حيالله بنات الترفيهي كل أبوهم,,
وشلونكم ؟؟
وش أخباركم؟؟
أدري بتقولون وش تبي ذي ؟؟
حتى أنا والله أحسني مستحيه وأنا أكتب عندكم!!
بس عاد ترى إن صار شي والا آآآآآآآآش فترى كله من كافيوه!!
قسم بالله هي اللي قالت لي أنزل موضوع!!(كيف الحال كافي
)والا أنا والله دابة سليمه أمشي وأباري الساس!!
المههـههههههههم!!!
عاد والله من غلاتها عندي قلت سمي بس كم كووووووفي عندي أنا!!
المهم إني قعدت أحوس وأحوس وأحووووووووس!!
وأقول وش أكتب بس!!
فتذكرت مثل قديم كانت أمي الله يطول في عمرها تقص لنا قصته,,
هالمثل هو:
(تـمـي على شـدتـس ذي ,, وتـمـي على مشطـتـس ذي!!)
اصبروا شوي أبرجع أكمل القصه ,,
وقصة هالمثل ياطويلات العمر هي إنه كان فيه بنيه وش ملحها وش زينها متوفيه أمهاوهي صغيرة وأبوها متزوج وعنده بنت أصغر منها من زوجته الجديده,,
المهم إن هالبنت خويتنا أنخطبت هي وأختها وتحدد عرسهم في ليلة وحده!!
يوم جا يوم العرس قامت مرة أبوها تزينهم يوم جت عند بنتها قامت تساسرها(يعني تحاتسيها بصوت واطي)وتقول لها:
(تـمـي على شـدتـس ذي ,, وتـمـي على مشطـتـس ذي!!)
البنت خويتنا سمعت كلمة مرة أبوها وفهمت قصدها!!
بس المشكله إن اختها من أبوها الذهانه مجنبتها!!
وماوعت من كلام أمها شي!!
طبعاً منول(يعني في الزمن الماضي لغير الناطقين!!هههه) مهنا كوافيرات وتسريحات وخرابيط كل راس مال السالفة مشاط وجديلتين ودراعة جديده وصلى الله وبارك!!
ولا اهنا سيارات تزبرق يوم العرس ولاشي يجيبون هاك البعير ويحطون عليه الهودج ويركزون العروس فوقه وعيون هالبني طايرتن فيها كلٍ يقول ليتني محلها<<أها بس عيب هالحتسي!!
اصبروا مابعد خلصنااااااا!!ههههههه