تعلمي كيف تصيرين نعومه

كيف تصبح البنت دلوعة خلال سبعة ايام
عليك بإتباع الخطوات التالية بحذافيرها...

يالله قولوا بسم الله....

1-البساطة هي السر ابسي ملابس ناعمة والوانها منسجمة مع بعض وتناسب سنك مثلا في النها البسي الوان فاتحهوفي السهرات يفضل الالوان الجريئة مثل الاحمر والاسود وكل يعتمد على شكل جسمك متينه والا ضعيفة وبيضا والا سمرا؟

2- ضعي مكياج خفيف اذا كنتى بيضا مثلا يكفي كريم اساس وودر وقلم كحل خفيف وعدسان وروج طبيعي الوان ترابية

ارسمي ابتسامة خفيفة على وجهك عند محادثة الناس
- اشكر الناس اذا اح قدم لك خدمة حتى لو كنت الخدامة


لا تلمين شعرج ابدااااا بل دعيه يسترسل والفحي به يمنة ويسره بدلال <<<<<<<
ياعيني عالفصحى

اذا كنت وسط مجموعة بنات او في عزيمة تكلمي بصوت منخفض جداً يعني أخفضيه لاقصي
حد وتكلمي ببطأ شديد ورقة وبنعومة ومططي الكلام قد ماتقدرين ..

اجلسي على طرف الكرسي وحطي رجل على رجل...

اذا احد قال كلمة شعبية عندج حتى لو تعرفينها ابتسمي وقولي ايش؟ مافهمت

اذا احد قال شي يضحك اضحكي بنعومه هكذا ههههههه مو تكخين وانتي تضحكين جذي
خخخخخخخ لأنو مو قاعدين بقهوة ...

سبلي عيونج وحركي رموشج وايد وحاولي وايد تطالعين السقف..

لا تفتحين فمج كأنج عند طبيب اسنان وانتي تاكلين وخاصة العلج والاحسن انج
ماتاكلين علج..

اذا كان في شي يطير حشرررة مثلاً او تزحف بعد حشرة بس متعرضة لمحاولة اغتيال..
اصررررخي واركضي ولا يردج غير سطح اصحاب البيت

في المدرسة لا تجلسين تراكضين بين الممرات وتلاحقين البنات تسحبين شعر هذي
وتدغدغين هذي امشي بهدوء وعند المقصف لا تزاحمين اذا زحمة اوقفي بعيد لحد ماتخف
الزحمة بعدها اشتري واكيد مارح تلاقين سندويتشات بتخلص

من ناحية اللبس البسي كلشي عليه صور دببه وقطط وارانب واشكال والوان... واهم شي
روحي محل اكسسوارت واشتري كل الكلبسات والشباصات الصغيرة وصفيها على شعرك
يومياً...

لازم على طول تشترين دباديب وقلوب وصور اطفال وحركاااات وكثري من الاشياء
الغربية...

طبعاً لازم تقولين انج ماتطبخين ولا ترتبين حتى غرفة نومج



صدقوني يابنات ترا النتائج مضمونه مئه بالمئه
وبتلاحظين بعد مرور اليوم الخامس اثار الخطوات ال اتبعتيها