>> تمسوحي في البحرين <<

تمسوح (( مأخوذه من السياحه )) بسمووووووه في البحرين


السلااااااااااااام عليكم


انا عضوه جديده وارتحت لكم بالحيل وحبيت اشارك معاكم

وان رحبتوا فيني بقولها لكم يالله ان تعينكم على هذرتي اللي ماتقضي :42:

ههههههههههههه

قبل لاهذر عليكم وأصدع روسكم أنا فيني صفة أني أحب المغامره والاكتشاف والاستكشاف
((ماعرف فيه فرق ولا مافيه قلت زيادة الخير خيرين ))هههههههههه

بالإضافة الى
>>والسباحه وركوب الخيل وجمع الطوابع >> متعارف عليها خخخخخخخ

((والحين بتعرفون هالاكتشاف والاستكشاف وين بيوديني له ))





شفتوا جوازي أهي أهي أهي >>قاعده اصيح :06:

مافيه ولا ختم


المهم وانا أزن على ابوي الا توديني لأي دوله خليجيه وماطلبت عربيه لانها مهي حاصله لي

وأعرف مسبقاً انه بيقولي >>معصي >>ومعنى >>معصي >>يعني ((لا ))

بس زيادة عليها ((تحلمين ))

نظراً لأن جوازي بيقضي وبتنتهي صلاحيته بدون ختم حرام والله دفع فلوس على الفاضي متحسفه

لازم على الاقل ختم واحد

وبعد الزن قررنا نروح للبحرين بما أنها أقرب شي لنا

((أن كنتم تسألون عن الجوازات للي يبي يروح تراها فاضيه ذاك الحين اما الحين الله أعلم الكذب خيبه ))
اقول يازيني سكته >>هههههههههههه

ويوم وصلنا وحجزنا في الفندق طبعاً كنا مجوعين نفسنا لأن

(( بنتغدعش )) بوفيه مفتوح ولازم ماناكل شي علشان ندهر في البوفيه >>ههههههههههه

والي يسأل عن كلمة (( نتغدعش )) يعني أثنين في واحد غداء وعشاء في نفس الوقت >>خخخخخخخخخ

اعلان هام حقوق الكلمه (( نتغدعش )) محفوظه لدى شركة بسمووووووووه للمقاولات (( اسمي دوم بسمة شفاتي >> مجرد تمويه مادري توضيح المهم ))


وبعد ماتغدعشت وطفح الكيل عندي قلت يابنت تسوقي في السيف علشان نهضم هالأكل
و قبل لأطلع قلت لهم يصلح أروح اهضم ساعة

أو نص ساعه وأرجع أعبي تراني دافعه فلوس

هههههههههه والله مايسوى عليهم (( تراني أمزح )) وحده خافت تصدقون خخخخخخخخخ


وبعد ماضفيت وجهي لأنه قام يضحك !


مادري ليه هل لأنه فهم كلامي وضحك؟


أو لانه مافهم وقاعد يضحك علشان يسكتني ؟


ونزلت أبي أهضم ومشيت لما تكسرت (( ايجريا )) >>يقالكم احتسي سوري


وأبشركم هالمشي فادني وأنا أقول لخوي كأن

معدتي من جهة اليمين بدت تفضى أبي فشار العسل >>بوب كورن >>اعلمكم اني اعرف اسمه هههههههههه

الصراحه لأني متحسفة أمشي وأنا خفيفه لازم على الثقيل خخخخخخ
وقالي بسموه الفشار موجود عند السينما وانا الي أطمر ومافيه كلمه حلوه الا قلتها له علشان يرضى لي أدخل معاه خاطري أشوف السينما وبالموت وافق >> بس حب شقى ولا خويتكم ماهيب راعيت هالاشياء بس اللقافه وماتسوي ههههههههه:)

