ㄨجــودㄨ @god_122

محررة فضية

تعـالو شوفو وش سوو شباب بـريدهـ ....

الســـــلامـووو عليكـووووومـ

وانـــــــــا احوس بحدى هالمنتديات اللي جمبنا
مير القـى موضوع كاتبه شخص خاله اللي قاله القصه << مشواار

الزبده انو منقوول ..

إن مجموعة شباب من مدينة بريدة قرروا السفر لمدينة الرياض ( لحد الآن حلو ) ,

المهم وصلوا الرياض قبل أذان العصر بشوي ولازم يتغدون , راحوا لمطعم علشان

يشترون رز ولحم وحركات وسكنات , المهم انتظروا اليماني حق المطعم يقولهم

( تاكلون هنا والا سفري ) ما قالهم شئ,

جاء واحد من اخويانا وقال لليماني ترانا بنتغدى هنا !

رد اليماني ؟ لالالا سكرنا علشان الصلاة.

أخويانا أخذوا غداهم وأكلهم وهم يجرجرون أذيال الهزيمة ,

وين يروحون ,

ما يعرفون أحد بالرياض ,

درجة الحرارة بالرياض 50 مئوية ,

المحلات مسكرة ,

البعارصى والقعوسة من شدة الحر دخلت جحوره ...

وضاقت بهم الدنيا وين يتغدون , وهم جوعانيين جداً ,

بحثوا عن مكان يلمهم ويضفهم ما حصلوا ,

يمين يسار ماحصلوا ,

فوق تحت ماحصلوا ,

وطفشوا أخويانا.

جاء أحد الشباب واقترح إقتراح ؟؟؟

وتوقعوا وش هالإقتراح ؟؟؟

طبعاً قال الإقتراح ونفذوه أخويانا الي هو :

دخلوا على غرفة ماكينة صراف البنك السعودي الأمريكي وفيها مكيف وحركات حلوة

ولصقوا السماطات ( ما يوضع تحت الأكل ليبقي الأرض نظيفة ) لصقوا السماطات

على الباب علشان الي في الخارج ما يشوفهم ,

وكتبوا على ورقة:

( عفواً الصراف خارج الخدمة حالياً لأعمال الصيانة , وشكراً , إدارة البنك ) ,

وكل من جاء من أهالي الرياض وقرا الورقة صدق المسكين

وراح يدور على غيره ,

واخويانا متهنين يضربون بالمندي على الحامي , وحصلوا شئ ما حصله غيرهم :

( غرفة مكيفة ,

نظافة شديدة ,

رائحة زكية ,

لايوجد إزعاج ,

غرفة فيها عوازل تكتم الصوت والحرارة ) ,

ويوم خلصوا وشربوا اللبن وحمدوا ربهم

شالوا سجادتهم وضفوا زبايلهم ( تكرمون ) وفكوا الورقة والسماطات الي على الباب

وشغلوا سيارتهم ومشوا وتوكلو على الله ( ولا من شاف ولا من دري ) ...

هـــــــااهـ وش رايكمـ ..؟؟

خخخخخخخخخخخخخ والله هالقصمان ماخلو شي ..

وووبـس

!
!
طحياطي >> جـود

يلزم عليك تسجيل الدخول أولًا لكتابة تعليق.

تسجيل دخول

دلوعه زوجها!! • 18 سنة

هههههههههههههههههههههههههههههههههه حلوه

بنت الأكابــر • 18 سنة

هههههههههههههههههههههههه

فديتنااااااا يالقصمان عندنااا افكار لاصارت ولا استوت <<< متعصبه خخخخخخخخخخخخخ

ومشكووووره يالغلا

كالوري • 18 سنة

:blink: عجييييييييييييب يعني ضاقت الدنيا

بس تدرين والله إنهم جابوها :42: وتكتيك ما يخرش الميه :biggthump

أقول ياجوووووووود يازين إسمك >>> اسم بنيتي الله يحفظها

تشكراااااااااااااات

أم لقمرين • 18 سنة

ياالللللللللللللله اللي بيدخل يصرف عقبهم وش بيقول؟؟؟؟؟؟؟؟؟؟؟؟؟

ريحة رز والا انا جوعان خخخخخخخخخخخخخ

أم لقمرين • 18 سنة

ياالللللللللللللله اللي بيدخل يصرف عقبهم وش بيقول؟؟؟؟؟؟؟؟؟؟؟؟؟

ريحة رز والا انا جوعان خخخخخخخخخخخخخ