تناقشت مع زوجي وانصدمت من نظرته لي

السلام عليكم
في موقف مرة حز بخاطريأمس وانا اتناقش مع زوجي عن صديقه اللي يبي يتزوجأسأله ايش المواصفات اللي يبيها.
يقول المشكلة في اختياره على العمر هو أكبر من زوجي عمره ٤٠ويبي بنت صغيره عمرها ٢٥ سنة
.قلت له صغيرة كثير عليه فرق العمر بينهم كبير ومو حلو الشيء هذا
.قال فعلآ مو حلو يقول انا حاولت اقنعه وأقول له ترى اذا أكبر ببداية الثلاثين افضل.
واذا عمرها قريب لك ٣٨ مثلآ احسن بكثير.
وضحك بعدين يثول تدري انو لو هي اصغر منه بسنتين او سنة بتكون خروفة له وبتقدسه وتسمع كلامه!!!!! أنا الجملة الأخيرة هذي استوقفتني أولآ لأن اسلوبه ساخر ثانيآ لأن أول مرة أعرف انو هذي قناعته ثالثآ والأعظم انو الفرق بينه وبيني سنة وكم شهر انا أعرف انو كان بالبداية متردد يخطبني عشان الفرق بالعمر هو قال لي اهلي لما شافوك عطوك أصغر من عمرك بكثير مع انهم شافوني بمكان عام وبعبايتي. ولما سألوا عن عمري ابدآ ماتوقعوا انو يكون ٢٥ سنة عطوني اكثر شي ١٩او ٢٠
يقول انا بالبداية رفضت اتقدم لك بس بعدين استخرت وارتحت.
طيب هو صح مايبين على شكلي لكن تفكيري وتعاملي اكيد انضج بكثير من البنات الاصغر.
وهو بعد كان ٢٦ وشكله يوحي انو اكبر لكن كنت دايم احسه اصغر. هو دايم يطلب ادلعه وأدلله حتى على الأكل احيانا يطلب افتح له التوست وأقدمه لهوانا أخدمه لأن هو زوجي لكن في مرة كنت مشغولة وهو مصر اني أدلعه وانقهرت منه وقلت له ترى انا زوجتك أنا الأنثى اللي المفروض تدلعني وتأكلني وتعطيني اللقمة بفمي مو انا اللي أدلعك.
وفي مواقف كثير احس اني فعلآ اللي ابذل وأعطي بس مادريت انو شايفني بهالنظرة واني كبيرة عليه. انصدمت كثير.
لما خلص كلامه سألني شفيك قلت له افكر بكلامك. يعني انت ماتدلعني لأني مو اصغر منك بكثير.
قال افااا كل شيء تحاسبين عليه ترى مو قصدي وانا ادلعك قلت له باين يقول خلاص افهمي اللي تفهميه وانهى النقاش لأن اكيد ماعنده رد.
الآن يابنات ساعدوني اذا انفتح الموضوع مرة ثانية كيف اتصرف وكيف أغير قناعته وسلوكياته معاي؟ والله اندمت اني وافقت عليه لأن جد خلاني أغير نظرتي ولو اني اخذت اكبر منه بيدلعني ويعاملني افضل منه بمليون مرةوفي نفس الفترة اللي هو تقدم لي فيها كان متقدم لي شخص اكبر مني ب١٦ سنةيااااه يعني جد كنت بعيش بدلال

اعذروني مشاعري متضاربة وملخبطةلكن جد مقهورة ومدهوشة من كلامه ونظرته لي