مشتاقه لشوفة أبوها :

ي قلبي عليتس وعلى امتس ماكسرقلبي غيرامتس بس لاتزعلين علي المشكله عند امتس يبيلها تقوي شخصيتها يمكن يستحون على وجيهم ويقللون زياره واذا ماسمعولها لانهم تعود وانها ماتكلمهم خلي ابوتس يزفهم والله ان اخواتي يجون لمي وينظفون ويغسلون ويرتبون يقسمون الشغل بينهم وحده تنظف الفرن وتغسل المواعين وحده تكنس وتخم البيت وترتب وحده تمسح الغبار وتسوي القهاوي حتى انا افرح لا جو من غير انهم يجبون الحلى والموالح والشاي والقهوه معهم وحده من اخواتي تجي من منطقه بعيده اذا جلست عند امي تقوم من الصباح وتنظف وتغسل وتسوي الفطور والغداء والعشاء وحتى تجيب معها اول ماتجي مونه كامله حتى الذبيحه او كرتون دجاج لين امي قالت ليه تقول هذي مونتي ومونت اولادي مابي اجي وخلص مونتكم بعده الحمدلله ابوهم حي الله يخليه لهم وتسوي لنا منها وناكل مع اولادها حتى والله العظيم حفايض اولادها تكرمين تحطها بكيس وتخلي ولدها يرمي برى برميل الزباله الحاره وحتى اخواتي يعملون مثلها واذا كسروعيالهم شي يجبون لمي اغلي منه غير انهم يخاصمون عيالهم على الازعاج ويضربونهم حتى مايسون ازعاج وهم ياقلبي مو ها القد مزعجين بس يراعون خاطر امي لانه معها الضغط ويخافون عليها بس تصدقين امي بعد شخصيتها ماشاء الله قويه ولا تحب بناتها يجون ويوسخون البيت ويروحون وتنبه عليهم والحمدلله كلهم مبسوطين امي وهم وبرضه هم مايطولون ليله فقط الي ينامون عندنا وبعدين يروح لبيوتهم وكمان مو دايم يتجمعون عند امي ساعات يطلبون عشاء ونطلع برى منتزه ونغير جو واوقات في مخيمات والحمدلله و عند اختي هذي الي تجي من بعيد وبرضه حدها اسبوع ان طولت اسبوعين وكمان اوقات تكون لها 6اشهر واولادها صغار يخلصون مدارس وتقول بتجي ونقولها عندنا اختبارت رغم اننا عنها من زمان ومشتاقين لها لاكن تتفهم ولاتزعل وماتجي لانها تعرف اننا بنلتهي مع عيالها ولارح نذاكر انتم لازم تشدون على اخواتك او سوى فيهم مثل سواتهم فيكم زوروهم وعفسو البيت عليهم وروحو لين زعلو قولولهم حتى تحسون بالي امي تحس فيه ونحن يمكن يستحون هذي مي حياة

ي قلبي عليتس وعلى امتس ماكسرقلبي غيرامتس بس لاتزعلين علي المشكله عند امتس يبيلها تقوي شخصيتها...

Joory-yes-123-No :

