قبل كل شي لازم تكوني واثقه من نفسك لانك انتي جالسه تهزيئ في نفسك
وتقولين كاني هبله والكلام الفاضي الي تقوليه عن نفسك
حتى لو كنت تمثلين مافيها شي
الاهم الثقه الثقه الثقه

حبيبتي انتي ناقصك جرئة وشجاعة وثقة بالنفس ...وكلها يمكن عندك اياها لكن يحتاج اقناع نفسك ببهالشي

عزيزتي انتي اللي معقدة المسألة والحل بيدك انتي بس بعد رب العالمين طبعا

شوفي
انتي تقولين انا احس نفسي امثل لو قلت كلمة حلوة واخاف وارتجف وتجيني احاسيس غريبة ....
هذا الشي كله خيال في خيال ...يعني مو حقيقي ..يعني انتي اللي ترسمين بخيالك انك ممثلة لما تقولي حبيبي او يالغالي مثلا

وانتي كمان بنفس الوقت تتخيلين او تحسسين نفسك بالقوة او بالغصب احاسيس غريبة

والسبب : مشاعرك وعقلك وتفكيرك مايكون مع الكلمة اللي بتقوليها ...
يعني انتي لما تجين تقولين كلمة حلوة بيكون تفكيرك انه انتي ممثلة ..والخ..
المفروض في هالموقف تكون مشاعرك وتفكيرك مع الكلام اللي طالع من فمك ...يعني لاتفكرين بالامور السابقة و لا تخافين وارمي الكلمة من فمك ..وشوفي النتيجة بعدها

- زوجك بيفرح
- وتشوفين كيف كانت المهمة سهلة ...وبالتالي تقدرين تعيديها اكثر من مرة

------------

اهم شي انك تلغين كل هالتفكير من راسك ( بانك تمثلي وانك جامدة ومن هالحكي ) وكوني قدها وقدود
وخلي ثقة بنفسك وشجاعة

-------
وحاولي كم مرة ترمين كلام حلو حتى لو اجاك هالتفكير والاحاسيس ... ايش اللي بيصير يعني ؟؟؟
---------
ولحقي على زوجك ترا الرجال يحبون الكلام الحلو مثل النساء تماما ...واذا هو الان صابر فما في شي يؤكد انه بيصبر اكثر ...ومثل ماقالو الاخوات قبلي في كثييير بنات يوزعون كلام حلو وببلاش بعد ...ويمكن فوق الكلام حبة مسك ..من اللي يحبهة قلب زوجك

خلى هالكلام حلقة بأذنك عزيزتي

--------

وان شاء الله اكون افدتك وساعدتك واسفة عالاطالة

واسأل الله القدير ان يطلق لسانك ....

لا تنسين الدعاء فمفعوله اقوى من السحر

ووفقك الله حبيبتي

ياقلبي العلم بالتعلم
وانتي حاولي ورددي دائما في عقلك الباطن لازم ادلع زوجي لازم اقول له كلام حلو
بصراحة انا خبري العكس يصير في الحياة الزوجية يعني الزوج هو اللي يكون جف نوعا ما والزوجة هي اللي تمطره
وقولي الحمد لله ان زوجي يمطرني بالكلام الحلو ولازم ابادله هالشيء اذا هو كريم انا اكرم منه

يا حبيبتي لازم اتقولين هلكلمات الحلوه مهم جد جدا لزوج وتشعره براحه والأمان قوليها جنها طالعه عفويه منج مثل حبيبي شيل لصغير والله اي شي

واتمنا لج حياه سعيده وموفقه في حياتج ولا تبخلين على زوجك الكلام الحلو

سمعت مره عن طريق حلوه تساعدك على إنك تقولي الكلام الحلو وتعملي حركات حلوه

وهي إنك تكتبي كل اللي نفسك تسويه على ورقة بالتفصيل وتقريه مره وإثنين وثلاثه

وتحاولي تكوني قدام مرايه عشان تشوفي حركاتك 000بعدها من كثرة القراءة رح تحسي

إنو سار شيء عادي عندك وتقدري تعمليه 00انا ماجربت هدي الطريقة بس أحسها حلوه وتساعد

جربي وطمنيني