تكفون انا ابالغ او ردة فعلي طبيعية؟!

مادري انا مشكلتي طبيعية او انا مريضة نفسياً


انا ساكنه مع أهل زوجي و لله الحمد هم طيبين باستثناء بعض المواقف غير المقصودة لكن انا بطبعي حساسه و عصبية بس القلوب بيضا....


ام زوجي الله يسلمكم لاغية وجودي، من اي ناحية بتسألون؟ حق كل المناسبات، عيد، قرقيعان، كل شي تروح و تسبقني تشتري لبنتي... طيب انا أمها ابي البسها على ذوقي ابي اشتريلها،، تروح حتى اللبس العادي هي تشتري كل شي!!! صار الموضوع يضايقني بزيادة يا جماعة، بنتي اول فرحتي ودي استأنس اطلع اشتريلها و اسويلها، ولا اقدر لان حرام ارمي الملابس ولا تلبسها!!! شسوي؟! هل انا ابالغ او فعلا الشي يضايق؟! شي ثاني لا بغت شي تروح تسأل الشغالة، طيب هي مو شغالتك انتي شغالتان اسأليني وإذا احتجت انا الي بسألها... غير كذا وايد مرات اقول لهم عن الاشيا الي تضايقني و تسويها عادي ولا كأني تكلمت انها مضايقتني!! والحل طيب؟!