انصحيها وقولي لها قصص عن الذئاب البشرية وهدديها انك تعلمين امها وقولي لها بينشر صورتك ويبتزك فيها جاهله صغيرة وخليها تكسر الشريحة قدامك وخذي رقم الرجال واعطيه زوجك يكلمه ويهدده  او فيه طريقة ثانية خذي جوالها واشتركي لها بخدمة جوال كنترول وسوي حظر لرقم الحيوان اللي يكلمها وامسحي رقمه وكل رسايله من جوالها عشان ماتقدر تكلمه او توصل له وهدديها قولي ماسويت كذا الا خوفي عليك وعلى سمعة اهلك ولو كررتيها بخبر امك 

المشكلة مو هنا ، المشكلة يكونو من الناس اللي يقلبو الطاولة عليك و يقولو بنتنا بريئة و انتي تتهميها ، و تصير مشكلة بين زوجك و بينهم و السبة انتي ،، و تطيحي انتي فيها مع زوجك ،، اي شي تبغي تسويه حطي زوجك في الصورة ،،

حبيبتي وضعها الان امانه برقبتك خصوصا انها صغيره وتجهل عواقب الامر بس بتقلد زميلاتها
لازم تغيري من وضعها مايدري عن وضعها غيرك وصدقيني اذا تورطت وورطت اهلها او كبرت بتننننننننددددم لكن وش يفيد الندم
هي الان ماراح تتقبل منك بسرعه لكن اذا كبرت راح تجي تبوس راسك انك انقذتيها من النار والعار
كلمي امها لحالها وقوليها لاتعلم احد ولاتكبر الموضوع تمسك بنتها لحالها وتنصحها وتخوفها
وانتي ايظا كلمي البنت كذا مره وعلميها بالامور اللي تجهلها عن الذئاب البشريه
حراااام عليك تدرين وتاخذين الدور الصامت
والبنات اللي يقولون استري على البنت ماقولها تكلمي فيه بكل مجلس
لكن تدري امها وتوقفها عند حدها احسن من بكره سالفتها عند كل الناس
ومافيه احد احرص من الستر عليها اكثرمن امها

والله يا اختي ابعدي عن المشاكل مع أهل الزوج لا تدخلين نفسك أبدا أخاف بعدين يقلبو عليك انتي ممكن ترسلي لامها رساله من جوال غريب و تطلعي بره السالفة أحسن لك والله في هاذا الزمن اللي ينصح و يخاف على الناس هو اللي ياكلها

الساكت عن الحق شيطان اخرس. بري ذمتك. وعلمي امها. ذي مراهقه