أنا صحيح ماتزوجت بس ياما جلست مع متزوجات وكلهم يقولون مانترك رجالنا وأهلها آخر الإسبوع زوجك ياقلبي ماتزوج عشان يرجع عزابي أقلها وقت الغداء اسميه أنا وقت التنفيس والنفسية الخايسة الحين لو ببيت أهلي ما القى غداي نفسيتي تخيس للآخر وهو تنامين عند أهلك لما وقت الغداء يقوم مايلقى غداه أما مستحيل :eek: هذا شيء الشيء الثاني تقولين : " زوجك يروح كل يوم لأهله " هو رجل ماتفرق لو راح حكمه بيده سيارته بيده روحتك أنتِ بتضيع مسؤولية كبيرة وغير كذا رجال خواتي مايروحون لأهلهم واحد من رجال خواتي يقعد آخر الإسبوع بالبيت ؛ لأن أهله ببلد ثاني ويقول لها لاتروحين أقعدي معي والله احتاجك والثانية انكسرت يده وقال لها ارجعي لي اقعدي عندي أنا كل يوم أنزل لحارس العمارة يركب لي الرتب حقات العسكرية ما أقدر اركبها مكسورة يدي وهي تجي وقت الإجازة القديمة اربعاء وخميس وجمعة يُعقل ؟؟؟ وهذاك قلتيها تجون تجتمعون تنظفون وترتبون اللي عندي ماترفع ملعقة وياماما قومي صلحي قومي اطبخي وأمي ياحياتي تسكت وتطبخ وخواتي ليه حالة خاصة ؟ ماهم من المجتمع ولاهم خلق الله ؟ نسيج اجتماعي جزء من المجتمع لايتجزأ ووفيه اللي اردأ من خواتي وأشنع بعد والدليل تأييد الكثير لكلامي بموضوعي هذا . وأنتِ كذلك ترى خواتك حالة خاصة ماتمثل إلا ربع من المجتمع وخواتي الربع الآخر والنصف الآخر مابين ومابين :icon18: :icon20: والرجل اللي يقول لمرته اجلسي معناته تعود عليها ومايبي يخدمه غيرها سلفة إختي تقول بنفسها زوجي يقول ماش تعودت عليك بكل شيء ما أبي تروحين عني ولا أبي أهلي يخدموني أبد . والقصص اللي قرأتها عن الخيانة بعضهم تترك زوجها شهر وشهرين ومنهم تتركه إسبوع والمدة لو هي يوم كفيلة بالخيانة ممكن يدخل تويتر يشوف وحدة حلوة بلحظة فراغ وطيش ويكلمها خلال هاليوم وترجع زوجته ويظل طول وقته بباله هالبنت وشوي شوي كل ماجاء فراغ كلمها لحد ماتتطور العلاقة إلى الخيانة الفعلية وهذانا وصلنا للخيانة :icon18: اتركي عنك الخيانة تجري بدم الشخص ياما ملتزمين وأأمة مساجد وناس مطاوعة وتخاف الله انقلب حالها رأس على عقب ليه نقول أجل ربنا لاتزغ قلوبنا بعد إذ هديتنا ؟ ؟؟؟ ليه نقول يامقلب القلوب والأبصار ثبت قلبي على دينك ؟؟؟ العبد بين أصابع الله يقلبهما كيفما يشاء صديقتي تقول أبو صديقتي كان رجل دين والكل يعرفه راح فرنسا صار إنسان ثاني شخص آخر وبناته الحين يطلعون بالكيك والمقاطع واليوتيوب وأتوقع لو بقول وحدة من بناته عرفتوها مشهورة جدا جدا خالي تزوج على مرته ؛ يقول لأمي : " والله ماكأني متزوج ماغير مسافرة للطائف والرياض وتاركتني بالقصيم لحالي " . شوفي لو ماخان بالنهاية بيتزوج . هو أصلا ماتزوج وشقى وتعب وتعنى ودفع مهر عشان يرجع عزابي من جديد :icon31: أبوي الحين لما أمي تروح لناس وتنسى تصلح له العشاء ينهبل يسويها سالفة ؛ عودته ما يطبخ له غييييييييرها حتى احنا مايبينا عودته ما أحد يقطع له الدجاج غيرها لما ماتكون موجودة ماياكل دجاج :icon20::icon20: تراني مومتزوجة صحيح كلامك بس ماني جاهلة :icon31: وأوجه المتزوجات لوبغيتي :icon18: استغفر الله العظيم وأتوب إليه اللهم صل وسلم على نبينا محمد سبحان الله وبحمده سبحان الله العظيم يارب اغفر لي ذنوبي وتب عليَّ وارحمني إنك أنتَ التواب الرحيم اللهم إنكَ عفوُ كريمٌ تحب العفوا فأعفُ عنا . آمين .

أنا صحيح ماتزوجت بس ياما جلست مع متزوجات وكلهم يقولون مانترك رجالنا وأهلها آخر الإسبوع زوجك...

نهاااااال :

اهلي قريب مني احيانا اجيهم زيارات خفيفه مثل كنت طالعه سوق او شي امر عليهم والزياره الرسميه على حسب كل اسبوع او كثر شوي وانام نادرا

اهلي قريب مني احيانا اجيهم زيارات خفيفه مثل كنت طالعه سوق او شي امر عليهم والزياره الرسميه على...

مشتاقه لشوفة أبوها :

هلا بك جوري واسعدني الحوار معتس ومابيه يتحاول لجادال بس حبيت اعلق على الكلام بالون الاحمر انتي تقولين المده كفيله انه يخون لو كانت يوم عند اهلها طيب هماك تقولين هي في البيت معه لاكن مشغوله عنه بالطبخ والغسيل يعني ماراح يشوف بنات بتوايتر وفي النت والشات والدردشه الا لين خرجت مرته ماهي مشغوله في البيت عنه يعني يقدر يخون هي مي جالسه على راسه اذ ماخاف من ربه مارح يخاف غيره لو تراقبه ستين ولاتفكرين انها بجلوسها عنده بتمنعه من الخيانه ترى راي ضدك تماما يام رجال وهي عنده والنت على رجوله وهي مقابلته يكون يكتب لعشيقته وهي المسكينه جالسه تحط في فمه قطعه جاتوه وتشربه عصير وتسولف عليه وهو مع غيرها وباله مو معه موشرط الي سمعتيه ينطبق على الغير وروحي اقري قصص حريم كثير وهي عنده اكتشفت خيانته وترى هي لمن تنام عند اهلها ليله تسمح لها يشتاق لها ويحس بفرق يوم ليله تغيب عنه ومنها تعطي نفسها يوم راحه الشغالات الان لهم يوم اجازه الحرمه مايحق لها يوم اجازه واخيرا كل له قناعات وراي لايفسد للود قضيه والله يسعدك ويزوجك وتجين هنا وتوقولي واقولك:hahaha:

هلا بك جوري واسعدني الحوار معتس ومابيه يتحاول لجادال بس حبيت اعلق على الكلام بالون الاحمر انتي...