تكفووون ساعدووني .. منحرجه بس شسوي ابي حل حق الصدر

السلام عليكم خواتي .. اشلونكم انشالله بخير ؟؟

انا عضوه يديده .. وبصراحه ما كنت مسجله بالمنتدى بس كنت اقرا وعجبتني العلاقه الحلوه بينكم وتساعدكم .. فسجلت قلت اكيد ما راح تقصرون معاي .. وهذا الي اتمناه والله

مادري شلون ابتدي ، وبلييززز مشرفات لا تحذفون الموضووع لأن صج معذبتني هالمشكله ..

مع اني مستحيه اقولها ، وانتوا الوحيدين الي قدرت افتح لكم قلبي واقول لكم مشكلتي، انا الصراحه حتى امي مستحيه اقولها وعشان جذي قلت اقولكم يمكن القى عندكم حل ..:(

مشكلتي بالصدر .. انا الحمدلله اول كان صدري حلو يعني مكور ومرفوع ومافيه مشاكل ، بس الحين كل شي تغير مع اني ماعندي ياهل ارضعه ولا متزوجه :(

الي صار اني صدري اليسار صج انه ارتخى شوي لأني ضعفت (ضعفت من المرض مو رجيم) بس بعد لحين شكله نفس الاول ومافيه شي ..

اما اليمين واهو الي ذابحني .. تغيررر وايد عن اول .. حجمه اصغر من اليسار بس هذي انشالله تنحل بالتدليك والحلبه مثل ماشفت اهني بالمنتدى ..
بس المشكله ان شكله تغير من مكور لي طوالي شوي (مادري فهمتوها او لا.. بس اقصد يعني صاير شكله مو مدور) وابيه يصير مثل الثاني مكور بس اشلووون !!!
والمشكله الأكبر والأكبر والي اتمنى انكم تفيدوني لها اهيا الحلمه :confused:
اسمحولي على الصراحه مع اني حدي منحرجه ..
صايره حلمه الصدر اليمين اكبر من اليسار، بس هذا يهون.. الي صاير ان راس الحلمه مو ياي بنصها لأ صاير على جنب، يعني المسافه من بداية الحلمه لي راسها من جهه اطول من الثانيه.. وصاير تشققات بطرف راس الحلمه من الداخل، يعني الطرف الي اقرب حق الصدر الثاني مو الطرف الي يم الزنود .. استخدمت كريم حق التشققات بس اهو مكتوب عليه (حق الحروق وتشقق الحلمه الناتج من الرضاعه والحمل) بس مادري ماحسه يفيدني :(
ابي طريقه عشان هالتشققات تروح وعشان راس الحلمه يصير طبيعي يعني بنص الحلمه مو رايح على جنب تكفووووووووووووووون :(

وبلييززز لا تقولون جراحه لأني اول شي ماعندي جرأه واستحي وايد ان اقول حق امي اني بروح المستشفى حق جذي .. وثاني شي اخاف من الجراحه ان تخرب صدري..

والسبب الي سوا لي التشققات وان الحلمه تصير على جنب اهو الستيان ، لأن كنت اول استخدم ستيانات مريحه بس مو زينه حق الصدر، وكنت لما البسه الم صدريني عشان يصيرون مرتبين والي يصير ان الحلمه بدل ماتكون سيده تصير على جنب وفوقها الستيان ف مكان الي تحتك راس الحلمه بالحلمه اهني صار التشقق ..

ونصيحه مني يا بنات .. ديرو بالكم على نفسكم وصدركم لما تكونون في قعدت بنات او عرس.. ترى انا الي صار لي والله هذي عين .. رحت عرس وكان صدري مشالله صاير مو طبيعي لأن من اصل مكور ومشدود والفستان طلعهم .. الكل كان يشوفني ويقولون لي شمسويه بصدرج و جذي .. والله من عقبها وصدري مادري شفيه :( غير الي كتبته فوق، دايما تييني آلام بالصدر لي درجة اني رحت وسويت فحص حق الصدر ، لأن من كثر الالم والاختلاف في الحجم بين الصدرين خفت ان عندي بعيد الشر عنكم سرطان بالصدر.. بس الحمدلله ما كان في شي .. بس والله لي الحين وهالآلام تييني .. فديرو بالكم وعوذوا نفسكم لا يصير لكم الي صار لي :(