تقدم لي شخص وكنت موافقه والحين متردده ... ارائكم لو سمحتو

السلام عليكم ورحمة الله وبركاته

كيفكم ؟؟

الموضوع ومافيه

انه تقدم لي شحص عن طريق زوج صديقتي
وهو اصغر مني بسنه او اكثر شوي ومطلق مثلي ( انا 27 وهو 26 )
ومعاه ثانوي وماعنده وظيفه (يدور وظيفه والله يرزقه ان شاء الله )
لكن عنده محل ودخله مو ذاك الزود
اخلاقه حلوه وملتزم وان شاء الله انه يخاف الله ومؤذن ووكل همه وشغله هالمسجد

واستخرت ومرتاحه وقلت لصديقتي اوك موافقه مبدئيا وخليه يكلم اهلي
وفي نفس اليوم امه كلمت امي ولزم عليها تاخذ من امي موعد بنفس اليوم

الى هنا وانا موافقه

بس ترددت واهلي ما عجبهم الوضع بعد جيت اهله وكلام امه مع امي

هو قبيلي ووضعه اوك بس امه في القعده مع امي قالت لبنتها يالــ ..... ( مدينه معينه ) اهلها مو قبايل وهالسوالف .. مع اني اكره هالسوالف بس لازم اراعي اللي يناسب اهلي ولا انا ابيه مصلي مسمي ويخاف الله فيني غيره مايفرق معي

وامه قالت اصل غير اللي قاله الولد لابوي .. مع اني تأكدت وطلع كلام الولد اللي صح
وقالت انه ما يبي موظفه ولا يبيها تدرس .. وانا شارطه على صديقتي وظيفتي او اواصل دراستي وسكن الحالي ووافق
وقالت انه يبيني للطبخ والترتيب وبس !!!!

غير النظرات اللي من فووووق ومو عاجبها وكأنها متكرمه علينا هي وبنتها يوم جت تخطب

اهلي ما عجبتهم طريقتها ... وانا ترددت وخايفه صراحه

امه وخواته قوويات ما شاء الله وماارتحت لطريقتهم

مدري هم ودهم الرفض يجي من اهلي وقدام ولدهم انهم خطبوا وماقصرووا
او هذي طريقتهم وانا ظالمتهم وفهمت غلط وبضيع فرصتي

انتظر ارائكم ومشكوورات مقدما