من جدك
وش تسوي العشر الالف والثمان ميه بالشهر
انتي مستوعبه وش عشر الاف وفاهمه مبلغ 800 انتي شايفه الايجارات كم حتى الغرفتين اللي انتي مستقلتها لا تقل عن عشرين الف هذا اذا حي معفن بعد
هذا غير الفواتير الاكل والشرب ولو احتاجوا مستشفى لاسمح الله مصاريف الدراسه كل هذا عشان خصوصيه اي خصوصيه الله يرحم الحال لايكون خصوصيه كيت ووليام وش بيكون عندها زود عن الناس عشان تعتبره خصوصيه
ولدهم رايته بيضا ماقصر وياماله من الاجر والتوفيق بإذن الله وش تبينه يقول اطلعوا استأجروا زوجتي لها خصوصيه ولا يقول لامه ادفعي لك من الـ 800 اللي ماتسمن ولا تغني من جوع
وزوجته هذا زوجها وهذي ظروفه واذا هي بنت اصول هي من نفسها بترحمهم وان كانها دفشه مو شايفه خير هي اول وحده بتعارض وجودهم ببيتها وفي كل الاحوال هي الكسبانه يكفي اللقمه اللي ياكلون منها الايتام هذي الناس تدورها دواره الناس يسالون فلان وعلان عن ايتام ولا ارامل عشان يكسبون اجرهم
وفي الاخير الله لايحوجهم ولا يحوجنا لاحد من خلقه ويغنيهم ويغنينا بواسع فضله ياكريم ويطهر قلوبنا يا ارحم الرحمين

بما ان الراتب مايكفي الحاجه ويادوب يصرف عليهم
يصير تحط اهل زوجها بعيونها
بكرى اخواته بيتزوجون
وام زوجها تحضن عيال ولدها وتلاعبهم وتحكي لهم حكاوي

مافيها شيء والله
سبق وجربت اهل زوجي سكنت معاهم وحبيتهم بعيوبهم تعاملي معهم بالحسنى والاجر عند ربي

ما ارضى بسكنهم عندي ؟ ليش ان شاءالله
هذي امه و خواته
اللي منقينك ومختارينك زوجه لولدهم
تروحين تعزلينهم عن ولدهم اللي هو زوجك ليشش ؟
وتروحين تحجرينهم بغرفه مع عيالك و ازعاجهم ليش؟
قله ادب صراحه
طبعا ما اقصدك يا صاحبة الموضوع
بس اتكلم عن نمونة بعض البنات اللي زي كذا
انا مو متزوجه لكن مستقبلا لو ام زوجي تبي تسكن معاي
حتى لو اني ما ابي سنكها عندي
امانتن بحطها فوق راسي و اعتبرها امي
يكفي انها اختارتني لولدها و اخرتها اروح اخذلها واقول مابي سكنها عندي ؟؟
يمكن تصير ظروف واخذ امي عندي
و يرفض زوجي بحجة اني رافضه امه من قبل
صح والا لا
حتى لو ما رفض وسكت زوجي
لكن عيب ما راح اقبلها هذا ولدها وسندها قبل لا يكون زوجي
وقبل لااا اعرفه
والشي هذا شفته عند اختي
حاطه ام زوجها على عينها وراسها مثل امي ..

اذا كانو طيبين ليش لا بالعكس اما اذا راعيات مشاكل الله يستر عليهم بنت الناس ماهي ملزومه تتحملهم

يا حبايبي شرعا لو شرطت سكن شرعي مستقل حرام و ما يجوووووز انه يسكن احد معاها و لها الحق انها تتضايق و تزعل الشرع معاها
لو قعدتهم فتره مؤقته اوك تتحملهم اما طول العمر جدا صعبه يضيع عمرها و شبابها لا لبست و لا خرجت و لا استقبلت و لا سافرت و لا قعدت مع زوجها على راحتها حرام

الحل ع الولد ملزوم يستاجر لأمه شقه و يجلسو فيها اكيد الضمان بيكفي حق ايجار شقه و فواتير و المعيشه ولدها يدبرها

طيب لو هي ما شرطت سكن شرعي مستقل ما يحق لها تتضايق من وجودهم و تتقبل الموضوع لحد ما ربي يفرجها