حركة بطيئة :

اولاً : مارأيك انتي بالبعثة شخصياً لو مامعكم احد ثاني بس زوجك ؟ ودك تغيرين جو وتعيشين تجربة الابتعاث السكن بالخارج والدراسة والغربة وكذا عندك تقبل للفكرة ؟ ثانيا : بما انه زوجك مرافق ..هل الراتب يشملك وبناتك ؟ حالتكم المادية تتحمل مصاريف اضافية للبعثة لانه اول الشهور ماحتكفي المكافأة .. ثالثا: بعد البعثة لما ترجعون .. اوضاعكم راح تكون للأحسن مثلاً ترقيه لزوجك وزيادة راتب ؟ ولك اكتساب تجربة واكتساب لغة .. رابعاً : هل زوجك واهله عندهم تقبل ان الاخت تسكن بشقة مجاورة لكم ؟ هل زوجك يتقبل انها تسكن لوحدها بشقة مستقلة مايقول اختي لازم تكون معنا واخاف عليها ومايصير

اولاً : مارأيك انتي بالبعثة شخصياً لو مامعكم احد ثاني بس زوجك ؟ ودك تغيرين جو وتعيشين تجربة...

كريستالهـ :

يا سبحان الله وربي انصدمت من تفكير الاغلبيه في هذا الموضوع... انا اخت زوجي لها سبع سنين ساكنه وما راح تطلع من عندي الا على بيت زوجها.... وهذا وانا وزوجي لحالنا و ما عندنا اطفال عشان اقول لا بتكتمنا ولا ما تخليني اخذ راحتي ....ولي عشره سنين ربي ما رزقني عيال ويوم جات سكنت عندي كان ليا ثلاث سنين متزوجه حدتها الظروف توفى ابوها بمرض وتوفت امها بحادث سياره نرميها يعني عشان خصوصيتي وراحتي انا وزوجي ؟؟؟ سبحان الله منطق غريب !!!! يعني الاخت مالها حق بخوها وش هالكلام ؟؟ انا اخت زوجي سكنت عندي و زوجي يصير اخوها من الام بس ويوم توفت امها اخوانها من ابوها كانو بياخذونها عندهم شفتها تبكي بعزا امها تقول مو متعوده عليهم واخاف منهم... رحت ترجيت زوجي يكلم اخوانها من ابوها وياخذها تعيش عندنا لان شرعاً اخوانها من ابوها اولى فيها من زوجي دخل زوجي بمشاكل مع اخوانها من ابوها عشان يحاول انها تعيش معنا والحمدلله عايشين من احلا مايكون والله انها مونستني وتساعدني وما ترضى علي من اخوها شي بالعكس تزعل من زعلي عليه ويدها بيدي بالبيت خاصه اذا شافتني تعبانه ولا مريضه ولا عندي ضيوف كبرت عندي وصارت عروسه وصرنا نلبس من بعض ونسهر سوا وطلعتنا وروحاتنا سوا و نتكلم سوا.. ومن اول ما دخل رمضان راحت تغير جو عند اختها المتزوجه والبارح رجعت من سفرتها ويوم شافتني على فراشي تعبانه زعلت وبكيت ليش ما قلت لها ورحعت عشاني والله انها صارت اقرب لي من اخواتي مع اني اوقات اتعرض للاحراج بحكم اني اتعالج عن تاخر الحمل وكذا وتكون هي معنا بالمستشفيات وعيادات العقم وغيره لكن اقسم بالله حتى هي يبين عليها الاحراج من الموقف وعمرها والله ما قالت لاحد ولا نطقت بكلمه من اللي يصير بيننا ... وعااادي الحياه ماشيه اللي يوسع صدره توسعها الحياه وسعي بالك يا أختي وتحمليها عشان دراستها يعني ظرف ما سكنت معك لقافه ولا تضايقي نفسك وزوجك ولا تسابقي الاحداث يمكن فيها خيره لك...

يا سبحان الله وربي انصدمت من تفكير الاغلبيه في هذا الموضوع... انا اخت زوجي لها سبع سنين ساكنه...