تغار على من النسيم

اى والله الغيره قشره حدها ... انا ماصارلى شهرين من ملجت واحس بموت من القهر لما اشوفه رفع عينه وطالع وحده حتى لو ماكان قصده وبينى وبين نفسى اقعد افكر الحين اهوه وينه فيه واكو بنات بالمكان اللى اهوه فيه والا لا ؟؟ وبالشارع وقفت يمه بنت بالسياره والا لا وياترا التفت طالعها والا لا ؟؟
ابييييييييييييييييييييييييه هذا انا ماتزوجت وجذيه بس ملجه .... بس طبعا هاذى احاسيس اكيد ماراح اخليه يحس فيها علشان لايتغلا على ويلعب باعصابى بعدين لازم اسوى روحى جدامه حييييل كووووول ومومهتمه وانا من داخلى قاعده اغلـــــــــــــــــــــــــــــى من القهر والحره

هلا والله بجبل قهوان كيف حالك يالغاليه
الغيره
انا ماكنت احس انى اغار شايفه نفسى حرمه عاقله ورزينه ومو اى شى يهزنى
وزوجى والحمدلله مايسوى شى يخلينى اغار الا الا الا الا الا
ذاك اليوم كنا مسافرين بره المملكه ( انا كنت حامل بالسابع وطلعنا من بيتنا بعد صلاة الفجر على طول وماكنت نايمه كنت اجهز للسفر يعنى كنت تعبانه مووووووت ) المهم وصلنا قالت ادارة الفندق انا لازم ناخذ عصير على المسبح قبل لانطلع الغرف اصول الضيافه
المهم وانا عيونى تلقطلك ذيك البنت عمرها تقريبا 17 والشعر لنص الظهر ومفلوت ولابسه جنز وكان فى كوفى شوب هى تبيع فيه قدام المسبح
والله ان عيونها مافارقت زوجى وكل شوى تنثر هالشهر وهو والله العظيم حرام ماطلعها بس هى اعوذبالله تبغى تاكله بعيونها
طبعا انا من السفر والتعب حالتى ياسلام المهم مادرى بايش انشغلت الا وهذى هى فوق راسى تسال اذا نبغى شى
تصدقو لاشعوريا صرخت فيها لالاللالالالا مانبغى شى هى ياحرام انخرعت هههههههههههههه
وزوجى مات من الضحك قال ياساتر اثريكى نار وانا مادرى بس كل ماتذكر هدا الموقف اموت ضحك
بس على العموم انا مانى غيوره واعرف اتحكم بمشاعرى

بصراحة بصراحه الزوجة اللى ماتغر على زوجها احسها غير طبيعية لان السيدة عائشه رضى الله عنه كانت تغار من السيدة خديجة رضى الله عنههم جميعا وهى متوفاة
وانتى اذا حبيتى زوجك اكيد راح تغارى عليه وتحافظى عليه من كل المحيطات سواء فى السوق او التلفزيون او غيرة
لكن المفروض ان تكون الغيرة فى حدود بحيث ماتدمرحياتك وتجعل زوجك دائما غاضب منك
بالنسبه لى احاول امسك نفسى قدر المستطاع كانى فى حرب مع العدوات امحيطات اللى فى الدشوش
والزوجه كل ماكبرت سنه تزداد غيرتها درجتين لان الرجال شبابه دائم والمراة عمرها قصير

مادام الوحدة واثقة من حب زوجها لها ، ومادام ان زوجها ملتزم ويخاف من ربه ، ومادام هي واثقة من نفسها ...........لا أ ظن ان هناك داعي للغيرة .

واخالفك الرأي ياأخت زكية طرطشلي ........... لماذا الرجال شبابه دائم والمرأة عمرها قصير....................

الشباب ليس للرجل وحده ونحن ايضا شباب واكتر منهم كمان...............

وكذلك ليست كل من لاتغار على زوجها لاتحبه ، ولا أعتقد ان الغيرة دليل الحب والتي لا تغار لا تحب ، طيب انا اموت بابو الشباب لكني لا أغار عليه ، لاني واثقة به و اعرفه جيدا واعرف تفكيره واعرف انه مستحيل يفكر بوحدة تانية .......مارأيك؟؟؟؟؟؟؟؟

هلا جبل

الغيرة انواع

تصدقين مره كنت مع زوجي وواحدة الله يهديها تغازلة وتلحقه يمه بغيت اموت بس هو

ما له ذنب انا كنت موجودة وشفت بعيوني بس اذا ابدى نظرة اعجاب باي انسانة حتى لو يمدح

اكلها ذوقها في بيتها أكله أكل ما ادري ليش بس طبعا ما اخلها توصل لدرجة كبيرة

والغيرة الزايدة عن الحد تعمي الثقة بين الزوجين هي حلوة بس لما تكون بحدود