☆الخضار لازم تقطع وتغسل وتحطينها في شبك في الفريزر لين تجمد كل حبه على نفسها بعدين طلعي الشبك وحطي الخضار في كيس نايلون وسكريه زين ورجعيه للفريزر (عشان لاتذبل )
☆الجزر ابشريه عشان الحشوات ومديه في صينيه وجمديه بعدين حطيه في كيس نايلون
☆الفلفل البارد قطعيه مربعات ومديه في صينيه في الفريزر وبعد مايجمد في كيس نايلون وعل الفريزر
☆السمبوسه بانواعها واصابع الجبن والسبرنج رول والكبه واصابع التوست ...الخبس بعد اللف حطيها في صينيه وجمديها بعدين حطيها في اكياس او علب بلاستك محكمة الاغلاق
☆الدجاج للفرن تبليه وقطعي معه الخضار اللي تبين وحطيه في صواني القصدير واغلقيها كويس واربطي عليها كيس من برى وفرزني وقت الحاجه دخليها الفرن وسوي جنبها رز او حطي خبز وسلطه
☆ كشنة البصل والطماطم صلحيها وخليها تبرد وحطيها في علي صغار ووقت الحاجه طلعي
☆كيكة البرتقال اصلحها عادي وافرزنها وقبل وقت الاكل اطلعها تفك تطلع كنها طازه
☆الشوربات جربتها زي شوربة الخضار والملوخيه بعد احطها في علب بلاستك وادفيها اما في المايكرويف او على الفرن ماتتغير
☆البصل المقلي للكشري اسوي كميه واجمد مايتغير
☆خبز محمص للفتوش صلحي كميه وفرزنيه
☆جربت خلية النحل بس ما احط شيرة افرزنها وقبل الوقت اطلعها تفك وادفيها شوي في المايكرويف واحط عليها عسل او شيره

ملاحظه بخصوص تفريز الخضروات انا مره شفت باليوتيوب اخصائيه التغذيه رزان شويحات تغلي الخضار بمويه مغليه 3 دقايق بعدين تشيلها على طول لمويه فيها ثلج قبل التفريز والهدف تحافظ عليها بنفس الجوده والطعم واللون اتمنى اكون افدتكم