تعرفون ليش ابغي اتزوج ؟ تعالو اقولكم

السلام عليكم بنات


انا عندي مشكله و هي عندي فوبيا انتي اكون وحيده و بدون صديقات :44: و هالموضوع جد مو مزح

عندي هالشي من طفولتي لما خلصت ابتدائيه و انتقلت للاعدادي و نفس الوقت لما خلصت اعدادي و انتقلت (مدرسه جديده) للثانوي ....... الخ

يعني اقول نحن بنتفارق و ولا حد بيسئل عني (و دايما هالشي صحيح ) انا ابدا ما انسى صديقاتي و دايما على بالي و احاول اتواصل معاهم
بس احس هم مو مهتمين ابدا لو اموت ما بيلاحظو والله

و انا نفسيتي زففففففففففت من هالموضوع
فالاجازات بس مستنره قدام الكمبيوتر اتنظر وحده تدخل المسنجر و تسولف معاي و حاطه جنبي الجوال اذا وحده قررت تتصل في (ولا يتصلو)

متى ما اشتهو يكلموني لو دقيقتي فورررا ارد ما اصدق و عقب كم دقيقه يلا بخليك انا تعبانه بروح انام:icon33:

امنتي اتزوج حتى ما يكون عندي وقت اتملل و اجلس انتظر منتهم :mad: حاسه انا الوحيده فاضيه بينهم
الكل منشغل باحداث سعيده فحياتهم (ماشاءالله ) و انا بس جالسه اتفرج من بعيد و انتظر كلمه من وحده منهم تسليني


لو وحده قالت شو رايكم نجتمع فالحديقه انا اول وحده اوافق و اقولهم اي يوم ووقت يناسبونكم و الك بعدين يكون مشغول و ينكسل الفكره و انا اكون من شهور احلم بهذي الطلعه :(


اتمنى فهمتو شو الي اقصد :44: والله تعبانه نفسيا


شو نصايحكم لي ؟