سفر طريق البر ممتع خصوصا في الشتا
احب اتأمل اللوحات والمسافات المتبقية
وارقام السيارات
واقرا حروفها واركبها واعكسها
لكن لوحة الهفوف
تبقى
ذكرى من اجمل ذكريات طفولتي الرائعة
احس انها اعز صديقاتي
وكلما مريت على اي لوحة مكتوب فيها الهفوف اذكرني وابتسم
~~~~
كنت طالبة في الصف الاول لما سافرنا طريق بر
ومتولعة في قراءة الكلمات االخارجية واسماء المحلات واللوحات الارشادية
اكثر شي لفت نظري في الهفوف
الفاء بدل النون
وهذا اللي خلاني اعتفس
وطلعت الف فكرة وفكرة في راسي
كنت اقول في نفسي شدعوة ما يعرف يكتب الهنوف
كاتب الهفوف
ايش تطلع الهفوف بعد
الهنوف انا
لكن الهفوف وشو<<مشكلة اللي توه بادي يتفلسف
اكيد الهفوف اسم بنته
شلون شكلها
شعرها طويل ولا قصير
وهو شلون شكله
يشبه ابوي ولا يشبه الشرطي<<هالتخيل والله ما انساه
اي واحد ماعرف اتخيله اخليه يشبه الشرطي وان الشرطة كلهم ابطال
وافكر شلون كان يوم يكتبها
ركب فوق ولا حط له درج
ولا هو طويل ويده طويلة
والهفوف بنته كبري
ياخذها معاه ويخليها تشوفه وهو يكتب
وهو الحين وين بيتهم
وتفكير عمييييييييييييق بالاسم
وتساؤلات لها اول ومالها تالي
وافكار ما انزل الله بها من سلطان
القهر انه يوم شفت لوحة سلوى
وسلوى كانت طالبة معانا في المدرسة
قلت ليش كاتبين اسم سلوى صح
وانا اسمي غلط
مصممة ان اللوحة لازم تكون باسمي غصب<<<فاكرة نفسي مهمة وايد
اشوا اني ما رفعت عليهم دعوة
هذي سالفة الهفوف
وسلامتكم
*********************
منقوووووول
:26: