كل يوم اكتبيله رسالة..... و عطيه الرسالة.... او كتبيله ملاحظة.... و اقريله الملاحظة.... مكتوب فيها مثلا.... انا احب فلان :)
او حبيبي فلان او فديت فلان... :26:

أتفق مع دلوعة حمني......!!!

اقووول.... قولي "اللهم احلل عقدة من لساني يفقه قووولي" وبإذن الله تعدي الامووور على خير... على قولة ماما اللي ماتقول كلمه حلوه لزوجها راح تربيها الدنيا... يعني بيجيب وحده عليها تدللــه وتدلعه وتخسرين كل شيء... ساعدي نفسك واحنا معك.. وعشان مايصير الموضوع كلوو الله يعينيك ومن ذا الكلام يلا أبدأي تمارين وعلمينا... أبدأي بالسهل... ومن ثم الأصعب وطمنينا عالنتايج... الله يسهل واحنا معك....

انا متفهممة كثير لوضعك
لاني مريت بالحالة فترة من الزمن
و الحمد لله كل سنة تكون جرأتي اكثر


انا الي كنت احس به
اولا : الخجل الحياء ذابحني موووووووووت
ثانيا:ما اعرف كيف ابدا مع اني انصح خواتي وغيرهم "باب النجار مخلوع"
ثالثا : احسه اذا اتكلمت حيكون كلامي سخيييييييييييييييييف و بتكلج وبيضحك علي

وهو صبر معي الله يحفظه لي

و شوي شوي بالتليفون بديت ومن الكلام البسيط و كذا
ورسايل جاهزة وارسلها لانه عارف انها جاهزة ما احس انها تحرجني
يعني ما حيكون تأثيرها فيه و تريحني عشان اقدر اكمل

و يالله لك الحمد لمن شفت تأثره بهذا الشئ اتحسفت اني ما كنت اتكلم معه
بس ها ما تصيرين كلش حب ثم يمل منك <<<<اختك سوتها و اخذت على راسها

يعني بالتدريج و التدريب يعني انا كنت اردد الكلمة قبل ما اكلمه
ولازم انك تكوني حازمةمع نفسك واذا قررتي
ما ترجعي كملي لو تتعثرين و كلمة وراء كلمة تصيرين متمكنة
و لازم تدعين الله يسهل عليك وانك تبين بهالشئ مرضاة زوجك

و الله يفك عقدتك و تقدري تشبعيه من الكلام الحلو

انتي مثلي بس انا يمكن اخف منك بشوي لان انا وزوجي مثل بعض يعني فينا مشكله اننا مانتكلم كلام رومنسي مع بعض الا بالنادر ..


حاولي كلمه باليوم كلمتين باليوم الثاني , اول ماتبدين تحاولين حاولي تتكلمين وانتي بالسرير معاه والانوار مطفيه ويدك ماسكه يده صدقيني راح تطلع منك الكلمات لااراداي خاصه اذا كنتي ماتشوفينه
راح يسهل عليك كثير انك تتكلمين معاه .


والله يسهل امرك يارب ..

يابعد عمري والله انكم اكثر من اخوات ماتوقعت كل هالردود .. اشكر الي ردو كلهم بس محد فاهمني المده طويله لو كم شهر او سنه معليش بس المده طويله مررره احسها صعبه مرررره انتم شايفينها سهله ابدي برسايل بعدين شوي شوي تتجرأين طيب واذا قلت لكم ان الرسايل شغاله من ايام الملكه الى الحين ولافيه اي تقدم والحركات البسيطه اني اكتب له ورقه فيها كم جمله واحطها تحت وسادته اذا رحت لهلي او الصقها ورى الريموت او احطها على شماغه بعد مااكويه واذا قام الصبح يشوفها كل هذا سويته بس كلام شفوي ماااااااااااااااااافيه .. طيب اجيب لكم مثال للصعوبه الي انا حاسه فيها انك تكونين زعلانه مع شخص قريب منك مررره وتشوفينه كل يوم بس متزاعله انتي وياه لفتره طويله نقول سنتين او ثلاث ولاتتكلمون مع بعض ومطلوب منك انك الحين تروحين له وتعتذرين وجها لوجه وتكلمينه لاول مره مع انك كل يوم وجهك بوجهه شفتو وشلون صعبه انا احس اني بهالموقف مافيه فرق حاولت اني اقولها له وحنا على الفراش واللمبه طافيه بس نشف ريقي ولاقلت شي يجيني احساس غريب وكأني قاعده امثل او انه مايلوق علي انا عارفه كل هالاحساس بس في البدايه وبعدين بيصير شي عادي بس االطامه والنكبه في هالبدايه وشلون تجي احس مافي شي بيحرك لساني الا لو صار فيه شي لاسمح الله ودايم اخاف يموت بسم الله عليه وانا ماعمري ريحة قلبه وسمعته الكلام الي يحبه .. حتى اذا جيت اقدم له هديه اقدمها وانا ساكته كني طرما والله ماينفع ليتني ماجبت هديه بس.. هو يحس اني بارده ..والله ان الحياة الزوجيه اذا خلت من هالكلام مهما حبيتو بعض بتظل جامده ومافيها حياة الا بهالكلام صحيح هو يقولي بس يبي زوجته تبادله الكلام تحسسه بمكانته وغلاه عندها انا محرومه من الشي هذا ومقهوره احلى ايامنا راحت بدون ماافرحه والشي هذا دايم يكدرني.. دايم احس انه احسن مني وارق مني المفروض العكس تعذييييييييييييييب مايحس فيه الا الي مجربه