ما رح أكثر عليك كلام البنات ما قصروا
بس بأقولك وكلي أمرك لله وثقي إن كل شيئ يكتبه الله خير
ثقي في الله وقوي إيمانك به لا لا لا تيأسين من رحمة الله أبدا
كل هذي الأحداث الي شفتيها رح تكون بردا وسلاما عليك يوم القيامة إذا إحتسبتي الأجر وشكيتي همك لله وحدة وأبشري بالعوض من الله .
أسال الله أن يعوضك ويجبر قلبك ولا يحرمك الأجر

ايو الله انا تطلقت مرتين وكلهن خلع ....وبالقوه ....

الزواج قسمه ونصيب ماتدرين وين الخيره يمكن ربي كاتب لك شي افضل

بقولك شغله بما اني عانيت مثل ما عانيتي
وكنت مطلقة مرتين الأول خلع والثاني طلاق عادي
ادري كلام الناس ما يرحم والمشكلة لا صاروا من أهلك
وكلي أمرك لله وصدقيني بترتاحين
لا عاد تفكرين بالماضي صفحة وانطوت وأيام عدت
أكثري من قول حسبي الله ونعم الوكيل وصدقيني حوبتك ما راح تتعداهم وحياتك بتعيشينها
دائم خلي يقين في قلبك حياتك ما بعد بدت توك في البداية لسه ما جاء الشخص إلي يستاهلك وانتي تستاهلينه
خليك متفائلة وصدقيني أمك ما راح يضيق صدرها إلا إذا شافت انكسارك طلاقك مرتين خليها بداية خير لك
عيشي من جديد انا اكتب لك من واقع تجربة تزوجت وانا عمري 19 بس ما كان الزوج إلي تحلم فيه أي بنت راعي بلاوي وخرابيط وربي سخر لي أهلي وخلعوني منه
تخيلي انه كل شي أخذه لبس ذهب أغراض بيت كل شي تتوقعينه ومع كذا طالب بالمهر انخطبت بعد العدة وتزوجت ولا صار نصيب بيني وبينه وطلقني
ورجعت مره ثانية نظرات الناس كلامهم ومع كذا عشت حياتي دخلت لتحفيظ القرآن بعدها توظفت بنفس الدار وجلست سنه وبعد 7 سنين أو ثمانية انخطبت وتزوجت والحين لي أربع سنوات ويارب لك الحمد خليك متفائلة دائما