خال امي الله يرحمها كان عنده سرطان بالدم زمان ذا الكلام وتشافا منه

جارت امي والحمدلله تشافت منه والله يشفي جميع المرضه

الله يشفيها ويشفي كل مر
ضى المسلمين 
الصدقه   الرقيا له دور كبير 
واعرف صديقة خالتي جاها وكانت تروح لامريكا مرتين بالسنه تغير دم وطابت الحمد لله 

بنت اخت زوجي عمرها 6 شهور اول ما عرفو بمرضها ،، و اتعافت لما صار عمرها 7 سنين ،، و علاجها كله كيماوي ,, في مستشفى الملك عبدالعزيز للأورام في جدة ،،
تخيلي وحدة عمرها 6 شهور و تتعالج الله يشفي الجميع ،، و كل البنات اللي معاها في الغرفة ماتو ، سبحان الله الدكتور كان يقول لامها لانك ترضعيها طبيعي فعشان كده مناعتها قوية ،،

صح دحين اتعافت بس كل فترة و فترة تروح تتاكد انه ما رجع المرض لمدة 3 سنين اذا ما رجع خلاص و دحين صار لها سنتين ما رجع المرض ،،

و كمان مناعتها ضعيفة و تتتعب بسرعة حتى بعد ما اتشافت لانه الكيماوي اكل اسنانها و عظامها ، بس ما شاء الله تبارك الله بعد ما شعر طاح وقت الكيماوي ، دحين شعرها لنص ظهرها ما شاء الله ،،

طبعا فترة مرضها كانت قاسية بالمرة ، كانت تتعب و ندور لها متبرعين دم عشان يأخذ مادة من الدم و يرجعوها لجسمها ،،

لها علاج تزرع نخاع ،، بس اهلها ما عندهم امكانيات و رفعو امر للملك عشان تتعالج و ما جاءت الموافقة ،، و الحمدلله ربنا شفاها ،، ولازم اللي يتبرع لها يكون اخ او اخت لها و كل ما كان العمر اصغر يعني في سن المراهقة افضل من الاخوان الكبار ،،

و كمان الشي اللي يعور القلب كل مرة يأخذو عينة من النخاع عشان يشوفو المرض وصل لفين ، يأخذو العينة بدون تخدير ، و كانت تصيح مسكينة و كانت طفلة لما صارت تتكلم تسبهم من قلب هههه ، و الحمدلله ربي رفع عنها ،،،

ابوها مات من الهم عليها و الحمدلله هي عايشة لين الان ،، و كمان امها كانت تتعب معها ، تخيلي تترك بيتها و اطفالها الباقين تجلس معها شهر و احيانا اكثر ، مرة جلست 4 شهور متواصلة معها ،، الله يعين الجميع ،،

الله يشفيها ياااااارب