في المشاكل الزوجية افضل الزوجة ماتطلع من بيتها
واذا بتدخلين اهلك دخليهم يجون ببيتك يصلحون بينك وبينه

طالما هو يكلمك وبينك وبينه تفاهم واكيد مودة ومحبة
وزوجك مو سيء وان كان كذاب ومفتري
لكن الي مافيه خير لاهله مافيه خير لاحد
وهو يمكن حاس بالمسؤولية لخواته واهله
لكن انت تقدري تسحبيه بطريقتك وليس بالطرق الاغرائية والتقليدية

يعني زوجك مثلا يبي له اوامر مباشرة لكن بدون مايحس انه مقيد

يعني تحسسينه بمسؤوليتك لكن بنفس الوقت باشياء محددة ومقدور عليها

افضل الحين لتهدي الامور لانه شكله مشيش ومكبرهابراسه والرجال ياخذهم الغرور ولعلمك فيهم غباء مايعرفون ولا يفهمون المراة
انك تهدي الكلام معه بشكل لطيف فيه قوة لكن بدون تحدي

وافضل يكون بالرسايل مو بصوتك
ولا تبعدين كثير كثر البعد يولد الجفا ولا تعودي زوجك على غيبك وعدم وجودك

الحين هو بيفتقدك بعدين بيتعود واذا تعود خلاص تفقدي مكانتك

يعني مثلا تقدرين ترسلي له
زوجي الحبيب واقولها من قلبي لانه لك مكانة للحين باقية عليها وعسى مكانتي عندك ماتغيرت انا متضايقة كثير من الاوضاع بينا ...معليش لو تعطيني مساحة من الوقت خلني افكر بكلامك بهالوقت ترتبي افكارك وتشوفي اش الصالح لك


او مثلا تقولي له لو رفض يتفاهم مع الوالد ا اش رايك نمسك العصا من النص ... اعتبرها فترة خطوبة نتعرف فيها على بعضنا ونتفاهم ببيت الوالد لكن يكون بروحنا على شرط تكون بعيد ممنوع الاقتراب او اللمس


او تقولي له يا حبيبي انت عارف قد ايش مكانتك عندي واني احبك لكن الحب مو كل شي بالزواج الحب اذا مانتبهنا له يموت وانا طلعتي الحين لاحافظ على حبنا لاني مخنوقة فياليت توقف معاي ننقذ حياتنا واكيد لي مكانة بقلبك تسوى انك تمد يدك لي استند عليك ياسندي وحياتي وتاج راسي


وطبعا لما تتفاهمي معه خذي اسلوب السندويشة

يعني قولي له انا معجبة فيك انك تهتم باهلك وخواتك وياليت انت اخوي لكن المشكلة انك زوجي وافتقدك ومحتاجة لك وماعندي اخو مثلك يسوي لي اموري فاش اسوي
تحب تتبناني اختك لاجل تقوم باموري
ويا عمري انا مو ضد شهامتك الي تعجبني وتخليني افخر فيك لكن انا بعد مالي ذنب ان تقابلني بوجه مكفهر لانك متضايق من احداث مالي علاقة فيها

تخيل لو اني اجي البيت وانا ضايق صدري واحط حرتي فيك لاني متضايقة من احد

ياليت على الاقل تقول لي انا متضايق لكن مو منك اذا ماتبي تقول


وانت بعد يا اختي اذا شفتيه متضايق اتركيه بحاله
الرجل مايحب المراة اللصقة ومشاكلهم يحبون يحلوهم بنفسهم

اتركيه بحاله اذا شفتيه متضايق وعيشي حياتك بعيد عنه
انشغلي بصديقاتك باهلك بعالمك
خصوصا لو عندك اطفال وهو بيرجع لك

خذيه بالمساسية والنكتة بنفس الوقت تحسسيه بانك مو غيورة ولا انك تجبريه على اشياء هو مايحبها



الكلمة الحلوة لها مفعول السحر
وبالذات مع الرجل لان عقلهم كانه عقل طفل
واسلوب التحدي يخليه يعاند
لكن اسلوب الكلمة الحلوة الي تحسسه برجولته وانك تثقي فيه وانه مازال فارسك المتوج يخليه يسمع كلامك ويمشي بامرك ( وتعلمي من دهاء الحريم )

لكن كلام الحب ما يعني الخنوع ولا الضعف ولا التهاون بحقوقك ولا انك تخفي بنفسك ولا باهلك





الرجل بعد له كرامة وهو مو صغير ليجلس عند ابوك
بعد تفهمي وجهة نظره
ويمكن حل تتفاهموا برة بمكان محايد مثل بيت اختك بيت اخوك او حتى ببيت اهلك بالمجلس مثلا بدون وجود الوالد اهون ولو بتروحي مكان برة يكون بمواصلات تخصك لاجل لا ياخذك لبيتك ويحطك امام الامر الواقع

حاولي تتعاملي معه بالترغيب والترهيب يعني خليه يرغب فيك وبعودتك لكن انك مو سهلة المنال لو يومي لك تركضي له
اثقلي لكن بدون ما تطفشيه

وكلام اهلك صحيح لو رحتي له بدون تفاهم وبدون مايدخل اهلك بالموضوع الحين ما حيعطي لطلعتك اهتمام وبتفقدين اي تعاطف مستقبلا



طولي بالك معاه ولا تستفزيه لا يطلق
الطلاق للرجال صار مثل شربة الموية والماس تشجع ومثل ماهي عندك تلاقي عشرة غيرها


خذيه بالمسايسة وكلام حب
وتقدري من اليوم مثلا رسلي له ا رسالة انك تعزيه وتحبيه كثير وتفتقديه وانك مجروحة ومتضايقة وجرح الحبيب كبير وماطلعتي من بيتك الا انك ودك الاصلاح وان ترجعوا بحياة جديدة وسعيدة وودك تفاهمي معه لانه هو عمود البيت وكيانه وهو زوجك وحبيبك وانك تعبانة بدونه لكن برضه تعبانة من وجودك معه بنفس المشاكل لكن بعد تخافي ترجعي لنفس المشاكل من جديد


يعني توصلي نفس المعلومة لكن باسلوب مخفف جدا وباقي على العشرة

لكن بدون تنازلات منك عن حقوقك او مكانة اسرتك

وتشاوري مع والدك انه هل ممكن تقابليه ببيت ابوك لوحدكم تتفاهمون

وما اعتقد ابوك لو شاف انك بتتفاهمين معه بيرفض

الله يعينك والزم ماعليك كرامتك ماينفعك غير ابوك وامك والي متكبر عليهم ماهو كفو يناسبهم وسلامتك

استخيري فيه لانه من جد يحير

مشكلتك الي ذكرتيها صحيح متشعبه و تقهر لكن تتصلح و مهيب سبب خطير للطلاق

وشخصيه زوجك من الرجال الي ما يبون حريمهم يمشون كلامهم و انتي جيتي عالجرح

يعني لويتي ذراعه و قلتي انا الحين ببيت ابوي ما ارجع لك الا إذا كلمته

وبنفس الوقت حقك و زياده

الحين لازم تفكرين بحل يرضي كل الاطراف

يعني مثلا ابوك يعزمه عالغدا عزيمه عادية شرايك؟....

ما يجيبه من ناحيه تعال نتفاهم عن موضوع بنتي

وكلميه كلمتين قبل لا يعزمه و بعدها لعد تكلمينه

قولي لو انا وحده ثانيه كان قلت انك ما احترمت ابوي ولا جيت تتفاهم معه في موضوع بنته مثل كل الأزواج

وانت عارف اني ما ارضى احد يمس اهلي بشعره

انا مستعده ارجع لك وماطلبت شي كل الي طلبته حقوقي ، تشوف اولوياتك و تفكنا من الديون و تجي توثق هالكلام عند ابوي

كلامي معك السنين الي راحت خلانا نوصل لهالمرحله ، خل نشوف يمكن تنحل امورنا كذا ومعد نتهاوش

توقع ابوي يكلمك بأي لحظه و ترى الكوره بملعبك الحين و القرار بيدك مب بيد ابوي ولا بيدي وانت بكيفك

ارجعي بيتك و امسكي ارضك

صدقيني اسوء شئ إنك دخلتي اهلك بحياتك مع زوجك و باكر هو يدخل أهله و تصير مذابح و فرق ( الله لا يقولها )مشاكلك مع زوجك تنحلل بعد فضل الله ثم بيدك إنت و زوجك خاصة إنها مشاكلك ما هي عويصة لا مشاكل زنا و لا خمر مشكلتك وياه متكررة و تحصل في كثير من البيوت

اخيرا :

أشوفك مكبرة الموضوع بزيادة و راجعي نفسك اخافك ما احتويتي زوجك فتولدت هالمشاكل
و كون زوجك يهتم في اهله فهذا مؤشر طيب على نبل اخلاقه و الله لو كان ولد عاق كان كتبتي لنا مشاكل من نوع آخر أسأل الله السلامة لك و للمسلمات

روقي و صلي ركعتين استخارة ترجعي لزوجك و تفتحي صفحة جديدة وتحاولي تحتويه بصورة افضل


ادعو الله ان يجلي حزنك و يبدله فرحا و ان يكرمك بالذرية الصالحة الحنونة البارة