تلاحظون؟

ضعيفين الشخصية وجودهم مشكلة ... عددهم كبير وما احد يوقفهم عند حدهم والله اخاف يجي زمن يسمون المظلوم ظالم والظالم مظلوم
والباطل حق والحق باطل بس لأنهم خايفين على نفسهم

العفو عند المقدره
يعني محد يقدر يجبر احد انه يسامح ويعفو طالما هو لسه مايقدر
واشوف ان طلب الناس من المظلوم انه يسامح لانه في الغالب هو اللي يفتح المجال للآخرين بالاخذ والرد في مظلمته ببساطه لانه يكثر الكلام عند الناس عن مظلمته
بينما الظالم تجاوز الموقف وعاش وكمل حياته طبيعي لا يشتكي لا يتذمر عند احد يعني محد يدري باللي صار عشان يتدخل
وطبعاً ما نعمم هذا الكلام على الجميع لان في ناس لسه تتقي الله وتعرف حدوده وممكن اذا عرفوا ان فلان ظالم ينصحونه ويذكرونه مثل ما ينصحون المظلوم يهون على نفسه ويفوض هذا الحمل الى ربه
وبالنسبه لي اشوف ان اللي يحاول يهذب نفسه ويعودها على التسامح والعفو ويكمل حياته وما يوقفها عند ظلم سبحان الله تلاقين حقه يرجع له ويشوف النصر سريع بعكس اللي يتمسك بمظلمته بطريقه سلبيه لدرجة انه ممكن يعتدي بالدعاء والنميمه ونشر الفتنه و يتحول من مظلوم الى ظالم لنفسه ولغيره تطول به المده ويشوف اللي ظلمه ربي يرزقه ويعلي شأنه وهو حاله واقف ومتعطل
واذا فكرنا فيها والله مافي شي يستاهل هي دنيا فانيه
وارجع اقول العفو عند المقدره محد مجبر يسامح وهو يتألم ومتضرر لكن لازم يتجاوز ويفوض الامر لله ويكمل حياته وحقه محفوظ بالدنيا والاخره

هم كذا الناس يمتحنون المظلوم سامح سامح طيب والحبيب الظالم وشبكم سكتوا عنه! 😂
البشر غريبين والله
ماعلينا الحين كيف نسوي مع النوم المفقع ذا😩

هذا اذا جينا نتكلم عن ناس طبيعين
انا اللي اعرفهم كلهم مظلومين ومافي ظالم مدري مين اللي يظلم يمكن جني.
النفس البشرية مجبولة ع الخير والشر بطبيعتها واحيانا الانسان مايقدر يدفع عن نفسه الظلم ويمكن اللي حوله نفس الشيء…
عندنا اللي في الحروب مثلا مايقدرو يدفعو عن نفسهم الظلم والجرائم والقتل وكثير هي الامثلة …
فاحيانا يحتاج الانسان انه يكون له انصار لقضيته ومؤيدين اذا هو بدون ناصر ولامعين.. واذا ماوجد عليه يصبر ع الاذى احيانا يجي الانفراج من نفسه وهذا نادر جدا وممكن بعد صبر جدا طويل كموت الظالم او مرضه او انتقاله لبيئة اخرى ..
دنيا القوي فيها حكم خان المبادئ والقيم لو يدري ان الله وراه مايوم في عمره ظلم ..
بيسامحه لان مابيستفيد شيء من حمل الضغاىن في قلبه لان الانسان بطبيعته خطاء وخير الخطائين التوابين والانسان اللي يظلم الناس هو في الحقيقة ظالم لنفسه وهو مايدري فجزاء سيئة سيئة مثلها بيكون الله يسلط عليه ناس ياذوه مثل ماهو يؤذي .
انا بالنسبة لي اكثر انسان اشفق عليه هو اللي اذاني واللي يؤذيني لان عارفة وش يصير فيه لو بعد حين يمكن احيانا مايقدر الانسان يدفع عن نفسه الظلم كفرد في مواجهة جماعة حوله لانه واحد لكن نتفائل رغم الصعاب الله يقول كم فئة قليل غلبت فئة كثيرة وهو على كل شيء قدير ومن يتقي الله يجعل له مخرجا … الله يجعل لنا مخرج من القوم الظالمين ..

يقول حكيم: بعض البشر سيؤذونك ثم سيتصرفون وكانك اذيتهم 🐸💔