوفقك و يريح بالك و يفرج همك