جربي الجامعه العربيه المفتوحه يمدحونها مره ورخيصه ويبي يعترفون فيها قريب جدا على حسب كلام احد المسؤولين عنها .
اوكلية خدمة المجتمع في عليشه او في الملز واذا كانت بعيده كان مادرست ولا بنت بالرياض مستحيل كل بنت يصير جنب بيتهم جامعه او ماتدرس بعدين باصات التوصيل مليانه في الرياض.
انا كنت ادرس بجامعة الملك سعود بعليشه وبيتي بالشمال صح مشوار بس الدراسه تستاهل .
وشكرا

شذوو
جامعه العربيه معترفه بس مو ذاك الاعتراف يعني لما تجين توظفين كأنك مامعك شهادة الجامعه .......... بعد ماخلوا الوزاره جامعه معترف فيها ابوي الله يطول بعمره سأل مسئول كبييييييييير في التعليم العالي قال له جامعه العربيه معترف فيها ؟؟ قال له المسئول بالحرف الواحد لا مو معترف فيها

وكليه المجتمع اللي تبع جامعة الملك سعود مكانها مو بعليشه ولا بالملز مكانها على ماأظن بغرب الرياض لو انه بالملز كان طرت له طيران :hahaha:
ومعاك ان الدراسه تستاهل بس البعيد بعيد

اختي بالنسبه لكليه خدمة المجتمع على حسب التخصص اللي ناويه تدرسينه
اذا كان تخصص طبي راح تدرسي في العلوم الطبية في عليشه

اذا كان حاسب او سكرتاريه اضن راح تدرسي في مقر الكليه الجديد بحي الفاخريه ( سابقاً كانت في التلفزيون)

على فكره الفاخريه قريبه من عليشه مررره


وبعض التخصصات في الملز اظن ...

واحيانا ممكن يكون عندك يومين في الكليه الفلانيه ويومين في الكليه الفلانيه على حسب التخصص زي ماقلت لك

واللي يبغى الدح مايقول أح :)
الحين كل الناس عندهم سواقين

اذا على بعيده تدرين اني من الشرقيه اجي :)
والحمدلله تخرجت ومعدلي عالي ولا اشتكيت ابد:)


عموماً انتي ادرى بمصلحتك
تحياتي

لا للخلطات
ابوي كلمهم قبل شهرين وسألهم اذا الوحده سجلت عندكم وين تدرس ؟؟ قالوا له بكلية خدمه المجتمع اللي عند التلفزيون

طيب اذا كنتي تعرفين عن الكليه قولي لي وين اقسام كليه علوم اداريه ( ادارة اعمال - محاسبه -اداره عامه - بنوك )
وهل صحيح اذا جبت اقل من 2,5 مايخلوني اكمل ؟؟؟

والف مبروك على التخرج ولو اني داريه اني متأخره

ويعطيك الف عافيه والله يحقق امانيك

لا للخلطات
وينك ؟؟ وممكن تجاوبين على سؤالي هذا ؟؟
طيب اذا كنتي تعرفين عن الكليه قولي لي وين اقسام كليه علوم اداريه ( ادارة اعمال - محاسبه -اداره عامه - بنوك )
وهل صحيح اذا جبت اقل من 2,5 مايخلوني اكمل ؟؟؟