تعبت ولاني عارفه كيف اتعامل مع زوج المستقبل

اول شي حاولي انك ماتتأثرين بتجربتك السابقة.. وترمينها بحلوها ومرها ورا ظهرك.

ولا تخلين حياتك تبدا بهالشكل.. إذا الوضع بهالشكل من الحين اجل بعد الزواج شلون بيصير معاك؟؟
حاولي تجلسين معاه.. مو بس تكلمينه بالتلفون..
تفاهمي معاه.. حاولي تتعرفين على سبب عصبيته لأنه احتمال يمر بظروف ضاغطة عليه بشكل مؤقت..
اعرفي وش نوعية شغله.. عشان اذا انشغل عنك تقدرين تعذرينه..

بعدين اجلسي مع نفسك..
وشوفي.. هل تقدرين تقبلينه بعيوبه..

انصحك يااختي انك ماتتسرعين..

هذي حياة..

ولاتنسين تستخيريـــــــــــــــــــــن..

والله يقدم لك الخير..

هلا بك اختي ام مشاعل اشكرك على تجاوبك معي.
اختي هو رجل اعمال او ما ملكنا كل يدق علي كثير حسيت انه قريب مني والله .
ثانيا: هو مو من ديرتي يعني بينا بحووووور وصحاري وساعات كثيره .
ثالثا: ودي اقولك انا رسمت صوره لحياتي غير عن الصوره اللي شفتها له يختلف تفكيره واسلوبه معي عن اللي انا متصورته ...................... تحياتي

عزيزتي ثراء

دائما اللي نفكر فيه ونتوقعه يطلع غير الواقع.. وهالشي ممكن يسبب لنا صدمة..

هذا انتي تقولين انه رجل اعمال.. تكفيك هالكلمة..

طبيعة رجل الأعمال بإنه دائما مشغول.. واحيانا متوتر وعصبي.. وكثير السفرات
وفوق هذا كله.. تلقينه يتعامل معاك وكأنه يعقد صفقة.. اقصد إنه مايكون عاطفي..
تجيه لحظات رومانسية.. ولكن الطبع يغلب التطبع..

بعدين الرجال بوقت الملكة شي
وبعد الزواج شي ثاني

موب لأنه مخادع.. او كذاب.. لالالالالالالالالالالالالالا.. ولكن طبيعي لما تكون العلاقة بأولها وتكونين بعيدة عنه.. يكون هناك بعض المجاملات.. فلا هو يعرف عيوبك الحقيقية ولا انتي تعرفين عيوبه بعد..
وبعد الزواج.. وبعد مايعيش الزوجين تحت سقف واحد ، تبدا تتفجر الخلاقات.. ويصير كل طرف يرمي لومه على الثاني..

حاولي تفكرين بالمنطق.. وخليك واقعية..

ومثل ماقلت لك بالأول.. هذي حيــــــــــــــــــاة..

أتمنى اني اكون خففت عنك.. وساعدتك:26:

تصدقين مدري ليه من بعد اللي صار معي امس قلت له طلقني لاني بجد طفشت واحس اني موفاهمته زين.
هو يقول انتي نوعيتك نادره انتي من النوعيه اللي تبي زوجها على طول معها والنوعيه الثانيه تبي بي اهلها وكل شوي تبي اهلها عشان كذا يقول انه راح يتعدل الوضع بعدين بس انا طفشت من طبعه .

اختي ثراء
كلام الاخوات جزاهم الله كل الخير صحيح
ولكن انا لو كنت مكانك ماذا افعل؟

اذا كان عصبي فهذا طبع والطبع يغلب التطبع. والصراحه انفصل عن هذا الانسان.
جدا صعب ان تعيش المرأه مع العصبي بالذات مثل نوعيتك تحب تكون قريبه من زوجها انا كده كمان احب اكون
قريبه من زوجي .

واذا هوه مشغول من الآن ويحب عمله كثير كثير كثير فهذا يعني سيكون بعيد عنك تماما.
وسيكون زوجك في اوقات معينه فقط باليوم او بالليل.
انا اتكلم عن وجهة نظري الخاصه.

هذا كله من واقع حياتنا وكثير ما نقرأ ونسمع مشاكل كلها هكذا زوجي عصبي زوجي مشغول عني زوجي موفاضيلي .
زوجي ما يحب الرومانسيه. زوجي يبيني فقط في وقت معين . وهكذا والكثير من المشاكل.
هذا لو كنت مكانك يكون تفكيري هكذا واطلب الانفصال.
والصراحه لا اكترث بماذا سيقوله الناس عني ، هذا ما يريحني ويجعلني بعيده عن الضغوط.
انا اتكلم عن نفسي اختي
وايضا هوه عصبي من دون اولاد ولا وجع راس فما بالك معاهم. انا زوجي مو عصبي بالمره ولكنه مع الاولاد بيكون
مزاجه صعب تعبان وهمه بيغلبوا وبيعملوا الازعاج.
انا اتكلم عن نفسي اختي
:27:

تعرفين اختي يمكن هوه ما يريد يتزوج وامه او اهله غصبوه او غيره ممن ذكروه الاخوات من قبلي من مبررات او اسباب
المهم انت صارحيه بمشاعرك وكوني حاسمه وقويه لا تاخذي الموضوع بنعومه .

الله يوفقك اختي