هذا كله وماتبغي تحسدي احد
اجل لو ناوبة تحسدي وش بتقولي
كل وضوع ليك وكل شكوى
زوحي يفولي
زوجي يقهرني
وزوجي مدري ايش
وانتي امعة ماعندك شخصية
ماعندك لسان
ماعندك عقل تفكري فيه
ماتطالعي حولك وتشوفي النعم اللي ربي اعطاك هي
نكران وححود فظيع عندك للنعم اللي ربي عطاك هي
يعني زعلانة انك جبتي ولد واحد
طيب ماشفتي اللي يلفو المستشفيات يدورو ويبغو ريحة طفل بس
ماشفتي حالك وانتي متزوجة وعايشة ببيتك ماخذة راحتك وحولك اطفالك
وغيرك متأخرة بالزواج وعايشة ببيت كله مشاكل ولا مع مرت اب ولا زوج ام
زعلانة على ولادتك بعملية
لكن مافكرتي انها رحمة وان ممكن الوحدة تموت بعيد الشر وهي تولد طبيعي والعملية هي المخرج
ماتوظفتي
يعني متخصصة طب ولا تمريض ولا هندسة وزعلانة عشان ماترظفتي
مو يمكن تخصصك اكل عليه الدهر وشرب وماعاد يوظفو بيه
وزوجك ماتعرفي تردي عليه لمايفولك لو تولدي طبيعي
كان خلفتي بعد كل ولادة
ليه ارنب تبغي تجيبي سنويا
ولا عايشين بنعيم وحياة مرفهة وقادرين تصرفو على كوكش العيال اللي تبغو تجيب هم كل سنة
طيب طلعي لسانك.وقوليله نوع الجنس منك
اتلحلح وشد حيلك وجيب الولد من ظهرك
ولمايفولك عالوظيفة
مو لو هو متوظف برظيفة سنعة كان قدر على مصاريفككم
مو متوظف وظيفة اي كلام ولا حتى مايفكر يسعى ويدور شغل اضافي
ومتبطح في البيت
ويبغاك انتي تاخذي دوره وتصرفي عليه
نصيحة مني روحي طوريمن حالك ومن مهاراتك
وشغلي مخك المتعطل
واقعدي طالعي بالنعم اللي عندك واحمدي ربك عليها
لابيوم تصحي وتلاقي كل شي راح بسبب جحودك
وقتها تعرفي انه بالشكر تدوم النعم
وان كل شي مكتوب لنا ويصير بحياتنا هو خير والأفضل لنا

ليتني استخرت قبل انزل الموضوع
خلاص لحد يكتب شي يسم البدن
بحذف الحساب كله
ولا عاد بكتب شي لناس

عندك ولد يعني ربنا ما حرمك من الولد
بس انتي جاحدة

أجل كيف لو ربّي حرمك من الإنجاب !
و إنتي زعلانة عشان تولدي قيصري بس!

ما فهمت إيش تبغي و إيش المطلوب من موضوعك ! و زعلتي عشان نصحوك وذكروك بأفضال ربي عليك ..

وحتى لو قيصري يمديكِ تجيبي بعد سنة او سنة ونص محسسّتني خلفتك كلها بنات ولا بتجلسي 10 سنوات ما تخلفّي !
عندك ولد و ما تدّري يمكن الحمل الجاي يكون ولد وبدون الحلطمة هذي اللي ما تسوّى ..

إنتبهي من مداخل الشيطان عليك
ما دام انتي بصحة جيدة و إطفالك بعافية
إنتي بخير عظيم إحمديه و أشكريه..
ولا تقارني نفسك باللي حولك ما رح تخلصي كلاً عنده نقائص بحياته محد كامل ..

لا وسوسلك شيطانك فكري بعكس النعم اللي عندك و اللي جالسة تتمتعي فيها وشوفي حالك بعدها .
و الله يعين ويصلح وييسّر حالنا وحالك.

وعليكم السلام

يبي لك جلسة كذا تسترخين فيها يابنت الحلال

انتي معطية زوجك فرصة يأثر عليه بكلامه السلبي شوفي وين وصلك كلامه
وأنا متأكدة ان داخلك أبدا منتي كذا وعارفة ان فيه خلل
لكن تشبعتي بكلامه السلبي لين صرتي تناظرين الحياة بنفس منظوره

ولازم تراجعي نفسك ياعسل بعلاقتك بالله سبحانه ، علاقة العبد بربه ماهي علاقة نفعية إذا اعطانا الله شكرنا وإذا منعنا جحدنا، لا انتبهي حبيبتي هذا منحنى خطير

وأنتي قلتي بداية موضوعك انه لو باعدد نعم الله مااحصيها، وحنا بس من خلال موضوعك ماشاالله اتضح لنا انك عايشة في نعم والحمدلله الذرية المأوى الدراسة والتعلم والعافية كلها نعم تستحق وابل الشكر
فكيف ببقية النعم

فيه برامج مثل ياهلا وبرنامج تحت الصفر يسلط الضوء على بعض من معانات الناس
وعندك اليوتيوب ادخلي وشوفي بعض القصص
والله تطلعين وأنتي تلهجين بالشكر وفي الحديث النبوي الرسول عليه السلام أعطى حل لنا لما أنفسنا تتذمر ونحس أننا اقل من الناس
فيما معناه انه ننظر إلى من هو اقل منا حتى انفسنا ماتزدري النعمة ، وهذا التذمر موجود عن كثير من الناس مو انتي لحالك وهذي من وسوسة الشيطان فلا تنساقي لها ، وتذكري نعمة الشكر والرضا مكافئتها من الله الزيادة

طولت بس والله حسيت فيك