والله مشكلة
الحين عشان ما تنجرح ولانها كلها احساس بتصير الثانية ولا يهمها غيرها ! ياشيخة قطعها الاحساس
الاحساس يكون للغير زي ما يكون للنفس
هذا احسه انانية مو حساسية
اهم شي انا ما يتزوج علي وغيري بالطقاق ولا من الحين جالسه تفكر لو تزوج عليها وش تسوي ! ^ ^
عموما اكيد بتفتح عينه على التعدد لو شرطت من الحين
وتحط في بالها بما ان التعدد في مخه وابتدا فيه في عمر مبكر فهو غالبا بيستمر فيه يعني ممكن يكمل الاربع اذا وصل للخمسين
يعني لو شرطت كانها تقوله شوف انا ماني مقتنعة في اللي جالسة اسويه
انا موافقة على انك تعدد على زوجتك ومقتنعة بس ما ارضاها لي !
وسالفة الزين والشين هذا ماله دخل بالمحبة والمودة
ياما شفنا زوجات اولات جمال وبياض وانوثة وسنع وتزوج عليهم الاقل منهم بشكل واضح وصار الغلا للثانية
حتى انو بعض الرجال تكون الاولى مضحية و ناكرة للذات و شهيدة لارضاء الغير
والثانية العكس انانية وقوية وما تخليه يسوى ريال
ويطير بالثانية وينسف الاولى
فالمحبة والغلا من الله

اقصد انها توافق في حال انها راضيه يتزوج عليها لكن طالما علی قولتك متحسسه من موضوع ان يعدد عليها فالشغله مو رقم ولازم تصير 2 ولاتبي تشوف 3 ولا 4 فوق راسها الشغله زواج

دامها صغيره وبكر ليه تاخذ معددالمطلق ارحم

هو ياحافظ
يوم جاء دورها ققال ابشرط عليه مايتزوج علي الا بفلوس
طيب هذاها راضيه تدخل على اولى
ليش ماترضى يدخل عليها ثالثه
وتحسبينه اذا بغاء يتزوج الثالثه يبي يعطيك وجهه يبي يقولك موافقه ولا بيت اهلك قريب
زي ماهمته ام عيالك انتي زيها
تحسبين المعدد يهمه احساس المراة ومشاعرها هو همه نفسه وبس
بس انا اللي مستغربه له


ليش زوجته الاولى متمسكه بوظيفتها وباعته عشان الوظيفه ولا همها زوجها ليييشش
ولاهمها يطلقها ولا حتى يتزوج عليها
وش هي شايفه منه خلاها تتمسك بالوظيفه
عني انا محتاااااجه وظيفه حييييل بس لو زوجي سوا زي زوج هذي ماقدر اسوي اللي هي سوته اتركه وانقز بعيد ماقدر


لذا خليها تستخير ولا تقعد تقول اشرط مايتزوج ثالثه ورابعه
المهم اذا وافقت تحط لها مؤخر لوفكر يطلقها
لانه بنت خالتي صار لها كذا
تزوجت واحد مطلق وبعد كم شهر رجع لزوجته ودخلها على لبنت خالتي وطلق قريبتي
اخذ قريبتي مكرابه لزوجته يربي زوجته فيها
ومدرسه عندنا برضو تزوج عليها زوجها ويوم تعدلت المدرسه وهتمت بنفسها بزوجها طلق الثانيه وهي حامل قال ايش مابي عيال ليش تحملين وطلقها اخذها عذر عشان يطلق


لذا ماينفعك غيرررررررر الاستخاره كل يوم استخيري
واذا وافقتي حطي مؤخر عشان لو طلق

من حقها تشرط الي تبيه بالعقد عشان لو خايفين من رده فعل الاولي او رده فعل الرجال لو رجعت زوجته والأفضل يكلم زوجته ويقول لها انا شفت بنت الحلال وباقي علي ملكتي أسبوع هاااا لك نيه ترجعين او لا عشان لا يصير الامر فجاه وتصير مشاكل وثانيا تكتب كل شرط بالعقد لا تتجاهل ومافي شي حاليا اسمه كلام رجال لا لاتثق بهالكلمه نهائيا خل تكتب عليه مؤخر مثلا 150 الف غير بيت مستقل لحاله وبعيد عن بيت الاولي ويفصل بينهم تماما ويعدل وخلاص اذا الرجال مايعينه شي ومرته معانده تتزوجه ليه لا