ويوم جيت بدخل الا الأنوار تحتي وأزين مافيها

أنها ((أزرق وأبيض ))ياسلام على هاللونين >> محدثتكم هلاليه

وأدخل وأنا ماسكتن اخي مع ذراعه اليمنى

وطايرتن بوهتي من هالي أشوفه أشكال غريبه

وعجيبه من جد وقلت لاخوي يالله

(( هذولا عرب ولا غرب ))

قام يطالعني بطرف عينه على سؤالي الغبي

إذا تعرفون قولولي لأني بجد ماعرفت أشكال وجيهم عرب وأشوف مظهرهم الخارجي غرب !!؟
المهم وأنا ماسكتن أخوي وأقول الله لايعيد هالفشار

الي خلاني أجي هنا ويوم شراه وطلعنا قالي أبوي

ها بسموووه على وين العزم الحين ؟ قلت : الحين

خلنا نروح لباب البحرين سوقهم الشعبي نتمشى

ونتمسوح فيه والله ورحنا ودرنا بالسيارة لإن الجو

رهييييب مرررره ومو رطوبه ابداً " ايه هين "

وفي الدرب بعد رحنا للكورنيش الا نلاقي مجموعه

هنود يسوون رياضة ويقولي أخوي يالله بسموه

روحي هضمي وانا أنقز ماصدقت يجيني الضوء

الاخضر واقعد اراكض مع هالهنديه طبعاً جنبها

وأنا أشوف واحد يراكض بالكاميرا وأنا أنحاش أثرهم يصورون فلم هندي >>خخخخخخخ

إذا جا فلم أسمه (( رياضة على الكورنيش علشان نؤوول للكرش مافيش )) >>>> كأنه قلب مصري المهم انه فلم تراني طلعت وأشرت وحطيت أهداء لكم هههههههههههههه

وبعد هامجهود الطيب وهو الركض لمده خمس

دقايق قالي الوالد خلاص طاح الي براستس

" هو فعلاً طاح من ختمت على الجواز هههههه" بس قلت لا شلون نجي للبحرين ونطلع وماشرينا حلوى

ونروح للشويطر ومن شفت الحلوى طاحن سعابيلي عليها ياسلام وناخذ كرتون منها هههههههههه

وفجأه نطيح على حارة مافيها أحد وأقول لأخوي (( ياذا الأخو الي دبلت تسبودكم وبطيتها فيه هههههههههه)) أبي أسوق علشان أقولهم أني سقت في البحرين ويترك المقعد للكابتن بسمووووه >>حشى والله لو انها طياره ههههههه

وأطلب من الركاب ربط حزام الامان للأحتياط وماأمداني ماسكه الدركسون وحاطه رجلي على البنزيم الا وشوي وأصقع الي قبالي والتفت عليهم وأنا أضحك وأقول هذا عقاب لأخوي لأنه ماربط الحزام وبعدها غادرت المقعد وتركت القياده بعد ماخذت نصيبي عاد من ويش ماني قايله أنتم وفطنتكم ؟؟

وبعدها عدنا الى حيث كنا والى مسقط رأسي عدنا الى مدينه الاحلام بالنسبة لي عدنا الى وطني

وأهم شي في هالسالفه أني بختم على الجواز مرتن ثانيه

عندي ختمين دخول وخروج ياسلاااااااااااااام من قدي

هههههههههههههه



(( ملاحظة ,و تنوية , وإعلان هاااااااام ))


بالنسبه للسنما أنا ماأعمم لان فيه الناس يدخلون

وهم ماغيروا في أشكالهم لكن الاغلب والي شفته ذاك اليوم هو الي كتبته وهم بشكل عام خليجيين وماقتصر هالشي على البحرينيين بس
لا بالعكس لكل الخليجيين وهذا التنويه علشان محد يزعل علينا


وسلامتكم


>> قبل لاختم بس مو على الجواز هههههههههه

اتمنى من كل قلبي اني اكون مثل الاخت لكم << :26: