تكفون الحقوني.. خلالالاص ماعاد أقدر اتحمل اللي حاصلي مع بنتي.. (( مـاتناااااام))

السلام عليكم

اختي والله اني مريت بنفس الحاله والى اليوم بنتي عصبيه وقليلة نوم اتصوري عمرها 8 شهوور وانا نفسي استويت عصبيه ومن اقل واسخف الاشياء ابكي اذا نامت متواصل مش اكثر من 3 ساعات هذا الحين؟؟

وسويت لها كل شي وصفووه لي بس ما شي فايده غير اني اشغل القران طوول اليوم في الغرفه واحس انها بدت تهدى شوي

والله يعينك عليها ويصبرك بس لا تعصبين لانها اتحس انك معصبه فتعصب اكثر ترى الياهل يحس بامه وااايد

الله يهديها وتنام وتوقف صايح يا رب دعوه من الخاطر لاني عانيت والله

مروج

الله يخليها لج يارب

انا عن نفسي جاتني حاله هستيريه من بنتي وخصوصا اني مدمنة نووووووم ومتعوده على الكسل من خمس سنين عشتها بهدوء وسكينه مع زوجي

على فكره الحاله هذي بدت من صارت بنتي ترضع صناعي يعني من صار عمرها اربع شهور بديت اعاني معاها من قلة النوم والمغص والترجيع ولقيت الحل الي كان عباره عن ورقة ميرميه تحطينها بالمطاره مالت الماي الي تسوين فيه الرضعه والحمدلله مافيه لامغص ولاترجيع


واقولج نصيحه اشتري اشرطة المعوذات والرقيه الشرعيه وشغليها عند بنتج ترى تهديها وتحفظها انا جربت الشي هذا والله والله ارتحت

عليك بسوره البقره مفعولها عجيب

بقولك شئ ترى هذا طبع فى الطفل انا ولدى سوى فينى اللى ما يتسوى لدرجة انى فرغت الشغاله تفريغ كامل له حتى تشيله .. وانا اللى كنت اخدم نفسى واخدم شغالتى .. لكن بقولك شئ القران الكريم سبحان الله يهدى شوى يعنى شغلى دائم شريط قران وضعيه بجانبها وراح تهدى قليل ... لكن الله يعينك..

على فكرة نسيت اقولك .. اخبرتنى دكتورة بعد ان كنت اذهب كل ليله للطوارئ ويقولون لى طفلك ما فيه شئ
قد يكون مغص ..
واخبرتنى عن الرضاعات اللى تجي مائله ليست مستقيمه هذه منذ ان اشتريتها لطفلى ذهب عنا بكاء الليل وتغير طفلي تغير واضح ولكن ليس كلي .. فهذه الرضاعات تقلل الغازات بحيث يكون الجزء المائل الى فوق عند الترضيع.
وهي موجوده من ماركة جونيور لدى سيتى بلازا. حجم صغير . وانا انصح الكل باستخدامها لانها فعلا تخفف المغص وعلى فكرة يقولون فى بريطانيا يستخدمونها بكثرة..
اتمنى ان اكون افدتك..
وادعي لى دعوة فى ظهر الغيب بالشفاء من ما انا فيه.. انت وجميع من يقرأ ردي ..