تكلفة محامي

بنات أنا دخلت شريكة في عقار دافعة فيه دم قلبي
قبل نشتريه كلمت مكتب هندسي يعاينه ورفضوا الشركاء بحجة إني موسوسة وأبي أوقف المراكب السايرة وقالوا إن العقار تمام ما فيه شي وقصدهم ما يطير علينا لأنه في نظرهم لقطة وما يتفوت
وبعد فترة بسيطة من الشراء بدأت تظهر العيوب واحد ورا الثاني
ومع السنوات رغم انها قليلة صار كأنه له سنووووات كثيرة وعجزنا عن التصليحات
فرفعنا قضية غش تجاري
وطلعت المحكمة مهندس واكتشف العيوب على طول بالنظر
وقال ان هيكل العقار مايل وكتب في تقريره لا يمكن الإصلاح وآيل للسقوط حسبي الله ونعم الوكيل
طبعا الخصم بنك وتعرفون بنوكنا كيف ما يخافون الله في العملاء فيبون يحملونا حنا المسؤولية
يقولون انتم وافقتم عليه ليش توافقوا
فقرروا الشركاء اللجوء لمحامي شاطر
والمحامي طلب ربع مليون ريال تقريبا
والشركاء يبون يحملوني جزء منها
مع انه لو انهم سمعوا كلامي من البداية ما اشترينا اصلا ولا دخلنا هالدوامة
وأنا رافضة أساهم بتكلفة المحامي وأشوف إن اللي دق الصدر ورفض يخلينا نفحص قبل نشتري مفروض يتحمل استعجاله وقراره
وش رأيكم