تكلمت معه قبل شوي على القهوة .. وصار اللي صار

تكلمت مع زوجي في موضوع وزعل وكبر الموضوع قصدي اواسيه ... بقولكم الموضوع شوفو يزعل او لا
من تزوجته وهو اغلب جلسة القهوة ما عندي فلوس يبغالي اشتغل شغل اضافي يعني يحسسني انه عالحديدة وفي بيتي الاول كنت اصدقه وما كنت اطلب شى الا نادر مع ان وقتها كان ساكنين في شقة لابوه وما عندنا قروض الحمدلله لدرجة امي كلمتني تقول ملابس اولادك ماهي حلوة وباين انها رخيصة وقريبتي تلمح بالكلام عن ملابس اولادي وكان اثاث بيتي ينعدم وما اكلمه عشان ظروفة المادية المهم بعد ما سكنا بيتنا هذا نفس الشكاوي
كل يوم يومين يتشكى وانا ما صرت اصدقه صرت اخذ حقوقي كاملة واغراض اولادي قلتله قبل شوي حرام عليك اذا ظروفنا مستورة واكلين شاربين ولابسين ليش تتشكى وتجيب لنفسك ولنا الهم وانت اسلوبك كذا من زمان دايم تحسسني انك مطفر وكنت اصدقك لين جبت لنفسك ولنا الكلام من الناس
الله لا يوريكم عصب ويصارخ اني انا ما اقدر ظروفه وان البيت ياخذ نص الراتب قلتله صح معك حق بس يبقى لنا سبعة الاف من الراتب نتصارف فيه مبلغ حلو بالنسبة لباقي الناس اللي توهم اشترو بيوت وانك لازم تشكر الله مو شكاوي من ١٢ سنة وانت كذا
والله يا بنات اسلوبه كذا من عرفته حتى مرره تناقشنا قال انا اقول كذا عشان ما تطلبين مع اني والله العظيم ماني متطلبة ولاني حقت مطاعم وكوفيهات هي شغالة اطلبها مره في الشهر اطلبها ٤ ساعات وتروح حتى يوم جبت التؤام ما كلمته عن شغالة نهائي صرت اطلب بالساعات اذا مرره تعبت معهم او اذا مرضو والحين قلبها علي اني انا ما اقدر
انا ما ابغى من كثر حرصه يصير بخيل لانه كل يوم يقلب الجو نكد ويعيش الدور صار دايم مهموم على شى ماهو موجود اصلا
قهرني وراح ينام تشوفوني غلطت بشئ