تعتبر أم مهمله و بنت عاقه

استشاره سريعه اذا ممكن و ابي حل ...

امي و ابوي كبار بالسن و عندي اختين اول جامعه و ثالث ثانوي مايتحملن مسؤوليه زين يعتنن بوالديني يطبخن و يغسلن و ينظفن ....
.....................
المشكله عندي اخت مطلقه معها اطفال سكنت عند اهلي ، ....
اختي توظفت و طلعت سياره و كل يوم تداوم من ٧ الصباح الى ٣ الظهر و اشتركت بنادي من ٤ العصر الى ٩ بالليل ... واذا جت حطت راسها و نامت و تركت عيالها .....
تكلمنا معها عن عيالها و انهم محتاجين لها و لا هي مهتمه و تضربهم و تحسسنا انهم عاهه عليها و ترميهم على اهلي و لا تطق لهم خبر امي و ابوي كبار بأعمارهم وفيهم ضغط و سكر و امي فيها ورم و مايتحملون الصياح و البكاء و بنتها كل يوم تبكي يا بابا و يابابا ... و خواتي مو قد المسؤوليه تعرفون الجيل هذا مايتحملون مسؤوليه اذا خلصن شغلهن نامن و اتركنهم ..
دايم اذا اجتمعنا عند اهلي تهاوشنا بنفس الموضوع .. والله العظيم امي دايم تشتكي لي تقول يابنتي انا ما اتحمل و ابوك صار ينام برى البيت مو قادر .... تكلمي مع اختك خليها تهتم بعيالها جوعانين عطشانين مرضانين انا و ابوك مانقدر نتحرك

و اذا تكلمت قالت مالكم دخل و اذا طلعت برى البيت ماتستأذن و لا تعطيهم خبر وين راحت .. وهذا مضايق ابوي يقول ليش مو مقدرتنا ....

والله عجزت ما ادري كيف احل المشكله امي و ابوي صاروا يتضايقون من عيالها و من تصرفاتها ......

تعبت نفسيا اكثر من عيالها ...