عيـــــون غاليها :

السلام عليكم ورحمة الله وبركاته خواتي الله يسعدكن ويوفقكن ولا يوريكن ظلم في حياتكن كلامكن خفف علي مصابي والله وبالله يا خواتي ما كذبت بحرف من اللي قلته ومرت اخوي مو صغيره عمرها 26 سنه لكن الله حسبي فيها وكفى الحين هي ما تهمني كل اللي يهمني امي واخوي الكبير حيل متضايق من اسلوبها والفاظها عليه وعشان تعرفون نعم التربيه اللي متربيتها راح اقول لكم شنو صار بعد ما طلعت من البيت مو عشانها لا والله عشان امي ما تحملت اشوفها متضايقه مني مرت اخوي بعد ما شبت النار بالبيت وبعد كل اللي صار وظربت اخوي لها دقت على اختها وبنات عمها وطلبت منهم يجيبون حلي وفطاير وقهوه ويجيونها زياره وما ودتهم شقتها فوق طلبت منهم يقعدون بالصاله الكبيره تحت قدام الكل وتمكيجت ونزلت وصارت تضحك وتسولف وياهم وما ادري هل هي مبلغتهم باللي صار ولا جايين على فالهم بس ضحك وسوالف ولا راعت شعور امي اللي بالغرفه جنبها حتى الماي مو قادره تشربه ولا خواتي اللي متضايقات وودهم يقطعونها بعيونهم ولا اخواني اللي داخلين طالعين ينافخون ومعصبين ليمن الساعه 12 بالليل وصعدت لغرفتها وضيوفها راحو واليوم الثاني مشت على حريم اخواني وحده وحده ان زوجها تعذر منها وبيطلعها يمشيها ويعشيها صدقوني انا كنت متضايقه من صراخها واسلوبها السوقي معي لكن قلت جعل فالامر خيره والحمدالله توضحت صورتها قدام الكل وطاحت من عين اخواني وخواتي حتى عمي رجال كبير فالسن من شدة صياحها اللي وصل للديوانيه صعد فوق وسمع الفاظها واستغرب شلون هذي مره وبالحرف قال مارباها رجال وهالكلمه كبيره والحمدالله على كل حال دام اخوي مرتاح معاها ما تهمني بالنسبه لي لا لها لا حشمه ولا قدر عندي ولا اراها شي ورب ضاره نافعه عرفنا اخلاقها عدل لكن اللي مضايقني امي خليتها امس كله بس والله ما قدرت انام واليوم من الصبح رحت لها بكلمها وقالت لي انا مو زعلانه منك بس لا تفتحين موضوع وانتهى انتي عطتيني وعد وكلمه ما تكلمينها وخونتي فيني كأن مالي لا حشمه ولا قدر عندك والحين مابي اسمع منك ولا كلمه نفسيتي تعبت من امي حبيت راسها ويدها وطلعت ما قدرت اتكلم وحسبي الله على من ظلمني والله ينور بصيرة اخوي اللي منخدع فيها وانا مثل ما نصحتوني خواتي راح اعتذر من امي مره وثنتين لين ترضى لان رضاها عندي بالدنيا كلها اما اخوي فغلاه بقلبي ولا اجيه ولا ابيه يجيني دامه قبل انها تلفظ علي بهالكلام وما حشمة اني اخت زوجها واكبر منها وانا حشمتها بحشمته ومارديت عليها اذا لا له عندي كلام ولا عاد يهمني ويظل اخوي الصغير بكل الاحوال وجزاكم الله عني كل خير كنتن نعم المعين بوقفتكن وكلامكن الطيب عساه بميزان اعمالكن وعسى ربي ما يحرمني منكن خوات والله اني حبيتكن وبقول لبنت خالتي عسى ربي يوفقها تخلي هالمعرف لي اتواصل معكن تراها كبر بنتي وامون عليها

السلام عليكم ورحمة الله وبركاته خواتي الله يسعدكن ويوفقكن ولا يوريكن ظلم في حياتكن كلامكن...