توافق تتزوجه والا لا !!!!!!!! رايكم يامتزوجاااات

السلام عليكم طبعا انا صايرة مساعده لصديقاتي وزميلاتي اي وحده عنده مشاكله واشوفها تنفع تنطرح هنا اطرح ماعندي واستفيييد كثييير منكم الله لايحرمنا منكم في وحده عمرها 28 سنة ، مؤدية وهاديه متوسطة الجمال يبغاها واحد من عمرها او اكبر بسنه ، شاب خلوق وهادي اجمل منها محافظ عالصلاه تزوج مبكر وهو صغير وعنده اظن ثلاث اطفال من اول وهو وده يعدد يفتح بيتين ذريه اكثر وايضا هو محتاج حرمتين بحياته وهالشيء شرعه الله لهم لانه اعلم باحتياجات الرجل الحين اتخذ قرار انه يتزوج والناس دلوه على هالعيله عشان بنتهم ، سبب اصراره عالزواج هو ان حرمته موظفه وطلع تعيينها بمنطقه ثانيه وأصرت انها تشتغل وتركت زوجها وراحت للوظيفة ، حاول كثيير معها ترجع لكنها متمسكة بالوظيفه واتوقع تحاول تطلب نقل لمقرها بس عاد النقل لمنطقة زوجها لا حجت البقر على قرونها الرجل محترم وسمعته زينه ويبغى يستقر ويفتح بيت ثاني حرمة غير موظفه تجلس معه وتهتم به ، والاولى لها كامل حقوقها متى ما حبت ترجع يعني مابيطلقها كلمنا انه راح يتزوج اذا ما رجعت ومن هالكلام ، ما وافقت له انه يتزوج وكمان ماتبغى تتنازل عن الوظيفه ، مع العلم زوجها جدا مرتااااح ماديا ومو ناقصهم شيء البنت متردده ترتبط به او لا هي تقول اكبر مني بسنه واخاف انه زوجته اصغر منه بثلاث سنين مثلا بيصير هي الجديده وكبيره من عمره وبعد تخاف انها تكون حلووه لان البنت متوسطة الجمال الامر الثالث تقول خااايفه ان هذيك لما تعرف انها عقدت عليه او قبل العرس باسبوع كذا ترجع لزوجها وتصر انه يطلقها او تلحس مخه عشان يتركها مع اعلم ان الزوج حاول كثيير من قبل وهددها انه بيتزوج وهي رافضه ترجع ، وايضا لما سألوا الخاطب لو رجعت الاولى بعد العقد كيف بتتصرف انت ؟؟ قال انا مقتدر على فتح بيتين وحريص انه يكون عادل بحال رجوعها ، الرجل عاقل بس هي ماتامن الاولى خصوصا ان البنت مو حق مشاكل