غلطتي في حاجه وحده أنك تكلمينه
دام أبوك عرف السالفه وهو درا أن أبوك عرف المفروض شلتي نفسك من الموضوع وقلتيله خلاص أنا مابيدي شي تفاهم مع أبوك وقفلتي جوالك أو على الأقل ماتردين على أتصالاته ورسايله وهذا بيخليه يضطر يتفاهم مع أبوك
عشان كذا صار يلعب عليك يوم يقول بجي أتفاهم مع أبوك ويوم يقول لا
ألحين خليك حازمه معه وقوليله ماراح أرد على كلامك هذا لأن ماله معنى عندي و أذا أنت تبيني وشاريني تعال لأبوي

انــا من رايي لاترجعين لي واهلك صادقين بكل كلمة قالوهااا


وبعدين هذا شايف نفسه!! واذا رجعتي له ورضيتي بكل كلامه بتصعب المشاكل اكثر واكثر


الله يهديه ويسخره لك يارب

ياختي لاتردين على اتصالته كيف تبينه يحس بقيمتك وانتي كل يوم متصله عليه وتعلمينه اخر الاحداث
اثقلي الثقل صنعه

ياليت كتبتي قبل
ياأختي أحمدي ربك مو سكار ولا نكار ولا يضرب
والله أنتي غلطانه دخلتي أهلك بالموضوع
أنتي مشكلتك عند أغلب الرجال اللي قريب من أهله
صدقيني أنتي من النوع اللي تدققين مرة إذا ضبط لاخوانه ولاحل مشاكلهم وش له تضيقين نفسك
مفروض تعطينه قواعد تقولين يابو فلان ولا باسمه أنه مايرفع صوته عليك بسبب ضغوطه قولي أنا ماتحمل مسؤليه ضيقتك بس المفروض تتحملينها
مثلا أشياء ياخرها لك ومن حقوقك قولي أنا مارضى ونت بعد ماترضى لي بهالشي
أما هدايا وخرابيط ترى الهديه مب إجباري تكرم النفس لاتقولين مب كريم ولا انه دايم مشغول عني لا ياقلبي الرجال مايفكر بالاهداء الا القليل وبعدين
الديون بلاء وحرام عليك ماتوقفين معه إن شاء الله يتسلف عشان أخوه وهواللي يسدد أدري قهر بس ترى ذا من طيب أصله

أنتي تفاهمي معه بركود وطلعي أهلك من الموضوع
وهو والله مو شايف نفسه الرجال عنده كبرياء ولا يبي يحس انه قدام عمه انه مايستلهل بنته
قولي لاهلك أنه واعدني وارسلي انه بينفذ كل طلباتي
وقولي لرجلك أني قلت لأهلي أنا حلينا المشكله وابيك تبيض وجهي ولا عاد تسوي شي يزعلني
أتمنى أكون أفدتك ولاتزعلين من كلامي
الله يصلح مابينكم

حبيبتي عشتار..

قبل فترة اقل من شهر كان عندي مشكلة مع زوجي ...وعرضتها على بنات حواء واختلفت الاراء....

لكن اهم شي تمسكت فيه ...الصمت والاستغفار ...والله انحلت مشكلتي الي كنت اظن انها مستعصية ..والحمد لله ..لكن انا ماطلعت من البيت...

اقول لك قاعدة هامه بو طبيع ما يجوز عن طبعة ..ومشكلتك هي نفس مشكلة امي الي استمرت اكثر من ثلاثين سنة..تعاني وتسوي مشاكل مع ابوي وعمرة ما تغير...

توقفي عن كل شي الكلام بالموضوع مع اهلك ..والتليفونات مع زوجك...وحاولي قد ماتقدرين تشغلين نفسك بشي ينسيكي لبعض الوقت ...
والتزمي الاستغفار ...بعد هالفترة تلاحظين نفسك اهدا وتفكيرك اركز ...وراح تتخذين القرار الاسلم ....وزوجك اذا كانت هذه هي كل مشكلته فهو احسن من ازواج كثير ..على فكرة لاتدقين عليه الفترة هذه لكن اذا دق ردي عليه ...عادي بس موبشوق ولهفه...

واتمنى لك كل التوفيق...