تكرار عملية التنظيف

الحمل والإنجاب

السلام عليكم ورحمة الله وبركاته

اخواتي العزيزات .. ياريت لو تفيدوني.. انا بتاريخ 12-11-2007 سووا لي عملية التنظيف بعد الأجهاض . وتاريخ 14-12 -2007 يتني الدوره .. ولين اليوم ما وقف الدم .. خف الدم بس تنزل عليه إفرازات فيها دم.. البارحه سرت العيادة وقالت لي الدكتوره ما سووا لي عملية التنظيف زين وفي شي بعده في الرحم وهو اللي مسبب النزيف والألم.. وقالت لي لازم ارد اسوي تنظيف مره ثانيه :(

في حد منكن صار لها نفس الموقف وهل في شي ثاني غير علمية التنظيف .. ما ابغي ارد اسوي العمليه مره ثانيه :( :( :( :(

وجزاكن الله خير الجزاء
20
8K

يلزم عليك تسجيل الدخول أولًا لكتابة تعليق.

تسجيل دخول

راس المعزّة
راس المعزّة
أعتقد فيه حبوب يعطونج اياها وهي تنزل باقي القطع..

انا ولدت قبل 8 ايام وظلت قطع من الميشمه داخل الرحم ... وسوا لي تنظيف وأول مره أسويها ومع ذلك ظلت قطع داخل .. وتموا يعطوني في المستشفى حبوب تسبب الآم مثل الطلق .. وتنزل الدم غزير .. ومعاه اطيح القطع. ..انتي سئلي دكتوره ثانيه ...
أم أحمد_02
أم أحمد_02
اختي العزيزه راس المعزّة .. إن شاء الله باجر بسير المستشفى وبسألهم عن الحبوب اللي قلتي لي عنها وجزاك الله كل خير.. الله يحفظك ويبعد عنك وعن أهلك كل شر..
القمر اسمي
القمر اسمي
up
اهات وذكريات
اهات وذكريات
الله يشفيك ياختي ويطمنك على نفسك ويعوضك انشاءالله بس ليه ماتحاولين تاخذين اشياء شعبيه تنظف الرحم المنتدى مليان بالادويه الشعبيه اللي تنظف الرحم انا اسمع عن الحلتيته والمره مع القهوه وبعد الرشاد وكثري شرب قرفه وفيه خلطة عيون وليد مررررررررررره حلوه احسها تظف الرحم الله يشفيك انشاءالله .
m00n_n00r
m00n_n00r
الله يشفيك بس حاولي تشربين قرفه وزنجبيل وتاكلين رشاد وكمون احسن لك من العمليه مرة وحده وشفنا الموت والله يعينك