تعقيب موضوع "بنتي المراهقه تعبتني 😢"

شفتي زي ماقلت لك الله يلهمك الحل الصحيح
ان شاءالله ماتكون بس تمادت معاه من خرجاات وصور
الله يصلح لنا ولك النية والذرية

قولي كل شي شفتيه وبحاول اساعدك



انتبهي تتصرفي بدون تفكير
والله اني كنت عارفه وشاكه بنسبه كبيره السالفه وراها شاب

الله يعيننا على هذا الجيل
ويسترهم بالدنيا والاخره ياارب 💔

اختي البنت ماتعطئ جوال في هالسن ..
والله دمااار  دمار هالمواقع  زمان كانت  الاباحيات محجوبه  الحين كل شي مسموح  كل شي تشوفه كل شي تعرفه  ماعاد في احد  جاهل بسبب هالجوالات ....   الله يعينك ويهديها ويحفظها ويكفيها ويسترها بستره فالدارين ..  هلحين امسكيها بغرفه لحالك  بدون مايحس احد وتكلمي معها وابكي  اي ابكي خليها تنفجع وتدري ان هالشي كبير قولي انا ربيتك وابيك احسن الناس كان شايله همك ليه  منطويه ماتوقعت ان الوضع كذا  لاتصارخين عليها لا بس تكلمي بهدوء وبكاء وغبنه  خليها تنفشل  وماتعيدها  ساعديها تطلع  من هالوضع واخذي الجوال واضربيه فالجدار وكسري ابوجده  هوالسبب ...   قولي  لاني احبك واخاف عليك  مافي جوال الالو دخلتي الجامعه  بسس .....بنتك لوتحبك وحنونه صدقيني ماتهون  دمعتك  عندها  صدقيني بكاك بيكسرها  بيخليها تحسب حساب كل خطوه  وتدري ان هالشي يوجعك قبل يضرها  وهه فهميها انتي  خطورة فعلها  والله يهديها ويصلحها ...

انا ابي افهم بنت بالمتوسط معها جوال ليش؟اش حاجتها له وهي ماتطلع؟

بجد خافي الله ببنتك ...اكيد بتدور درب الغلط ...وبتتفتح على اشياء ماله داعي تفهمها بهالعمر

انتي المسؤوله عنها امام الله ..كلكم راع وكلكم مسؤؤل عن رعيته

ماصار فينا شي زمان مامسكنا الجوال الا بعد ماتزوجنا

جيبي جهاز ثاني وفهميها انه جوال مشترك بينك وبينها اذا كنتي مصره تعطينها جوال

مابي ازيد جراحك انا حاسه بوضعك ...بس انا افضل مااعطي بنتي جوال الا اذا دخلت جامعه او تزوجت

وبنتي كبيره بس جوالي تفتحه عادي وتتصفح وتكلم واتس....مع ان كل اللي حولها واصغر منها بالابتدائي

معهم ...بس ياختي الواحد مايثق ...كل شي مفتوح هالوقت النت يخوف صاير

حاسه وربي قريت موضوعك الاول يوم قلتي تمسح المحادثات قلت بس تكلم شاب واضحه

الله يستر ليكون مهددها بشي بسم الله عليها

الله يعينك